Yowano 16:5 - Livulu lya Shukulu Kalunga

⁵ Oloni ololo njilinakuya kuli uje wanjitumine, oloni naumo wai weni anjihula kuje njilinakuya.

Yowano 16:5 Iomraidhean Croise

Yowano 13:3

Yesu wazivukile ngeci Ishe namwana nzili yoshe, co wazivukile ngeci watunda kuli Njambi, co alinakuya kuli Njambi.

Yowano 13:36

Simoni Petulu wehwile Yesu ngwendi, “Mwene, uya kulijo?” Yesu wakumbulwile ngwendi, “Kuje kunjilinakuya kuwasa kunjikava, oloni ukanjikava kulutwe.”

Yowano 14:28

Mwanjizivile munjendekele kuli yeni ngwange, ‘Njilinakumiseza, oloni njikaija kuli yeni.’ Nga mwanjizema, nga mwavwaelela omwo njilinakuya kuli Tate, omwo Tate wapwa wakama kutuvakana yange.

Yowano 16:10

akavavayesa a vushunga omwo njilinakuya kuli Tate, co yeni kumukanjimono lalo,

Yowano 16:16

“Mu kasimbu kakandondo lika kumukanjimono lalo, co mu kasimbu kakandondo lalo mukanjimona.”

Yowano 16:17

Vamo vandongisi vendi valihozwele akati kavo ngwavo, “Eci cilumbunuka vika? Atuleka ngwendi mu kasimbu kakandondo lika kutukamumono lalo, co lalo mu kasimbu kakandondo tukamumona, co lalo endeka ngwendi, ‘Omwo njiya kuli Tate.’

Yowano 16:28

Njatundile kuli Tate, co njezile ano a kaye, co ololo njilinakutunda ano a kaye njilinakuya kuli Tate.”

Yowano 17:13

Oloni ololo njilinakwija kuli yove, co njilinakwendeka vyuma evi ano a kaye ngeci kuvwaelela kwange kukale mu vimbunge vyavo.

Yowano 17:4

Njinasholola vumpau vwove ano asi, co njinamanesa vipangi vije viwanjanene ngeci njivilinge.

Yowano 6:62

Asinoni vatijo nga mumona Muna Munu eluka ku mutambela kuje kwakele laja?

Yowano 7:33

Yesu wendekele ngwendi, “Njikakala neni kasimbu kakandondo lika, co asinoni njikaya kuli uje wanjitumine.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.