Yowano 16:33 - Livulu lya Shukulu Kalunga

³³ Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Yowano 16:33 Iomraidhean Croise

Myaso 68:18

Omo walondele a munkinda waulaja, waile na vinzinda vavangi, co watambwile vwana kuli vanu vaka-kutengulukila. Shukulu Kalunga Njambi akakala kuje.

Mika 5:5

co ikeye akanena kwoloka. Omo vaAsilya vakazengeleka lifuti lyetu nakuvujula vivumbe vyetu, co tukalanya vantwama vetu va nzili ngeci vakuvalwise.

Mateo 9:2

Co vanu vamunenelele munalume umo muka-kayekele walalele a linala. Co omo Yesu wamwene kukulaela kwavo, wendekele kuli uje muka-kayekele ngwendi, “Simpa, munange, vivi vyove vanavisambesa.”

Luka 19:38

ngwavo, “Njambi avezikise mwene ou aija mu lizina lya Shukulu Kalunga! Kwoloka kukale mwilu na vumpau kuli Njambi!”

Luka 2:14

“Vumpau kuli Njambi wa akamwa ya akamwa, kwoloka kukale ano asi kuli vanu vaje vamuvwasa!”

Yowano 12:31

Ololo simbu yakusompa inaija kuli vaka-kaye, ololo muka-kushwana kano kaye vakamusheka.

Yowano 14:1

Yesu wavalekele ngwendi, “Kesi mulishoshomwene mu vimbunge vyweni. Kulaeleni kuli Njambi, co kulaeleni kuli yange lalo.

Yowano 14:27

“Kwoloka njimisezela, kwoloka kwange njilinakumyana. Kesi ngwe muvakana muje vaka-kaye. Kesi mulishoshomwene mu vimbunge vyeni, nameme kesi muzive lyova.

Yowano 16:11

nakuvavayesa a cihiso omwo muka-kushwana wa ano a kaye vanamuhisa laja.

Vilinga vya Miluwa 14:22

Vakolesele vaka-kukulaela nakuvatakamesa ngeci vapwe vaka-vushunga mukukulaela. Vavalongesele ngwavo, “Tunapande kwita mu tuyando twatungi ngeci tukovele mu Vumwene vwa Njambi.”

Vilinga vya Miluwa 23:11

Ku vutsiki vuje vene Mwene wemanene kuyehi na Paulu wendekele ngwendi, “Kesi uzive lyova! Unaana vukaleo vwove ali yange muno mu Yelusalema, co unapande kulinga cifwa cimo lalo na mu Loma.”

Vilinga vya Miluwa 27:22

Oloni ololo njimilomba ngwange, koleseni! Omwo naumo wai weni akazimbalesa mwonyo wendi, oloni kuvanga vwato lika vukevwo vukazimbala.

Vilinga vya Miluwa 27:25

Ngecivene, koleseni eni vanalume! Omwo njinakulaela kuli Njambi ngwange cikasholoka vene ngwe muje njamilekele.

Vilinga vya Miluwa 9:31

Ngecivene, vikungulukilo vyoshe mu Yundeya na mu Ngalileya na mu Samaliya vakele na simbu ya kwoloka. Akukwasa kwa Munzinzime Wakujela vikungulukilo vyakolele nakuliwezelela, ngwe akuyoya kwavo mukukomoka Mwene.

2 Kolinte 1:3

Tukandeleleni kuli Njambi Ishe ya Mwene yetu Yesu Kilistu, Tate wa mema ku mbunge, Njambi kuje kukatundu vukwasi vwoshe!

2 Kolinte 13:11

Akumanesa, vakwetu, saleniho! Kakateyeni kulumbunuka, tolilileni kukulambela kwange, kaleni na mbunge imo, kaleni mu kwoloka. Co Njambi muka-cizemo na kwoloka akakala amo neni.

2 Kolinte 2:14

Oloni kukandelela kuli Njambi! Omwo muli Kilistu simbu yoshe ikeye natutwamenena ngwe mbunga ya vinzinda vaka-kuhyana muli Kilistu. Njambi akatupangesa mukulingisa Kilistu ashandoke ngwe lwengo lwaluvwa lwakumuzivuka kwoshe-ikwoshe.

2 Kolinte 4:7

Oloni yetu tuli na vufuko ovu tunapu ngwe vindeo vya vuma mukumwesa ngeci nzili yakushemutuka ikeyo yapwa ya Njambi, kesi yetu embwe.

2 Kolinte 6:4

Mu ngila eyi vene, mu vyoshe vyuma tulinakupanga, tulinakusholola ngeci tunapu vangamba va Njambi, a lukakateya na mu tuyando, mu n̄avava na mukukaluwa na mu vitanga.

2 Kolinte 7:4

Mwa vushunga njinasimpi manene ali yeni, co lalo njilinakujolela ali yeni! Mu tuyando twetu twoshe njinashulu nevi vyakunjizembeleka, njishulu nakujolela.

Ngalatiya 1:4

Uje walyecele ikeye vavenya omwo vuvi vwetu, ngeci atwamene ku simbu ino yaivi, ngwe ku cizango ca Njambi Tatetu,

Ngalatiya 6:14

Ngwe ali yange, nameme ngoco, yange njikalyalesa lika a cilindakano ca Mwene yetu Yesu Kilistu, omwo a cilindakano cendi kaye kanatsi kuli yange, co yange lalo njinatsi ku kaye.

Filipu 4:7

Co kwoloka kwa Njambi, kuje munu naumo wai asa kuzivisisa, cikanyunga vimbunge vyeni na viyongola vyeni mwamuvwa muli Kilistu Yesu.

Kolose 1:20

Ngecivene, ali Mwana, Njambi wayongwele kwilwisila kaye koshe kuli ikeye vavenya. Njambi wanenele kwoloka a maninga a Munendi a cilindakano, co waambesele vyuma vyoshe kuli ikeye vavenya, vije vili asi na vije vili mwilu.

1 Tesalonika 3:4

Omwo a simbu ije twakele amo neni, twamilekelele cimweja ngwetu tukawana mapakeso, ngwe mumwazivukila, evi vikevyo vyalingiwile.

1 Tesalonika 3:7

Omwo a cuma eci, mu tuyando twetu twoshe na n̄avava twakele nakulitakamesa omwo ali yeni vakwetu. Kukulaela kweni kukekwo kwatutakamesele,

2 Tesalonika 3:16

Mwene vavenya, uje wapwa nsina ya kwoloka kwetu, amyane kwoloka a simbu yoshe na mu vingila vyoshe. Mwene akale neni muvavoshe.

2 Timateo 3:12

Woshe uje ashaka kuyoya vuyoye vwa vu Njambi vuje vuli muli Kilistu Yesu akamona mapakeso,

VaHevelu 11:25

Wayongwele ngeci mwamuvwa kumona tuyando amo na vanu va Njambi kutuvakana kuvwaelela kwa kasimbu lika mu vuvi.

VaHevelu 7:2

co Avilahama wamwanene cavulikumi ku vyuma vyoshe vije vyakele navyo. Co kulumbunuka kwakulivanga ya lizina lya Melekizendeki kwapwa “Mwene wa Vushunga,” co omwo ikeye wapwile mwene wa ku Saleme, co kulumbunuka kwa lizina lyendi lalo lyapwa “Mwene wa Kwoloka.”

1 Petulu 5:9

Imaneni mbe mukukulaela kweni, co muvyaneni, omwo mwazivuka ngweni vaka-kukulaela veka mu kaye mwoshe valinakuyanda tuyando twa muyati ou vene.

1 Yowano 2:13

Njilinakumisonekela yeni vatate, omwo munamuzivuka uje wakeleko tunde ku san̄ulu. Njilinakumisonekela yeni vakwenje, omwo munamuhyana Uje Liyavola.

1 Yowano 4:4

Oloni yeni vana vange vavandondo, munakundama kuli Njambi, co munahyana vaka-kwimanena va makuli, omwo Munzinzime uje ali muli yeni ali manene na nzili kutuvakana munzinzime uje uli muli vaje vanakundama ku kaye.

1 Yowano 5:4

omwo muna Njambi woshe asa kuhyana vya a kaye. Co ngila ituhyana nayo nakutuvakana vya a kaye ikeyo kukulaela kwetu.

Kujombolola 12:11

Vamuhyanene a maninga a Muna Manga na a vushunga vuje vambulwile, omwo vakele na cizango cakwecela myonyo yavo noo kutsa.

Kujombolola 3:21

Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.

Maako 3:2

Ikeye walingile eci, ngeci alongese cisemwa na cisemwa ca vaIsalele kulwa nzita, vunene vene kuli vaje kuvalwile nzita ku simbu ya laja.