Yowano 16:32 - Livulu lya Shukulu Kalunga

³² Simbu ilinakwija, co inete laja, omo yeni voshe mukashandoka, munu na munu akaya kwimbo lyendi, co njikasala ange lika. Oloni kunjikasala ange lika embwe, omwo Tate ali amo nange.

Yowano 16:32 Iomraidhean Croise

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

Mateo 26:31

Asinoni Yesu wavalekele ngwendi, “Ku vutsiki vuno vene, yeni voshe mukatewa nakunjiseza ange lika, omwo visoneka vinendeka ngwavyo, ‘Njambi akatsiya kanyungi, co vutanga vwa vimanga vukalishandoka!’

Mateo 26:56

Oloni vyoshe evi vyalingiwa ngeci vije vivendekele vaka-kwimanena mu visoneka vilingiwe.” Aje vene vandongisi vendi voshe vamusezele, co vatewele.

Mako 14:27

Yesu wendekele kuli vakevo ngwendi, “Yeni voshe mukatewa nakunjiseza ange lika, omwo visoneka vinendeka ngwavyo, ‘Njambi akatsiya kanyungi, co vimanga voshe vakalishandoka.’

Mako 14:50

Asinoni vandongisi vendi voshe vamusezele, co vatewele.

Yowano 12:23

Co Yesu wavakumbulwile ngwendi, “Simbu inete omwo Muna Munu atambule vumpau.

Yowano 16:2

Vakamisheka mu masinangonge, mwa vushunga simbu ikaija omo woshe uje akamitsiya akayongola ngeci akulinga cuma eci alinakupangela Njambi.

Yowano 16:25

“Njinendeka neni na visimo mukumileka vyuma evi. Oloni simbu ikaija omo kunjikendeka lalo neni na visimo, oloni njikendeka vya Tate kuli yeni na majwi aje amuzivisisa.

Yowano 16:31

Yesu wavakumbulwile ngwendi, “Ololo mwakulaela ndi?

Yowano 19:27

Asinoni wendekele lalo kuli uje ndongisi ngwendi, “Kenga vanyoko ava.” Co kutunda a simbu ije uje ndongisi wamutwalele ku njuvo yendi.

Yowano 20:10

Asinoni vaje vandongisi velukile kwimbo.

Yowano 4:21

Yesu wendekele kuli ikeye ngwendi, “Ove munakazi njikulaele, simbu ilinakwija omo vanu kuvakalemesela Tate a munkinda ou nambe mu Yelusalema.

Yowano 4:23

Oloni simbu ilinakwija, co inete laja, omo a nzili ya Munzinzime wa Njambi vanu vakalemesa Tate ngwe muje mwafwa, vakamulemesa mu vushunga ngwe muje mwashaka.

Yowano 5:25

Mwa vushunga njimileka ngwange, simbu ilinakwija, co inete laja, omo vatsi vakaziva lijwi lya Muna Njambi, co voshe vaje valiziva vakayoya.

Yowano 5:28

Kesi mukomoke a cuma eci, omwo simbu ilinakwija omo vatsi voshe vakaziva lijwi lyendi,

Yowano 8:16

Oloni nameme nga njisompa, kusompa kwange kunapu kwa vushunga, omwo kunjesi ange lika embwe, oloni Tate uje wanjitumine ali nange.

Yowano 8:29

Co uje wanjitumine ali amo nange, kanjisezele ange lika embwe, omwo simbu yoshe njikalingi vije vimuvwaelelesa.”

Vilinga vya Miluwa 21:6

Asinoni twalisalesele navo, twakovelele mu vwato vwetu a simbu ije, co vakevo velukile kwimbo.

Vilinga vya Miluwa 8:1

Co Saulu watavele kutsa kwa Setefano. A litangwa lije vene cikungulukilo ca mu Yelusalema cashangumukile kuyanda na mapakeso. Vaka-kukulaela voshe, kuvanga lika miluwa, vashandokelele mu mafuti a Yundeya na Samaliya.