Yowano 16:26 - Livulu lya Shukulu Kalunga

²⁶ Omo litangwa lije likaija, mukamulomba mu lizina lyange, oloni kunjendeka ngwange njikamilombelela kuli Tate embwe,

Yowano 16:26 Iomraidhean Croise

Yowano 14:16

Co njikalomba kuli Tate, co akamyana Mukwasi weka, uje akakala neni ku myaka yoshe.

Yowano 14:20

Omo litangwa lije likaija, mukazivuka ngeci yange njili muli Tate neni muli yange, ngwe omo yange njili muli yeni.

Yowano 16:19

Yesu wazivukile ngeci vashakele kumwihula, ngecivene, wendekele kuli vakevo ngwendi, “Njinendekele ngwange, ‘Mu kasimbu kakandondo lika kumukanjimono lalo, co mu kasimbu kakandondo lalo mukanjimona.’ Evi vikevyo mulinakulihozola akati keni ndi?

Yowano 16:23

“Omo litangwa lije likaija, kumukanjilombo cuma cimo. Mwa vushunga njimileka ngwange, nga mukalomba cuma coshe kuli Tate mu lizina lyange akamyanaco.

Yowano 16:30

Twazivuka ngeci yove uzivuka vyuma vyoshe, co naumo wai napande akwihule vihula. Eci citulingisa ngeci tukulaele ngwetu yove watundile kuli Njambi.”

Yowano 17:19

Co omo ali vakevo njilikundika yange vavenya kuli yove, ngeci na vakevo lalo valikundike mu vushunga kuli yove.

Yowano 17:24

“Ove Tate! Unavana kuli yange, co njishaka vakale nange kuje kunjili, ngeci vakamone vumpau vwange, vumpau vuje vuwanjanene, omwo wanjizemene simbu kanda vatange kaye.

Yowano 17:9

“Njilinakuvalombelela. Kunjilombelela vaka-kaye oloni njilombelela vaje vawanjanene, omwo vapwa vove.

Loma 8:34

Iyajo asa kuvahisa? Kesi Kilistu Yesu, uje watsile, eyo, uje wasangukile ku vatsi, co ali ku livoko lya cilyo lya Njambi, mukutulambelelako kuli Njambi!