Yowano 16:20 - Livulu lya Shukulu Kalunga

²⁰ Mwa vushunga njimileka ngwange, mukalila nakusikoka manene, oloni vaka-kaye vakajolela, mukakala na vusiwa, oloni vusiwa vweni vukatenguluka kupwa kujolela.

Yowano 16:20 Iomraidhean Croise

Yombi 20:5

kujolela kwa vaka-vuvi kukwesi kwishwala. Co kuvwaelela kwa vaka-kujeneka kukulaela kwapwa kwa kasimbu kakandondo.

Myaso 30:11

Unatengulula vusiwa vwange kuvupwisa kujolela, unatundisa vusiwa vwange nakunjana kujolela.

Myaso 30:5

Omwo kuluvala kwendi kwa kasimbu lika, oloni vuvwa vwendi vwapwa vwa simbu yoshe. Kulila kukakalako a simbu ya vutsiki, oloni kujolela kukakalako ku mutondo.

Myaso 97:11

Ceke citwila ali vaka-vushunga, nakujolela kukaija ali vaka-kushungama mu vimbunge.

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Isaya 66:5

Tolilileni vije vyalinakwendeka Shukulu Kalunga, yeni vaka-kumukomoka nakumwononoka ngwendi, “Vandolome veni vamizinda nakumivyana omwo munapu vaka-kulongwa kuli yange. Vamishendumuna nakwendeka ngwavo, ‘Shukulu Kalunga amwese nzili yendi nakumyamena, ngeci tumone kujolela kweni.’ Oloni ava vendeka vyuma evi vakaziva shwamwa yakama!

Njelemiya 31:25

Njikahwimisa vaje vanajuka, co njikana vyakulya ku munu na munu uje nazeye na njala.

Mateo 21:38

Oloni omo vaka-vipangi vamwene munendi, valyendekesele akati kavo ngwavo, ‘Ou ikeye mwana wa vavenya citungu, ijeni tumutsiye, co tukafungula vufuko vwendi!’

Mateo 5:4

“Vanavezika vaje valinakulila, omwo Njambi akavazembeleka!

Mako 14:72

Co aje vene ndemba watambekele simbu yamucivali, co Petulu wanukile muje mwendekele Yesu ngwendi, “Simbu ndemba kanda akatambeke visimbu vivali, ukanjivyana visimbu vitatu ngwove kuunjizivuka.” Co washangumukile kulila.

Mako 16:10

Waile nakulekako vaje vakwavo vakele na Yesu. Vakele na vusiwa nakulila,

Luka 22:45

Omo wakatukile kutunda kukulombela, waile kuli vandongisi vendi wavawanene vanalala tulo, omwo vazeyele na vusiwa.

Luka 22:62

Co Petulu watuukile anja walilile manene.

Luka 23:27

Mbunga yakama ya vanu vamukavele, akati kavo akele vanakazi vaje vakele nakulila nakulinyenga ali ikeye.

Luka 24:17

Yesu wendekele kuli vakevo ngwendi, “Vin̄anda muka mulinakusimutwiya oku mulinakwenda?” Vemanene, vihanga vyavo vyakele na vusiwa.

Luka 24:21

Co twakele na cinyangavili ngeci, ikeye akapatula Isalele! Co lalo lelo linapu litangwa lyamucitatu kutunda aje vyalingiwile vyuma evi.

Luka 6:21

“Mwavezika yeni muli na njala ololo, omwo mukakuta! “Mwavezika yeni mulinakulila ololo, omwo mukajolela!

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Yowano 16:6

Oloni omwo njinamileka vyuma evi, vimbunge vyeni vili na vusiwa.

Yowano 20:20

Omo wamanesele kwendeka evi, wavamwesele mu mavoko endi na ku vimati vyendi. Asinoni vandongisi vavwaelelele omo vamwene Mwene.

Vilinga vya Miluwa 5:41

Asinoni omo miluwa vasezele ije Munga, vavwaelelele manene omwo Njambi wavayongwelele kuyanda nakushauka omwo lizina lya Yesu.

Loma 5:11

Oloni kesi evi lika embwe, tujolela omwo a vije vyanalingi Njambi ali Mwene yetu Yesu Kilistu, uje ololo natupwisa vasamba va Njambi.

2 Kolinte 6:10

nambe tulinakuviilila, oloni simbu yoshe tulinakujolela, tulinakusholoka ngwe tu tuutu, oloni tunapwisa vanu vavangi vaka-kufuka, tulinakusholoka ngwe kutwesi nacimo cai, kuma tunafuku vyuma vyoshe.

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

1 Tesalonika 1:6

Mwatembunwinine yetu na Mwene, co nambe mwamwene tuyando twakama, oloni mwatambwile lijwi nakujolela kuje kukatundu kuli Munzinzime Wakujela.

Yakomba 1:2

Vasamba vange, liyongoleni yeni vavenya ngweni mwavezika omo vyeseko vyavingi vilinakwija kuli yeni,

Yunda 1:24

Co ololo kuli uje asa kuminyunga kutewa mutanuka, nakuminena nakujolela ku vumpau vwendi kujeneka mulonga,

Kujombolola 11:10

Vanu vaka-asi vakajolela a kutsa kwa ava vanu vavali, vakalisamba nakutumisa mavwana kuli umo na mukwavo, omwo vaje vaka-kwimanena vavali vanenele tuyando twakama manene a vanu va ano asi.

Kujombolola 18:7

Mumweseni manene n̄avava na tuyando ngwe muje mwalyanene ikeye vavenya vumpau nakujolelala. Omwo alinakulyendekesa ikeye vavenya ngwendi, ‘Njinatumbama ngwe nji vamwene! Kesi nji fwile embwe, kunjikazivi vusiwa!’