Yowano 16:19 - Livulu lya Shukulu Kalunga

¹⁹ Yesu wazivukile ngeci vashakele kumwihula, ngecivene, wendekele kuli vakevo ngwendi, “Njinendekele ngwange, ‘Mu kasimbu kakandondo lika kumukanjimono lalo, co mu kasimbu kakandondo lalo mukanjimona.’ Evi vikevyo mulinakulihozola akati keni ndi?

Yowano 16:19 Iomraidhean Croise

Mateo 6:8

Kesi mupwe ngwe vakevo, omwo Ishweni nazivuka laja vije vimunajeneka omo kanda mulombe.

Mateo 9:4

Oloni Yesu wazivukile viyongola vyavo, co wavehwile ngwendi, “Vikajo mulinakuyongwela vyuma vyavivi mu vimbunge vyeni?

Mako 9:32

Oloni kuvazivukile kulumbunuka kwa vilongesa evi, co vakele na lyova lyakumwihula.

Yowano 13:33

Vana vange vavandondo, oloni kunjikakala neni simbu yakama. Mukanjishakezeka, oloni njimileka ololo ngwe muje njalekele vaka-kushwana va vaYunda ngwange, ‘Kumwasa kuya kuje kunjilinakuya.’

Yowano 14:19

Oloni mu kasimbu kakandondo lika, co vaka-kaye kuvakanjimono, oloni yeni mukanjimona, omwo njilinakuyoya, neni lalo mukayoya.

Yowano 16:16

“Mu kasimbu kakandondo lika kumukanjimono lalo, co mu kasimbu kakandondo lalo mukanjimona.”

Yowano 16:18

Vendekele ngwavo aka ‘Kasimbu kakandondo lika’ kanalumbunuka vika? Kutuzivuka evi alinakwendeka!”

Yowano 16:23

“Omo litangwa lije likaija, kumukanjilombo cuma cimo. Mwa vushunga njimileka ngwange, nga mukalomba cuma coshe kuli Tate mu lizina lyange akamyanaco.

Yowano 16:26

Omo litangwa lije likaija, mukamulomba mu lizina lyange, oloni kunjendeka ngwange njikamilombelela kuli Tate embwe,

Yowano 16:30

Twazivuka ngeci yove uzivuka vyuma vyoshe, co naumo wai napande akwihule vihula. Eci citulingisa ngeci tukulaele ngwetu yove watundile kuli Njambi.”

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

Yowano 6:61

Oloni Yesu wazivukile ngeci vandongisi vendi vakele nakungunguta omwo lijwi eli, ngecivene, wendekele kuli vakevo ngwendi, “Cuma eci cimilingisa ngeci mulikele ndi?

Yowano 7:33

Yesu wendekele ngwendi, “Njikakala neni kasimbu kakandondo lika, co asinoni njikaya kuli uje wanjitumine.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.