Yowano 16:17 - Livulu lya Shukulu Kalunga

¹⁷ Vamo vandongisi vendi valihozwele akati kavo ngwavo, “Eci cilumbunuka vika? Atuleka ngwendi mu kasimbu kakandondo lika kutukamumono lalo, co lalo mu kasimbu kakandondo tukamumona, co lalo endeka ngwendi, ‘Omwo njiya kuli Tate.’

Yowano 16:17 Iomraidhean Croise

Mako 9:10

Ngecivene, vononokele lishiko lyendi, oloni akati kavo vashangumukile kulikanangana a n̄anda eyi ngwavo, “Oku ‘kusanguka ku vatsi’ kunalumbunuka vika?”

Mako 9:32

Oloni kuvazivukile kulumbunuka kwa vilongesa evi, co vakele na lyova lyakumwihula.

Luka 18:34

Oloni vandongisi vendi kuvazivukile cuma nacimo cai a vyuma evi, omwo majwi awa vavashwekelelewo ngeci kuvazivukile vije vyendekele Yesu kuli vakevo.

Luka 9:45

Oloni vandongisi kuvazivukile mucalumbunukilile cuma eci. Vavashwekeleleco ngeci kesi vacizivuke, co vazivile lyova lyakumwihula cuma eci.

Yowano 12:16

Vandongisi vendi kuvazivisisile vyuma evi akulivanga, oloni omo Yesu wakovelele mu vumpau, asinoni vanukile ngeci visoneka vije vyendekele ali ikeye, co vyalingiwile kuli ikeye.

Yowano 14:22

Yundasa (kesi Yundasa Isikalyote embwe) wehwile ngwendi, “Mwene, omwo vika ukalisholwela kuli yetu, co kuukalisholola kuli vaka-kaye?”

Yowano 14:5

Tomasi wendekele kuli ikeye ngwendi, “Mwene, kutuzivuka oku ulinakuya, ngecivene, vatijo tuzivuka ngila yakweta kuje?”

Yowano 16:1

“Njinamileka vyuma evi, ngeci kesi mukecele kukulaela kweni.

Yowano 16:16

“Mu kasimbu kakandondo lika kumukanjimono lalo, co mu kasimbu kakandondo lalo mukanjimona.”

Yowano 16:18

Vendekele ngwavo aka ‘Kasimbu kakandondo lika’ kanalumbunuka vika? Kutuzivuka evi alinakwendeka!”

Yowano 16:19

Yesu wazivukile ngeci vashakele kumwihula, ngecivene, wendekele kuli vakevo ngwendi, “Njinendekele ngwange, ‘Mu kasimbu kakandondo lika kumukanjimono lalo, co mu kasimbu kakandondo lalo mukanjimona.’ Evi vikevyo mulinakulihozola akati keni ndi?

Yowano 16:5

Oloni ololo njilinakuya kuli uje wanjitumine, oloni naumo wai weni anjihula kuje njilinakuya.