Yowano 16:16 - Livulu lya Shukulu Kalunga

¹⁶ “Mu kasimbu kakandondo lika kumukanjimono lalo, co mu kasimbu kakandondo lalo mukanjimona.”

Yowano 16:16 Iomraidhean Croise

Mako 16:19

Ngecivene, omo Mwene Yesu wamanesele kwendeka navo, co vamutwalele mwilu, co watumbamene ku livoko lya cilyo lya Njambi.

Yowano 12:35

Yesu wakumbulwile ngwendi, “Ceke cikakala akati keni kasimbu lika kakandondo. Endeni omo muli na ceke, ngeci lisusulungu kesi likamifwike, omwo uje enda mu lisusulungu kazivuka kuje alinakuya.

Yowano 13:3

Yesu wazivukile ngeci Ishe namwana nzili yoshe, co wazivukile ngeci watunda kuli Njambi, co alinakuya kuli Njambi.

Yowano 13:33

Vana vange vavandondo, oloni kunjikakala neni simbu yakama. Mukanjishakezeka, oloni njimileka ololo ngwe muje njalekele vaka-kushwana va vaYunda ngwange, ‘Kumwasa kuya kuje kunjilinakuya.’

Yowano 16:10

akavavayesa a vushunga omwo njilinakuya kuli Tate, co yeni kumukanjimono lalo,

Yowano 16:22

Ngecivene, omu mukemwo mucinapu neni, ololo muli na vusiwa, oloni njikamimona lalo, co vimbunge vyeni vikashula nakujolela, kujolela kuje naumo wai akacitundisa muli yeni.

Yowano 16:28

Njatundile kuli Tate, co njezile ano a kaye, co ololo njilinakutunda ano a kaye njilinakuya kuli Tate.”

Yowano 16:5

Oloni ololo njilinakuya kuli uje wanjitumine, oloni naumo wai weni anjihula kuje njilinakuya.

Yowano 17:13

Oloni ololo njilinakwija kuli yove, co njilinakwendeka vyuma evi ano a kaye ngeci kuvwaelela kwange kukale mu vimbunge vyavo.

Yowano 17:5

Ove Tate! Njane vumpau ku mesho ove ololo, vumpau vuje njakele navwo amo nove simbu kanda utange kaye.

Yowano 7:33

Yesu wendekele ngwendi, “Njikakala neni kasimbu kakandondo lika, co asinoni njikaya kuli uje wanjitumine.

Vilinga vya Miluwa 1:3

A matangwa makumi awana kutunda a kutsa kwendi walisholwele kuli vakevo visimbu vyavingi mu vingila vije vyasholwele vukaleo kujeneka vimata ngeci ikeye wakele nakuyoya. Vamumwene, co wendekele navo vya Vumwene vwa Njambi.

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.