Yowano 15:7 - Livulu lya Shukulu Kalunga

⁷ Nga mukala muli yange na majwi ange akala muli yeni, cuma coshe cimulomba mukacitambula.

Yowano 15:7 Iomraidhean Croise

1 Vimyene 3:5

A vutsiki vuje vene Shukulu Kalunga washolokele kuli Solomoni mu njozi nakumwihula ngwendi, “Vikajo ushaka ngeci njikwanevyo?”

Yombi 22:26

Co simbu yoshe ukapwa u muka-kukulaela kuli Njambi, co ukawana ngeci ikeye napu nsina yakujolela kwove.

Yombi 23:12

Simbu yoshe njikalingi vije Njambi avishika, co njikalingi cizango cendi, kesi cizango cange embwe.

Myaso 119:11

Mashiko ove njinaanyungu mu mbunge yange, ngeci kesi njivulumune kuli yove.

Myaso 37:4

Vwaelela muli Shukulu Kalunga, co akakwana vije viwushaka.

Visimo 10:24

Vaka-vushunga vakawana vivashaka, oloni vaka-vuvi vakawana vije vivajujwisa manene.

Visimo 4:4

tate wanjilongesele wendekele ngwendi, “Mbunge yove ikwate majwi ange, anyunge, co ukayoya.”

Isaya 58:8

“Asinoni ceke cange cikamitwila ngwe litangwa omo lituuka ku mutondo, co mukakanguka vwasi. Simbu yoshe njikakala neni nakumyamena, co vumpau vwange vukaminyunga ku mitambela yoshe.

Njelemiya 15:16

Omwo wendekele kuli yange, njatolililile majwi oshe nakuwononoka, omwo njapwa nji wove, yove Shukulu Kalunga Njambi Muka-nzili yoshe.

Mateo 7:7

“Lombeni, co mukatambula, seteleni, co mukawana, toteni, co vakamishokolwela.

Yowano 14:13

Co njikalinga cuma coshe-icoshe cije cimukalomba mu lizina lyange, ngeci vumpau vwa Tate vukasholoke ali Mwana.

Yowano 15:16

Kesi yeni mwanjangwile embwe, oloni yange njamyangwile nakumituma ngeci muye nakwima vushuka vwavungi, vushuka vuje vwa ku myaka yoshe. Ngecivene, cuma coshe mukalomba kuli Tate mu lizina lyange ikeye akamyanaco.

Yowano 16:23

“Omo litangwa lije likaija, kumukanjilombo cuma cimo. Mwa vushunga njimileka ngwange, nga mukalomba cuma coshe kuli Tate mu lizina lyange akamyanaco.

Yowano 8:31

Ngecivene, Yesu wendekele kuli vaje vamukulaelele ngwendi, “Nga mwononoka vilongesa vyange, mwa vushunga munapu mu vandongisi vange,

Yowano 8:37

Njizivuka ngwange mwapwa mu vatekulwila va Avilahama. Oloni mushaka kunjitsiya, omwo kumutambula vilongesa vyange.

Ngalatiya 4:2

Omo acili mukwenje, kuvali vanu vaka-kumulela nakumukengelako vyendi noo simbu ije yemika ishe.

Ngalatiya 5:16

Evi vikevyo njendeka ngwange, eceleni Munzinzime atwamenene myonyo yeni, co mukenukwa mashungu a cisemwa ca vunu.

Kwituluka mu Mashiko 6:6

Kesi mwivale mashiko awa njilinakumyana ku litangwa lya lelo.

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.

1 Yowano 2:14

Njilinakumisonekela yeni vana vange vavandondo, omwo munazivuka Tate. Njilinakumisonekela yeni vatate, omwo munamuzivuka uje wakeleko tunde ku san̄ulu. Njilinakumisonekela yeni vakwenje, omwo muli na nzili, lijwi lya Njambi lili muli yeni, co munamuhyana Uje Liyavola.

1 Yowano 2:27

Oloni ngeci mweni, Kilistu netila Munzinzime wendi ali yeni. Ngwe omo Munzinzime wendi ali muli yeni, kumushaka munu kumilongesa. Omwo Munzinzime wendi alinakumilongesa vyuma vyoshe, co vije alinakulongesa vinapu vya vushunga, kesi vya makuli embwe. Ngecivene, ononokeni vilongesa vya Munzinzime, co kaleni muli Kilistu.

1 Yowano 3:22

Tukatambula kuli ikeye cuma coshe tumulomba, omwo tukononoka mashiko endi nakulinga vije vimuvwaelelesa.

1 Yowano 5:14

Tunasimpi ku mesho a Njambi, omwo tunazivuka ngwetu ikeye atuziva nga tumulomba cuma cimo ngwe ku cizango cendi.