Yowano 15:26 - Livulu lya Shukulu Kalunga

²⁶ “Oloni omo Mukwasi akaija, ikeye Munzinzime, uje akasholola vushunga vwa ali Njambi, akaija kutunda kuli Tate. Njikamutuma kuli yeni kutunda kuli Tate, co akendeka vukaleo vwange.

Yowano 15:26 Iomraidhean Croise

Luka 24:49

Yange njikatuma kuli yeni vije vyanjikulaese Tate. Oloni munapande kuvandamena mu nganda noo nzili yakutunda kwilu inaija ali yeni.”

Yowano 14:26

Oloni Mukwasi, ikeye Munzinzime Wakujela, uje yakatuma Tate mu lizina lyange, akamilongesa vyuma vyoshe nakumyanukisa vyuma vyoshe vije vinjinamileka.

Yowano 16:7

Oloni mwa vushunga njimileka ngwange, mwamuvwa kuli yeni ngeci yange njiye, omwo nga kunjii, Mukwasi kakaija kuli yeni. Oloni nga njiya, co njikamutuma kuli yeni.

Yowano 8:42

Yesu wendekele kuli vakevo ngwendi, “Nga mwa vushunga Njambi wapwa Ishweni, ngwe mwanjizeme, omwo yange njatundile kuli Njambi, ololo njili kuno. Kunjezile na nzili yange vavenya, oloni ikeye wanjitumine.

Vilinga vya Miluwa 1:4

Co omo vakungulukilile amo, wavashikile ngwendi, “Kesi mutunde mu Yelusalema, oloni vandameneni vwana vuje njamilekele, vwana vuje vwaakulaesele Tate.

Vilinga vya Miluwa 15:8

Co Njambi, uje azivuka viyongola vya munu woshe, washolwele vukaleo vwendi vwa vaje kesi vaYunda akuvana Munzinzime Wakujela, ngwe mwatwanene yetu.

Vilinga vya Miluwa 5:32

Tuvakaleo va vyuma evi, yetu amo na Munzinzime Wakujela, ikeye wapwa vwana vwa Njambi kuli vaje vamwononoka.”

1 Kolinte 1:6

Lijwi lya Kilistu vanalikolesa nakulitakamesa muli yeni

VaHevelu 2:4

Co a simbu ije vene Njambi wawezeleleleko vukaleo vwendi ku vukaleo vwavo mukulinga vizivukiso na vikomoweso vyakuliseza-seza namukupangezela vwana vwa Munzinzime Wakujela ngwe ku cizango cendi.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,