Yowano 15:25 - Livulu lya Shukulu Kalunga

²⁵ Oloni evi vyapandele kulingiwa ngeci vije vivasonekele mu Lishiko vipwe vyavushunga ngwavo, ‘Vanjizindile ngoco, nakashwilo kai.’

Yowano 15:25 Iomraidhean Croise

Myaso 109:3

Vaka-vuvi valinakunjivangeya, valinakunjilwisa kwakujeneka mulonga.

Myaso 35:19

Kesi utave vitozi vange vanjijole omwo kashwilo kai, kesi utave vaje vananjizindi ngoco valinyateye na mesho.

Myaso 69:4

Vaje vaka-kunjizinda kujeneka mulonga vanatumu manene kutuvakana vin̄ambu vya ku mutwe wange. Vitozi vange vendeka makuli ali yange, vali na nzili, co vashaka kunjitsiya. Valinakunjisindiya kwilwisa vyuma vije kunjevile.

Myaso 7:4

nambe kuzivila citozi cange mema ku mbunge, nga njinalingi vyuma evi,

Mateo 10:8

Kangwiseni vaka-kuvinja, sanguleni vatsi, jeleseni vaka-mbumba, co nakutundisa minzinzime yakujwala. Yeni munavitambula vyangoco kujeneka kufweta, ngecivene, neni lalo aneni ngoco kujeneka kutambulao cimo.

Luka 24:44

Co wavalekele ngwendi, “Evi vikevyo vyuma vije njamilekele omo njakele neni ngwange, vyuma vyoshe vije vasonekele mu Lishiko lya Mosesa, na mu visoneka vya vaka-kwimanena, na mu Myaso vyakunjitumbula yange vinapande kulingiwa.”

Yowano 10:34

Yesu wakumbulwile ngwendi, “Mu Lishiko lyeni vanasoneka ngwavo Njambi wendekele ngwendi, ‘Munapu mu vinjambi.’

Yowano 13:18

“Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’

Yowano 19:36

Omwo evi vyalingiwile ngeci visoneka vipwe vya vushunga omo vyendeka ngwavyo, “Vitsiya vyendi nacimo cai cikapokokako.”

Loma 3:19

Ololo tunazivuka ngeci vyuma vyoshe mu Lishiko vyakundama kuli vaje vali ku Lishiko, mukuvindika kulisambesa kwoshe kwa vanu nakunena kaye koshe kukusompa kwa Njambi.

Loma 3:24

Oloni vanavapwisa vaka-vushunga kuli Njambi a vwana vwa kutetela kwa Njambi ali Yesu Kilistu, uje navapatula.

2 Kolinte 11:7

Kunjasele kumifwetesa cuma cimo omo njambulwile Vin̄anda Vyavivwa vya Njambi kuli yeni, njalikeesele mukulingisa yeni kupwa vakama. Kuma njaviisile ndi?

Ngalatiya 2:21

Kunjombwanesa kutetela kwa Njambi. Oloni nga munu vamupwisa muka-vushunga ku mesho a Njambi akunyunga Majwi a Lishiko, co cinalumbunuka ngeci Kilistu nevi vyatsililile vyai!

2 Tesalonika 3:8

Kutwatambwile vukwaso vumo kuli munu umo kwakujeneka kumwilwisila lalo vyeka. Oloni twapangele nakuundangana, mutanya na vutsiki twatwaleleo nakupanga ngeci kesi tumitwike citele cimo.

Kujombolola 21:6

Co wendekele ngwendi, “Vyalingiwa laja! Yange wakulivanga na muka-kukotekela, vushangumukilo na mamaneselelo. Njikana mema a vwana mu lisima lya kavwelu-vwelu lya mwonyo kuli woshe uje ali na lihwila.

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.