Yowano 15:22 - Livulu lya Shukulu Kalunga

²² Nga kunjezile nakwendeka kuli vakevo ngwe kuvakele na mulonga wa vuvi, oloni kuvasa kulyola malambi a vuvi vwavo.

Yowano 15:22 Iomraidhean Croise

Ezekiyele 2:5

Nambe vaje vaka-kunjitengulukila vakakutolilila nambe kuvakakutolilila, oloni vakazivuka ngwavo muka-kwimanena ali akati kavo.

Luka 12:46

asinoni shukulu yendi akaija litangwa limo a simbu ije kayongwele ngwendi ikeyo yakeluka. Co shukulu yendi akamumbila anja, co akaya ku cihiso amo na vaka-kujeneka kukulaela.

Yowano 12:48

Woshe anjivyana, co katambula majwi ange, kwali umo uje akamusompa. Majwi aje njinendeka akewo akapwa lyaako lyendi a litangwa lyakukotoka!

Yowano 15:23

Woshe anjizinda yange azinda Tate lalo.

Yowano 15:24

Nga kunjalingile vyuma vije naumo wai wavilingile akati kavo, kuvesi na vuvi, oloni vanamono vije njalingile, co vatuzinda nange na Tate.

Yowano 16:9

Akavavayesa a vuvi omwo kuvakulaelele kuli yange,

Yowano 19:11

Yesu wakumbulwile ngwendi, “Yove uli na moko ali yange omwo Njambi nakwanayo. Ngecivene, munalume ou nanjinena kuli yove ali na mulonga wa vuvi vwakutuvakana.”

Yowano 9:41

Yesu wakumbulwile ngwendi, “Nga mwapwile mutupuputwa, nga kumwesi na mulonga, oloni omwo mwendeka ngweni mumona, eci cilumbununa ngeci anga mucili na mulonga.”

Vilinga vya Miluwa 17:30

Njambi watetelele vanu omo vakele ku nzimba, oloni ololo alinakushika vanu voshe kwoshe-ikwoshe ngeci vatenguluke ku vilinga vyavo vyavivi.

Loma 1:20

Tunde aje Njambi watangele kaye, vifwa vyendi vije kutwasa kumona, nzili yendi ya myaka yoshe na cifwa cendi ca vu Njambi, vinasholoka mwamuvwa, vanu vasa kuvizivukila mu vyuma vije vyanalingi Njambi. Ngecivene, vanu ava kuvasa kulisambesa embwe!

Loma 2:1

Ngecivene, yove musamba wange, kuma ukahisa vakweni ndi? Kuli yove kukwesi kusamba embwe, nameme vene yove iya. Omwo nga uhisa vakweni, co ulinga vyuma vije vivalinga vakevo, ulinakulihisa yove vavenya.

Yakomba 4:17

Ngecivene, munu woshe uje azivuka kulinga mwamuvwa oloni kalingimo, ali na mulonga wa vuvi.

1 Petulu 2:16

Yoyeni ngwe vanu vakupatuka, ngecivene, kesi mupangese kupatuka kweni ngwe cuma cakufwika vuvi embwe, oloni yoyeni ngwe vindungo va Njambi.