Yowano 15:21 - Livulu lya Shukulu Kalunga

²¹ Oloni vakalinga vyuma vyoshe evi kuli yeni omwo yeni mwapwa muvange, omwo kuvazivuka uje wanjitumine.

Yowano 15:21 Iomraidhean Croise

Myaso 69:7

Omwo a lizina lyove vananjishaula, ngeci njili na shwamwa.

Isaya 66:5

Tolilileni vije vyalinakwendeka Shukulu Kalunga, yeni vaka-kumukomoka nakumwononoka ngwendi, “Vandolome veni vamizinda nakumivyana omwo munapu vaka-kulongwa kuli yange. Vamishendumuna nakwendeka ngwavo, ‘Shukulu Kalunga amwese nzili yendi nakumyamena, ngeci tumone kujolela kweni.’ Oloni ava vendeka vyuma evi vakaziva shwamwa yakama!

Mateo 10:18

Co vakamitwala ku mesho a vaka-kushwana, na ku mesho a vimyene, omwo lizina lyange, ngeci mukambulule Vin̄anda Vyavivwa kuli vakevo na kuli vanu vaje kesi vaYunda.

Mateo 10:22

Co vanu voshe vakamizinda omwo lizina lyange. Oloni uje akakateya nakweta ku shongo akovoka.

Mateo 10:39

Woshe uje ashaka kunyunga mwonyo wendi vavenya auzimbalesa, oloni woshe uje azimbalesa mwonyo wendi omwo lizina lyange akauwana.

Mateo 24:9

“Asinoni vakamikwata nakumiyandesa nakumitsiya, co miyati yoshe vakamizinda omwo lizina lyange.

Mateo 5:11

“Munavezika omo vamishaula nakumiyandesa nakumivangela vya makuli vyeka na vyeka omwo yange.

Mako 13:13

Co voshe vakamizinda omwo lizina lyange. Oloni woshe uje akakateya na ku shongo akovoka.

Luka 21:12

Omo simbu kanda vyuma evi visholoke, vakamikwata nakumiyandesa, vakamitwala ku masinangonge avo nakukamisompa nakumyaka mu tumenga, co vakamitwala kuli vimyene na kuli vaka-kushwana omwo lizina lyange.

Luka 21:17

Voshe vakamizinda omwo lizina lyange.

Luka 6:22

“Mwavezika omwo vanu vamizinda nakumivyana nakumishaula nakumitumbula ngwavo muvavavi, omwo lizina lya Muna Munu!

Yowano 15:24

Nga kunjalingile vyuma vije naumo wai wavilingile akati kavo, kuvesi na vuvi, oloni vanamono vije njalingile, co vatuzinda nange na Tate.

Yowano 16:3

Co vanu vakalinga vyuma evi kuli yeni omwo kuvazivukile Tate nambe yange.

Yowano 17:25

Yove Tate wa vushunga! Vaka-kaye kuvakuzivuka, oloni yange njikuzivuka, co ava vazivuka ngeci yove wanjitumine.

Yowano 8:19

Vamwihwile ngwavo, “Isho ali kulijo?” Yesu wavakumbulwile ngwendi, “Yeni kumunjizivuka nambe kuzivuka Tate. Nga mwanjizivukile, nga mwazivuka na Tate lalo.”

Yowano 8:54

Yesu wakumbulwile ngwendi, “Nga njilisingimika yange vavenya, kasingimiko kange kapwa kangoco. Uje anjisingimika ikeye Tate, uje imutumbula ngweni Njambi yeni.

Yowano 8:55

Oloni yeni kumwamuzivukile, yange njimuzivuka. Nga njendeka ngwange kunjimuzivuka, co njipwa nji muka-makuli ngwe yeni. Oloni yange njimuzivuka, co njinonoka lijwi lyendi.

Vilinga vya Miluwa 17:23

Omwo njinende mu nganda yeni nakukenga ku mitambela kuje mukalemesela, njawanene a mutula umo aje vanasoneka ngwavo, ‘Kuli Njambi Uje Kutuzivuka.’ Cije mukalemesa, nameme kumucizivuka, cikeco njilinakwambulula kuli yeni ololo.

Vilinga vya Miluwa 26:9

“Nange vene njayongwele ngwange njasa kulinga vyuma vyavingi vyakulwisa lizina lya Yesu wa ku Nazaleta.

Vilinga vya Miluwa 3:17

“Co ololo vakwetu, njinazivuka ngeci vije mwalingile kuli Yesu yeni na vantwama veni vyapwile nzimba.

Vilinga vya Miluwa 4:17

Oloni kuvindika cuma eci ngeci kesi citsimane lalo akati ka vanu, tunanguleni ava vanalume ngeci kesi vendeke lalo kuli munu mu lizina lya Yesu.”

Vilinga vya Miluwa 5:41

Asinoni omo miluwa vasezele ije Munga, vavwaelelele manene omwo Njambi wavayongwelele kuyanda nakushauka omwo lizina lya Yesu.

Vilinga vya Miluwa 9:14

Co naija lalo kuno ku Ndamasiku na moko yakutunda kuli vakulunu va vaka-kukombelela mukukwata voshe vaje vakulemesa.”

Vilinga vya Miluwa 9:16

Omwo yange njikamuleka vyoshe vije vyanapande kuyanda omwo lizina lyange.”

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

1 Kolinte 15:34

Ilukeni ku vushunga vwa mana eni, co eceleni vingila vyeni vya vuvi. Njendeka evi mukumizivisa shwamwa ngwange vamo veni kuvazivuka Njambi.

1 Kolinte 2:8

Naumo wai muka-kushwana wa ano a kaye wazivukile mana awa. Nga vawazivukile, nga kuvashukikile Mwene wa vumpau.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

1 Yowano 3:1

Kengeni cizemo cakuhyana eci Tate alinaco kuli yetu! Cizemo cendi cakama manene ngeci valinakututumbula vana va Njambi, ngecivene, mu cifwa eci, mukemwo mutwafwa. Omu mukemwo vene vaka-kaye kuvatuzivuka, omwo vakevo kuvamuzivuka Njambi.

3 Yowano 1:7

Omwo vakevo vaile vungenzi vwavo mukupangela Kilistu kujeneka kutambula vukwaso kuli vaka-kujeneka kukulaela.

Kujombolola 2:3

Unapu u muka-kusimpa vene, unayanda na n̄avava omwo lizina lyange, co kuwaombwanesele embwe.