Yowano 15:19 - Livulu lya Shukulu Kalunga

¹⁹ Nga mwapwile vaka-kaye, asinoni nga vaka-kaye vamizema ngwe mu vavo. Oloni omwo njamyangwile akati ka vaka-kaye, co kumwakundamene ku vaka-kaye, ngecivene, mukemwo vaka-kaye vamizindi.

Yowano 15:19 Iomraidhean Croise

Mateo 10:22

Co vanu voshe vakamizinda omwo lizina lyange. Oloni uje akakateya nakweta ku shongo akovoka.

Mateo 24:9

“Asinoni vakamikwata nakumiyandesa nakumitsiya, co miyati yoshe vakamizinda omwo lizina lyange.

Luka 6:32

“Nga muzema lika vaje vamizema, omwo vikajo mutambwila cikandelela? Nameme vaka-vuvi vakazeme vaka-kuvazema!

Yowano 13:18

“Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’

Yowano 15:16

Kesi yeni mwanjangwile embwe, oloni yange njamyangwile nakumituma ngeci muye nakwima vushuka vwavungi, vushuka vuje vwa ku myaka yoshe. Ngecivene, cuma coshe mukalomba kuli Tate mu lizina lyange ikeye akamyanaco.

Yowano 6:70

Yesu wakumbulwile ngwendi, “Kuma kunjamyangwile yeni likumi na vavali ndi? Oloni umo weni napu liyavola!”

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.

1 Petulu 4:3

Mwombilile simbu yakama kunima mukulinga vivakazeme kulinga vaje vaka-kujeneka kukulaela. Mwombilile kuyoya kweni mu vuvi na mu mashungu amavi na mukupenda na mukukina na mu vimunga vyakunwa na mu vunyengwe vwakulemesa tumponya.

1 Yowano 3:12

Kutwapandele kupwa ngwe Kaini, ikeye wakundamene kuli Uje Liyavola, co watsiile shongo yendi Avele. Omwo vikajo Kaini wamutsiile? Omwo Kaini walingile vyuma vyavivi, oloni vyuma vije vyalingile ndolome yendi Avele vyapwile vyavivwa.

Kujombolola 12:17

Co uje canza-ngombe waluvalele manene na uje munakazi, co welukile mukukalwisa naanga ya uje munakazi vaje vasaleleo, vaje voshe vononoka mashiko a Njambi na kulongwa ku vushunga vuje vwajombolwele Yesu.

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.