Yowano 15:16 - Livulu lya Shukulu Kalunga

¹⁶ Kesi yeni mwanjangwile embwe, oloni yange njamyangwile nakumituma ngeci muye nakwima vushuka vwavungi, vushuka vuje vwa ku myaka yoshe. Ngecivene, cuma coshe mukalomba kuli Tate mu lizina lyange ikeye akamyanaco.

Yowano 15:16 Iomraidhean Croise

Kushangumuka 18:18

Vatekulwila vendi vakapwa muyati wakama wa nzili, co muli ikeye njikavezikisa miyati yoshe.

Myaso 145:4

Cisemwa na cisemwa cikashangazala vyuma vije viwunalingi, vakambulula vipangi vyove vya nzili.

Myaso 71:18

Ngecivene, nameme njinakuluvala manene na vwele vuli ku mutwe wange, yove Njambi kesi unjiseze, noo njikambulula vilinga vyove ku visemwa vyoshe vije vikaija kulutwe.

Visimo 11:30

Yoya mu vushunga, co uwana mwonyo, oloni lwozi lutwala lika ku kutsa.

Isaya 27:6

A matangwa aje akaijako, vanu va Isalele, vatekulwila va Yakomba, vakamena mizi, co vakashamwina vishani nakujovelela. Co kaye kakashula na vushuka vuje vukatunda kuli vakevo.

Mika 5:7

Vanu va Isalele vaje vasaleleo vakapwa ngwe lime lyakutunda kuli Shukulu Kalunga lya a miyati yoshe ya vanu, ngwe nyonzi ya vusuku-mbundu ya a vimena. Vakakenga lika kuli Njambi, kesi kuli munu.

Mateo 21:22

Nga mukulaela mukatambula vyuma vyoshe vimukalomba.”

Mateo 7:7

“Lombeni, co mukatambula, seteleni, co mukawana, toteni, co vakamishokolwela.

Luka 6:13

Omo litangwa lyatuukile, co wasanene vandongisi vendi ngeci vaije kuli ikeye, co waangwileo likumi na vavali, vaje vaatumbwile miluwa,

Yowano 13:18

“Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’

Yowano 15:19

Nga mwapwile vaka-kaye, asinoni nga vaka-kaye vamizema ngwe mu vavo. Oloni omwo njamyangwile akati ka vaka-kaye, co kumwakundamene ku vaka-kaye, ngecivene, mukemwo vaka-kaye vamizindi.

Yowano 15:5

“Yange mukolovozi wa vinyu, yeni munapu minango. Woshe akala muli yange, co nange njikala muli ikeye, ikeye akaima vushuka vwavungi, omwo mweni lika kumwasa kulinga cuma nacimo cai.

Yowano 6:70

Yesu wakumbulwile ngwendi, “Kuma kunjamyangwile yeni likumi na vavali ndi? Oloni umo weni napu liyavola!”

Vilinga vya Miluwa 1:24

Asinoni valombelele ngwavo, “Mwene, yove uzivuka viyongola vya vanu voshe, ngecivene, tusholwele iya umo akati kaava vanu vavali iwunaangula

Vilinga vya Miluwa 1:8

Oloni omo Munzinzime Wakujela akaija ali yeni, mukashula na nzili, co mukapwa vakaleo vange mu Yelusalema na mu Yundeya na mu Samaliya mwoshe, na ku mamaneselelo a asi.”

Vilinga vya Miluwa 10:41

kesi ku vanu voshe, oloni kuvanga kuli vakaleo vaje vaangwile laja Njambi, yetu vene, vaje valile nakunwa amo nendi omo nasanguka ku vatsi.

Vilinga vya Miluwa 22:14

Co wendekele ngwendi, ‘Njambi ya vakukulwila vetu nakwangula ngeci uzivuke cizango cendi nakumona Ngamba yendi wa vushunga nakumutolilila omo endeka na lijwi lyendi.

Vilinga vya Miluwa 9:15

Oloni Mwene wendekele kuli ikeye ngwendi, “Ya, omwo njinamwangula ngeci anjipangele, mukusholola lizina lyange kuli vaje kesi vaYunda na kuli vimyene na kuli vanu va Isalele.

Loma 1:13

Vakwetu, munapande kwanuka ngweni visimbu vyavingi njakele na vutumbe vwakwija oko nakumisikamesa, oloni kuli cuma cimo cinanjivindika. Njishaka kukoka vanu akati keni, ngwe munjinalingi akati ka vaje kesi vaYunda.

Loma 1:5

Muli ikeye Njambi wanjanene vije vyanjipande mukupwa muluwa omwo ali Kilistu, mukutwamenena miyati yoshe kukukulaela nakukwononoka.

Loma 15:4

Vyuma vyoshe vije vivasonekele mu Visoneka vavisonekele mukutulongesa, ngeci tukale na cinyangavili cakutunda ku lukakateya nakukutakamesa kuje kutunda ku Visoneka.

Loma 9:21

Uje muka-kushonga vindeo ali na moko yakupangesa vuje vuma mwoshe mwashakela, asa kushonga vindeo vivali a cipama cimolika ca vuma, ndeo imo yakupangesa vyuma vya seo, co ndeo ikwavo yakupangesa vyuma vyangoco.

1 Kolinte 10:11

Vyuma vyoshe evi vyalingiwile kuli vakevo kupwa cimweso ngeci veka vamweneko, co vavisonekele mukutunangula yetu. Omwo tulinakuyoya a simbu ije ili kuyehi na mamaneselelo.

Ngalatiya 1:15

Oloni Njambi mu kutetela kwendi wanjangwile omo kanda njisemuke, co wanjisanene mukumupangela. Co omo wayongwele

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.

Kolose 1:6

Muzimbu ulinakutwalao kunena vivezikiso, co ulinakushandokela mu kaye koshe, ngwe lalo muwalingile akati keni tunde a litangwa lije omo akulivanga mwazivile a kutetela kwa Njambi, co mwauzivukile ngwe muunapu vene.

1 Timateo 2:7

omwo eci cikeco cuma vanjangwilile kupwa muluwa na mulongisi kuli vaje kesi vaYunda, nakwambulula lijwi lyakukulaela na lya vushunga. Kunjendeka makuli embwe, njilinakumileka vushunga!

2 Timateo 1:11

Njambi nanjangula kupwa muluwa na mulongisi mukwambulula Vin̄anda Vyavivwa,

2 Timateo 2:2

Tambula vilongesa vije wazivile kuli yange omo njambulwile ku mesho a vakaleo vavangi, co vikundike ku vanu vavavwa, vaje vasa kulongesa vakwavo veka lalo.

Tito 1:5

Evi vikevyo njakusezelele mu Kelete ngeci uvwaese vyuma vyasaleleko, nakwimika vakulunu va vikungulukilo ku nganda na nganda. Anuka vilongesa vyange,

VaHevelu 11:4

Akukulaela, Avele wakombelelele kuli Njambi n̄ombelo yakutuvakana ya Kaine. Akukulaela kwendi watambwile vukaleo vwavuvwa kuli Njambi ngeci ikeye munu muka-vushunga, omwo Njambi vavenya watavele vwana vwendi. Ngecivene, akukulaela kwa Avele, nambe watsa laja, oloni acili nakwandeka.

Yakomba 3:18

Vaka-kwoloka vaje vakuna vimbuto mu kwoloka vakateja vimbuto vyakushungama.

1 Petulu 3:15

Oloni komokeni Kilistu mu vimbunge vyeni, co musingimikeni ngwe Mwene. Visimbu vyoshe livwaeseleni kukumbulula munu woshe-iwoshe uje amihula mumunungulwile cinyangavili ceni cije mulinaco,

1 Petulu 3:2

omwo vakamona kasingimiko keni na futisi yeni.

1 Yowano 4:10

Omu mukemwo mucafwa cizemo, kesi yetu twazema Njambi, oloni ikeye watuzemene nakutuma Munendi kupwa n̄ombelo ngeci vivi vwetu vanavisambesa.

1 Yowano 4:19

Tuzema omwo Njambi watuzemene akulivanga.