Yowano 15:11 - Livulu lya Shukulu Kalunga

¹¹ “Njamileka vyuma evi ngeci kuvwaelela kwange kukale muli yeni, co kuvwaelela kweni kupwe kwamutunu.

Yowano 15:11 Iomraidhean Croise

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Isaya 62:4

Kuvakakutumbula ngwavo, “Nganda ivanaseze.” Nameme lifuti lyove kuvakalitumbula ngwavo, “Munakazi wa mumba.” Oloni lizina lyove lyaliha likapwa “Njambi Avwaelela Nendi.” Lifuti lyove vakalitumbula ngwavo, “Nashomboka Nakuvwaelela.” Omwo Shukulu Kalunga navwaelela nove, co akapwa ngwe munalume ku lifuti lyove.

Njelemiya 32:41

Co njikavwaelela kulinga vyuma vyavivwa kuli vakevo, co njikavaka mu lifuti lino ku myaka yoshe.

Njelemiya 33:9

Yelusalema kuli yange ikwapwa nsina ya kujolela, na kasingimiko, nakushangazala, co miyati yoshe ya mu kaye vakakomoka nakujaja omo vakaziva a vyuma vyavivwa vije vinjikalinga kuli vanu va mu Yelusalema, na a kwoloka kuje kukakala mu nganda.”

Zefaniya 3:17

Shukulu Kalunga Njambi yeni ali amo neni, nzili yendi ikamihyanesa. Shukulu Kalunga akavwaelela neni, co akamyana mwonyo wauha omwo ikeye wamizema! Akaimba nakujolela ali yeni,

Luka 15:23

Co neneni lalo muna ngombe wakununa, co mutsiyeni ngeci tulye nakulisamba tulinge ciwano!

Luka 15:32

Oloni tunapande kujolela nakuvwaelela, omwo ndolome yove watsile, oloni ololo alinakuyoya, wazimbalele, oloni ololo tunamuwana.’ ”

Luka 15:5

Co omo namuwana, amwaka a vitsili vyendi nakujolela,

Luka 15:9

Omo naiwana, asana vasamba vendi na vandambo vendi amo avaleka ngwendi, ‘Njinavwaelela akuwana mbongo yange njazimbalesele. Tujoleleni!’

Yowano 16:24

Tunde aje nakweta ku lelo kanda mulombe cuma cimo mu lizina lyange, lombeni, co mukatambula, ngeci kuvwaelela kweni kukapwemo.

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Yowano 17:13

Oloni ololo njilinakwija kuli yove, co njilinakwendeka vyuma evi ano a kaye ngeci kuvwaelela kwange kukale mu vimbunge vyavo.

Yowano 3:29

Uje ali na shombolwa ikeye vavenya vulo, oloni musamba wa vavenya vulo, uje nemana nakumutolilila, avwaelela omo aziva lijwi lya vavenya vulo. Ngecivene, mukemwo mukunapu kuvwaelela kwange.

Loma 15:13

Co Njambi, nsina ya cinyangavili, amishulise nakuvwaelela kwoshe na kwoloka omwo akukulaela kweni, ngeci cinyangavili ceni cikole mu nzili ya Munzinzime Wakujela.

2 Kolinte 1:24

Kesi ngwe tulinakumisindiya vije munapande kukulaela embwe, omwo yetu twazivuka ngeci yeni munemana mbe mukukulaela. Oloni tulinakupanga amo neni mukumivwaelelesa.

Efeso 5:18

Kesi mupende na vinyu, vije vyasa kumiviisa, oloni shuleni na Munzinzime.

Filipu 1:25

Njazivuka mwamuvwa cuma eci, ngecivene, njazivuka ngwange njikakala neni. Njikakala amolika neni voshe, mukuwezelelako akuya kweni kulutwe namukujolela mukukulaela,

1 Tesalonika 5:16

Pweni vaka-kujolela simbu yoshe,

1 Petulu 1:8

Yeni mwamuzema, nambe kumwamumwene, mwamukulaela, nambe a simbu ino kumwamumwene. Ngecivene, mulinakujolela na mbwase yakama ya vumpau ije kutwasa kuyitumbula,

1 Yowano 1:4

Tulinakusoneka evi ngeci kujolela kwetu kukapwe kwamutunu.

2 Yowano 1:12

Njili na vyavingi vyakumileka, oloni kunjasa kuvisoneka a lipapelo na tinta, oloni njili na cinyangavili cakwija kuli yeni nakusimutwiya neni mesho na mesho, ngeci kuvwaelela kwetu kukapwe kwamutunu.