Yowano 14:6 - Livulu lya Shukulu Kalunga

⁶ Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 14:6 Iomraidhean Croise

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 1:17

Omwo Njambi waanene Lishiko lyendi ali Mosesa, oloni kutetela na vushunga vinaija ali Yesu Kilistu.

Yowano 1:4

Lijwi likelyo lyapwile nsina ya mwonyo, co mwonyo ou ukewo wanenele ceke kuli vanu.

Yowano 10:28

Njivana mwonyo wa myaka yoshe, co kuvakatsi embwe. Co naumo wai akavacakununa mu livoko lyange.

Yowano 10:7

Ngecivene, Yesu wendekele lalo ngwendi, “Mwa vushunga njimileka ngwange, yange cikolo ca vimanga.

Yowano 10:9

Yange cikolo. Woshe akovela muli yange akovoka, co akakovela nakutuuka, co akawana kwakulila.

Yowano 14:19

Oloni mu kasimbu kakandondo lika, co vaka-kaye kuvakanjimono, oloni yeni mukanjimona, omwo njilinakuyoya, neni lalo mukayoya.

Yowano 15:1

“Yange mukolovozi wa vushunga wa vushuka vwa vinyu, co Tate ikeye ndimi.

Yowano 18:37

Pilato wamwihwile ngwendi, “Ngecivene, kuma yove unapu u mwene ndi?” Yesu wakumbulwile ngwendi, “Omo vene muunendeka ngwove nji mwene. A cuma eci vene njasemukile nakwija ano a kaye kwambulula vushunga. Woshe nakundama ku vushunga atolilila majwi ange.”

Yowano 5:21

Ngwe omo Ishe akasangula vatsi nakuvana mwonyo, ngecivene, mu ngila eyi lalo Mwana akana mwonyo kuli vaje ashaka.

Yowano 6:33

Omwo likende lije lyaana Njambi linapu uje atunda mwilu, co ana mwonyo kuli vaka-kaye.”

Yowano 6:51

Yange likende lya mwonyo lije lyatundile mwilu. Nga munu alya ku likende eli, akayoya ku myaka yoshe. Co likende lije linjikamwana linapu muvila wange, uje unjana ngeci vaka-kaye vayoye.”

Yowano 6:57

Tate wakuyoya ikeye wanjitumine, omwo ikeye ngeci yange njilinakuyoya lalo. Mu cifwa cimolika uje anjilya akayoya omwo yange.

Yowano 6:68

Simoni Petulu wamukumbulwile ngwendi, “Mwene, tuya kuli iyajo lalo? Yove uli na majwi aje aana mwonyo wa myaka yoshe.

Yowano 8:32

co mukazivuka vushunga, co vushunga vukamipatula.”

Yowano 8:51

Mwa vushunga njimileka ngwange, woshe ononoka vilongesa vyange kakatsi.”

Vilinga vya Miluwa 3:15

Co mwatsiile uje ikeye vavenya mwonyo, oloni Njambi wamusangwile ku vatsi, co yetu tunapu tu vakaleo va cuma eci.

Vilinga vya Miluwa 4:12

Kutwasa kuwana kwovoka muli weka lalo embwe, omwo kukwesi lizina lyeka muno mu kaye lyanaana Njambi ku vanu litunapande kwovokelamo.”

Vilinga vya Miluwa 9:2

co wakalombele mikanda ya vukaleo yakuya nayo ku masinangonge aje akele mu Ndamasiku, ngecivene, nga akawana vamo vaka-kukava Ngila ya Mwene, munakazi nambe munalume, avakwate nakuvatwala ku Yelusalema.

Loma 15:16

akupwa ngamba ya Kilistu Yesu akupangela vaje kesi vaYunda. Njilinakupanga ngwe muka-kukombelela mukwambulula Vin̄anda Vyavivwa vya Njambi, ngeci n̄ombelo ya vaje kesi vaYunda Njambi aitambule, ije Munzinzime Wakujela nakundika kuli ikeye.

Loma 5:2

Ali ikeye natulingisa ngeci tuzivuke kutetela kwa Njambi, kuje tulinakuyoyela ololo. Co tulinakulishasha mu cinyangavili tulinaco cakutambula vumpau vwa Njambi!

Loma 5:21

Ngecivene, ngwe omo vuvi vwashwanene a kutsa, ngeci lalo kutetela kwa Njambi kulinakushwana a vushunga, nakututwamenena ku mwonyo wa myaka yoshe ali Yesu Kilistu Mwene yetu.

1 Kolinte 15:45

Omwo visoneka vyendeka ngwavyo, “Munu wakulivanga Andama, vamutangele munu wakuyoya”, oloni Andama wakukotokela ikeye mukakwana mwonyo wa Munzinzime.

Efeso 2:18

Ali Kilistu yetu voshe, vaYunda na vaje kesi vaYunda, tunasa kwija mu Munzinzime umolika ku mesho a Tate.

Kolose 2:17

Vyuma vyoshe evi vinapu munzinze wa vyuma vikasholoka kulutwe, oloni cuma mpundu cinapu Kilistu.

Kolose 2:9

Omwo kushula kwa vu Njambi vwoshe vwakala muli Yesu, mu vunu vwendi,

Kolose 3:4

Co mwonyo weni mwa vushunga unapu Kilistu, co omo ikeye akasholola, asinoni neni lalo mukasholoka amo nendi mu vumpau!

VaHevelu 7:25

Co asa kwamena vaje vaija kuli ikeye, omwo ayoya ku myaka yoshe mukuvaakwila.

VaHevelu 9:8

Munzinzime Wakujela alinakuvalongesa vyoshe evi muvanavivwaeselamo ngeci ngila yakuya mu Mwela Wakujela Manene kanda vaciishokolole omo simbu Mbalaka ya anja inemana.

1 Petulu 1:21

Ali ikeye munakulaela kuli Njambi, uje wamusangwile ku vatsi nakumwana vumpau, ngeci kukulaela kweni na cinyangavili ceni munavyaka ali Njambi.

1 Petulu 2:4

Ijeni kuli Mwene, limanya lyakuyoya lije vavyanene vanu ngwe lyangoco oloni Njambi walyangwile kupwa lya seo.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

1 Yowano 1:8

Nga twendeka ngwetu kutwesi na vuvi, tulinakulikwisa yetu vavenya, co muli yetu kumwesi vushunga vwai.

1 Yowano 2:23

Omwo voshe vaje vavyana Mwana vavyana lalo Ishe, vaje vatambula Mwana vali na Ishe lalo.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

1 Yowano 5:6

Yesu Kilistu ikeye wezile na mema akumbwitika kwendi na maninga a kutsa kwendi. Kezile lika na mema, oloni wezile na vyoshe vivali mema na maninga.

2 Yowano 1:9

Munu woshe uje kakala na vilongesa vya Kilistu, oloni avipulakana, ikeye kesi na Njambi. Woshe uje akala na vilongesa ali na vyoshe vivali, lshe na Mwana.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

Kujombolola 19:11

Asinoni njamwene lilu lyashokolokele, co kwakele kavalu wakutoka. Co uje walondeleo vamutumbwile ngwavo Muka-kulongwa na Vushunga, ikeye akasompo nakulwa vinzita vyendi mu vushunga.

Kujombolola 20:15

Co woshe uje kuvasonekele lizina lyendi mu livulu lya mwonyo vamumbilile mu lishali lya tuhya.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.

Kujombolola 3:14

“Kuli kangelo wa ku cikungulukilo ca mu Laondisiya soneka ngwove, “Eli likelyo lijwi lyatundu kuli Ewa, mukaleo wa kulongwa na vushunga, ikeye nsina ya vyuma vyoshe vije vyatangele Njambi.

Kujombolola 3:7

“Kuli kangelo wa ku cikungulukilo ca mu Filandelufiya soneka ngwove, “Eli likelyo lijwi lyatundu kuli umo uje wakujela na vushunga. Nakwata sapi ije yakundamene kuli Ndaviti, co omo ashokolola lipito, naumo wai asa kulishoka, co omo alishoka, naumo wai asa kulishokolola.