Yowano 14:3 - Livulu lya Shukulu Kalunga

³ Co omo njinayi nakumivwaesela kwakukala, njikeluka lalo nakumizila ngecivene, mukakale kuje kunjikakala yange.

Yowano 14:3 Iomraidhean Croise

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Yowano 14:28

Mwanjizivile munjendekele kuli yeni ngwange, ‘Njilinakumiseza, oloni njikaija kuli yeni.’ Nga mwanjizema, nga mwavwaelela omwo njilinakuya kuli Tate, omwo Tate wapwa wakama kutuvakana yange.

Yowano 14:4

Co munazivuka ngila iya kuje kunjilinakuya.”

Yowano 17:24

“Ove Tate! Unavana kuli yange, co njishaka vakale nange kuje kunjili, ngeci vakamone vumpau vwange, vumpau vuje vuwanjanene, omwo wanjizemene simbu kanda vatange kaye.

Vilinga vya Miluwa 1:11

co vendekele ngwavo, “Eni vanalume va ku Ngalileya, omwo vikajo munemanena kuno nakukenga mwilu? Yesu ou vene, ivanatwala mwilu kutunda kuli yeni, akeluka lalo mu cifwa cije vene munamumono ayanaco mwilu.”

Loma 8:17

Omwo tunapu vana vendi, tukatambula vivezikiso vije Njambi natulikila vanu vendi, co lalo tukatambula muli Kilistu vije vyanamutulikila Njambi, omwo nga tuyanda amo na Kilistu, co lalo tukakala amo mu vumpau vwendi.

Filipu 1:23

Vananjikokela mu mitambela yoshe eyi ivali. Njishaka manene kuseza mwonyo ou njikakale amo na Kilistu, eci cikeco cinahyana manene,

2 Tesalonika 1:12

Mu ngila eyi vene lizina lya Mwene yetu Yesu valishangazale ali yeni, neni lalo ali ikeye, a kutetela kwa Njambi yetu na Mwene Yesu Kilistu.

2 Timateo 2:12

Nga tutwalao na lukakateya, co tukashwana lalo amo nendi. Nga tumuvyana, co na ikeye lalo akatuvyana.

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

Kujombolola 3:21

Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.