Yowano 14:27 - Livulu lya Shukulu Kalunga

²⁷ “Kwoloka njimisezela, kwoloka kwange njilinakumyana. Kesi ngwe muvakana muje vaka-kaye. Kesi mulishoshomwene mu vimbunge vyeni, nameme kesi muzive lyova.

Yowano 14:27 Iomraidhean Croise

2 Mizimbu 20:30

ngecivene, Njosefati washwanene mu kwoloka, omwo Njambi yendi wamwanene kuhwima ku mitambela yoshe ije yamuzengelekele.

Yombi 34:29

“Nga Njambi ayongola kulinga cuma, co naumo wai asa kumupopolola. Nga ashweka cihanga cendi, co vanu vapwa vangoco.

Myaso 11:1

Njakulaela kuli Shukulu Kalunga omwo muli ikeye muli kwovoka. Kesi mwendeke kuli yange ngweni, “Pulula ngwe kazila utewele ku munkinda,

Myaso 112:7

Munu wangacije kakazivi lyova akutambula muzimbu wauvi, omo ikeye nakulaela kuli Shukulu Kalunga.

Myaso 27:1

Shukulu Kalunga ikeye ceke cange na muyoyesi wange, kunjikazivi lyova. Shukulu Kalunga ikeye muka-kunjamena ku vushonde vwoshe, kunjikatewe embwe.

Myaso 28:3

Kesi unjihisile amo na vaka-vuvi, amo na vaje vaka-kulinga vuvi, vanu vaje vaka-majwi akuseveleka, oloni vimbunge vyavo vinashulu na vizindo.

Myaso 29:11

Shukulu Kalunga akana nzili kuli vanu vendi, nakuvavezikisa kwoloka.

Myaso 56:11

Njinakulaela kuli Njambi, co kunjikazivi lyova. Munu asa kunjilinga vikajo?

Myaso 56:3

Yove Shukulu Kalunga Muka-nzili yoshe, nameme njili na lyova, oloni anga njikakukulaela kuli yove.

Myaso 72:2

ngecivene, akaakwile vanu vove mu vushunga, nakusompela vaka-kuyanda mu vushunga.

Myaso 72:7

Mwene alinge vushunga na vanu voshe, kukale kwoloka simbu yoshe noo ngonde inatsi.

Myaso 85:10

Cizemo cije kucesi kutenguluka nakukulaela vikaliwana amolika, co vushunga na kwoloka vikalivumbatela ngwe munu na musamba wendi.

Myaso 91:5

Ku vutsiki kuukazivi lyova lya vushonde, nambe lyova lya mikili a simbu ya mutanya,

Visimo 3:25

Kesi ulishoshomwene a tuyando twa cishitumukila, tuje tukaija a vaka-vuvi ngwe lihunzi lyakama.

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 41:14

Shukulu Kalunga nendeka ngwendi, “Isalele nameme munapu muvavandondo, kesi muzive lyova. Yange Njambi wakujela wa Isalele, njikamyamena nakumyovola.

Isaya 54:13

“Yange vene njikalongesa vanu vove, nakuvavezikisa na kwoloka.

Isaya 55:12

Mukatunda mu Mbambilone nakujolela, vakamitwamenena mu kwoloka kutunda mu nganda. Minkinda na malundu vikaimba ngwe vanu omo mwita, na miti lalo ikatambeka nakujolela ngwe vanu.

Isaya 57:19

Njikana kwoloka kuli voshe vaje vali muyehi na vaje vali kulyala! Njikakangwisa vanu vange.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Njelemiya 1:8

Kesi uvazivile lyova embwe, omwo yange njikakala nove nakukunyunga. Yange Kalunga, njinendekamo!”

Mbimbi 3:17

Co njinevala muvwafwa vukangule, kwoloka nakuvwaelela.

Ezekiyele 2:6

“Oloni yove, muna munu, kuwapandele kuvazivila lyova nambe kuziva lyova lya vije vendeka. Vakevo vakakuleulula nakukuyeluwisa, cikapwa ngwe ulinakukala akati ka manyewe. Nameme ngoco, kesi ukazive lyova lya vaje vaka-kunjitengulukila nambe kuziva lyova lya vije vendeka.

Ndanyele 4:1

Mwene Nevukaneza watumine lijwi kuli vanu va ku mafuti oshe na miyati yoshe ya vanu na kuli vanu vaka-kwendeka mu vindaka vyoshe mu kaye mwoshe ngwendi, “Ciindu ceni muvavoshe.

Ndanyele 6:25

Asinoni Mwene Ndalyuse wasonekelele vanu va ka mafuti oshe na miyati yoshe ya vanu na vanu vaka-kwendeka mu vindaka vyoshe va ano asi ngwendi, “Ciindu kuli yeni voshe!

Zakaliya 6:13

Ikeye akaitunga, co akatambula kasingimiko kanapande mwene, co ikeye akashwana vanu vendi. Co muka-kukombelela akemana ku litanda lyendi, Co vakapanga amolika mu kwoloka na mukulizivasana.’

Kulava 6:26

Shukulu Kalunga amizivile mema ku mbunge nakumyana kwoloka.’ ”

Mateo 10:26

“Ngecivene, kesi muzivile vanu lyova. Omwo kukwesi cuma cakufwika civakonwa kufukula, nambe cuma cakwendekela mu vushweke kuvanga cikajomboloke.

Luka 1:79

ceke ca mwilu kutwila voshe vaje vanatumbama mu munzinze wa lisusulungu lya kutsa, nakutwamenena mendi etu mu ngila ya kwoloka.”

Luka 10:5

Mwoshe mu njuvo mumukakovela, akulivanga mukendeka ngweni, ‘Kwoloka kukale mu njuvo ino.’

Luka 12:4

“Njimileka vasamba vange ngwange, kesi muzivile lyova vaje vatsiya muvila, oloni kutundao nacimo vasa kulinga cai.

Luka 2:14

“Vumpau kuli Njambi wa akamwa ya akamwa, kwoloka kukale ano asi kuli vanu vaje vamuvwasa!”

Yowano 14:1

Yesu wavalekele ngwendi, “Kesi mulishoshomwene mu vimbunge vyweni. Kulaeleni kuli Njambi, co kulaeleni kuli yange lalo.

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Yowano 20:19

Ku cingwezi cije vene ca litangwa Lyakulivanga ku Calumingo, vandongisi valikungulwile amolika mu njuvo muje mapito apwile akupata, omwo vakele na lyova lya vaka-kushwana va vaYunda. Asinoni Yesu wezile, co wemanene akati kavo wendekele kuli vakevo ngwendi, “Kwoloka kukale neni.”

Yowano 20:21

Yesu wendekele lalo kuli vakevo ngwendi, “Kwoloka kukale neni. Ngwe omo Tate wanjitumine, ngecivene, nange lalo njimituma.”

Yowano 20:26

Omo kwetile matangwa atanu na atatu vandongisi vakele lalo mu njuvo, co Tomasi wakele amo navo. Vapatele mapito, oloni Yesu wezile wemanene akati kavo wendekele ngwendi, “Kwoloka kukale neni.”

Vilinga vya Miluwa 10:36

Munazivuka muzimbu watumine ku vanu va Isalele, mukwambulula Vin̄anda Vyavivwa vya kwoloka ali Yesu Kilistu, ikeye Mwene wa vanu voshe.

Vilinga vya Miluwa 18:9

Co vutsiki vumo Paulu wamwene cimona, mu cimona cije Mwene wendekele kuli ikeye ngwendi, “Kesi uzive lyova, oloni twalao vene nakwendeka kesi ulikele embwe,

Loma 1:7

Ngecivene, njilinakusonekela kuli yeni voshe muli mu Loma vaje vaazema Njambi nakumisana ngeci mupwe mu vanu vendi. Njambi Tatetu na Mwene Yesu Kilistu vamyane kutetela na kwoloka.

Loma 15:13

Co Njambi, nsina ya cinyangavili, amishulise nakuvwaelela kwoshe na kwoloka omwo akukulaela kweni, ngeci cinyangavili ceni cikole mu nzili ya Munzinzime Wakujela.

Loma 5:1

Ngecivene, omo vanatupwisa vaka-vushunga ku mesho a Njambi akukulaela, co tuli mu kwoloka na Njambi ali Mwene yetu Yesu Kilistu.

Loma 5:10

Omwo twapwile tu vitozi va Njambi, oloni natupwisa vasamba vendi a kutsa kwa Munendi. Ololo omo tunapu vasamba va Njambi, tukovoka a mwonyo wa Kilistu!

Loma 8:6

Nga cizango ca vusitu cikutwamenena, co fweto yaco kutsa, oloni nga cizango ca Munzinzime cikutwamenena, co fweto yaco inapu mwonyo na kwoloka.

1 Kolinte 1:3

Njambi Tatetu na Mwene Yesu Kilistu vamyane kutetela na kwoloka.

Ngalatiya 1:3

Njambi Tatetu na Mwene yetu Yesu Kilistu vamyane kutetela na kwoloka.

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Ngalatiya 6:16

Ngwe ali ava valinakukava lishiko eli mukuyoya kwavo, kwoloka na mema ku mbunge vikale navo, vikale navo na voshe vanu va Njambi!

Filipu 4:7

Co kwoloka kwa Njambi, kuje munu naumo wai asa kuzivisisa, cikanyunga vimbunge vyeni na viyongola vyeni mwamuvwa muli Kilistu Yesu.

Kolose 1:2

Kuli vanu va Njambi mu Kolose, vaje vanapu vasamba vetu va kulongwa muli Kilistu, Njambi Tatetu amyane kutetela na kwoloka.

Kolose 1:20

Ngecivene, ali Mwana, Njambi wayongwele kwilwisila kaye koshe kuli ikeye vavenya. Njambi wanenele kwoloka a maninga a Munendi a cilindakano, co waambesele vyuma vyoshe kuli ikeye vavenya, vije vili asi na vije vili mwilu.

Kolose 3:15

Kwoloka kwa Kilistu kushwane mu vimbunge vyeni, omwo Njambi wamisanene amolika mu muvila umolika. Co kandeleleniko.

2 Tesalonika 1:2

Njambi Tatetu na Mwene Yesu Kilistu vamyane kutetela na kwoloka.

2 Tesalonika 3:16

Mwene vavenya, uje wapwa nsina ya kwoloka kwetu, amyane kwoloka a simbu yoshe na mu vingila vyoshe. Mwene akale neni muvavoshe.

2 Timateo 1:7

Omwo Njambi katwanene munzinzime wa lyova, oloni Munzinzime wendi natushulisa na nzili na cizemo nakulinyunga.

VaHevelu 13:20

Ololo Njambi wa kwoloka uje wasangwile Mwene yetu Yesu ku vatsi, uje napu kanyungi Wakama ka vimanga, a maninga endi a cikumiiyo ca myaka yoshe,

VaHevelu 7:2

co Avilahama wamwanene cavulikumi ku vyuma vyoshe vije vyakele navyo. Co kulumbunuka kwakulivanga ya lizina lya Melekizendeki kwapwa “Mwene wa Vushunga,” co omwo ikeye wapwile mwene wa ku Saleme, co kulumbunuka kwa lizina lyendi lalo lyapwa “Mwene wa Kwoloka.”

Kujombolola 1:4

Viindu vyakutunda kuli Yowano vyakutuma ku vikungulukilo vije vitanu na vivali vya mu lifuti lya Asiya. Kutetela na kwoloka vyakutunda kuli Njambi ou aliko na uje wakeleko, co na uje akaija, vipwe vyeni, co vinatundu lalo kuli minzinzime ije itanu na ivali ili kulutwe lwa litanda lyendi,

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”