Yowano 14:23 - Livulu lya Shukulu Kalunga

²³ Yesu wamukumbulwile ngwendi, “Woshe anjizema ononoke vilongesa vyange. Co Tate akamuzema, co tukaija nakukala muli ikeye.

Yowano 14:23 Iomraidhean Croise

Kushangumuka 1:26

Asinoni Njambi wendekele ngwendi, “Ololo oni tutangeni munu wakulifwa netu na mu cifwa cetu. Ngeci vakakale na moko yakushwana visi, na tuzila, na tusitu voshe, na vimuna vakama na ava vavandondo na ava vakulikoka.”

Kushangumuka 11:7

Ngecivene, tuyeni tushuluke asi, tukatanganese muyati wavo ngeci omo vendeka kesi valizive.”

Myaso 90:1

Shukulu Kalunga, yove simbu yoshe wapwa cimpaka cetu.

Myaso 91:1

Woshe uje yanamena Shukulu Kalunga, woshe uje yanyunga Muka-nzili yoshe,

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Yowano 10:30

Tate nange twapwa umolika.”

Yowano 14:15

“Nga munjizema, mukononoka mashiko ange.

Yowano 14:17

Ikeye Munzinzime wa vushunga, uje asholola vushunga vwa Njambi. Vaka-kaye kuvasa kumutambula, omwo kuvasa kumumona nambe kumuzivuka. Oloni yeni mumuzivuka, omwo wakala neni, co ali muli yeni.

Yowano 14:21

“Woshe uje atambula mashiko ange nakuwononoka ikeye uje anjizema. Co Tate akazema woshe uje anjizema, nange lalo njikamuzema nakulisholola kuli ikeye.”

Yowano 14:24

Woshe uje kanjizeme kononoka vilongesa vyange. Co vilongesa vije vimunazivi kesi vyange oloni vitunda kuli Tate uje wanjitumine.

Yowano 15:10

Nga mwononoka mashiko ange, mukakala mu cizemo cange, ngwe omo njononoka mashiko a Tate, co njili mu cizemo cendi.

Yowano 16:27

omwo Tate ikeye vavenya wamizema. Wamizema omwo mwazema yange nakukulaela ngeci yange njatundile kuli Njambi.

Yowano 6:56

Woshe alya muvila wange nakunwa maninga ange akala muli nange, co yange njikala muli ikeye.

Yowano 8:51

Mwa vushunga njimileka ngwange, woshe ononoka vilongesa vyange kakatsi.”

Yowano 8:52

Va Yesu vendekele kuli ikeye ngwavo, “Mwa vushunga ololo tunamono ngeci muli yove muli munzinzime wakujwala! Avilahama watsa, na vaka-kwimanena vatsa, co yove wendeka ngwove woshe ononoka vilongesa vyove kakatsi.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Efeso 3:17

co njilomba ngwange Kilistu akale mu vimbunge vyeni akukulaela. Njilomba ngwange mushalave mizi na luvula lweni mu cizemo,

1 Yowano 2:24

Ngecivene, nyanyameni, nyungeni mu vimbunge vyeni lijwi lije mwazivile tunde ku san̄ulu. Nga munyunga lijwi lije, asinoni simbu yoshe mukayoya amo na Mwana na Ishe.

1 Yowano 2:5

Oloni nga twononoka lijwi lyendi, tunapu vaje vazema omwo Njambi vanamupwisa muka-vushunga. Omu mukemwo twasa kuzivuka ngwetu tuli muli Njambi,

1 Yowano 4:4

Oloni yeni vana vange vavandondo, munakundama kuli Njambi, co munahyana vaka-kwimanena va makuli, omwo Munzinzime uje ali muli yeni ali manene na nzili kutuvakana munzinzime uje uli muli vaje vanakundama ku kaye.

1 Yowano 5:3

Omwo cizemo cetu kuli Njambi cilumbunuka ngeci twononoke mashiko endi. Co mashiko endi kesi amakalu kuli yetu embwe,

2 Yowano 1:6

Cizemo eci njendeka cilumbunuka ngeci tunapande kuyoya mukwononoka kushika kwa Njambi. Kushika, ngwe yeni voshe mwaziva laja tunde akulivanga, kunapu ngeci, yeni voshe munapande kuyoya mu cizemo.

Kujombolola 21:22

Co kunjamwene Njuvo ya Shukulu Kalunga mu nganda, omwo Shukulu Kalunga Njambi Muka-nzili yoshe na Muna Manga vapwa Njuvo yamwo.

Kujombolola 21:3

Co njazivile lijwi lyakama lyendekele kutunda ku litanda ngwalyo, “Ololo mbalaka ya Njambi ili amo na vanu! Akakala amo navo, co vakapwa vanu vendi. Njambi vavenya akakala amo navo, co ikeye akapwa Njambi yavo.

Kujombolola 22:3

Kumukakala lalo cuma cakusinga mu nganda ije embwe. Litanda lya Njambi na lya Muna Manga likakala muje mu nganda, co vangamba vendi vakamulemesa.