Yowano 14:17 - Livulu lya Shukulu Kalunga

¹⁷ Ikeye Munzinzime wa vushunga, uje asholola vushunga vwa Njambi. Vaka-kaye kuvasa kumutambula, omwo kuvasa kumumona nambe kumuzivuka. Oloni yeni mumuzivuka, omwo wakala neni, co ali muli yeni.

Yowano 14:17 Iomraidhean Croise

Visimo 14:10

Mbunge na mbunge izivuka vukalu vwayo, co naumo wai asa kuvwaelela nayo.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 59:21

Njilinakulikumiiya cikumiiyo neni, njinamyana Munzinzime wange na vilongesa vyange kupwa vyeni ku myaka yoshe, co kutunda lelo nakutwala kulutwe, munapande kunjononoka nakulongesa vana veni, na vatekulwila veni kunjononoka visimbu vyoshe vikaija kulutwe.”

Ezekiyele 36:27

Njikaka Munzinzime wange muli yeni, nakumona ngeci mulinakukavangeya mashiko ange, nakunyunga mashiko oshe anjikamyana.

Mateo 10:20

Omwo majwi amukendeka kesi eni embwe, oloni akatunda kuli Munzinzime wa Ishweni ikeye akendeka muli yeni.

Yowano 14:16

Co njikalomba kuli Tate, co akamyana Mukwasi weka, uje akakala neni ku myaka yoshe.

Yowano 14:23

Yesu wamukumbulwile ngwendi, “Woshe anjizema ononoke vilongesa vyange. Co Tate akamuzema, co tukaija nakukala muli ikeye.

Yowano 15:26

“Oloni omo Mukwasi akaija, ikeye Munzinzime, uje akasholola vushunga vwa ali Njambi, akaija kutunda kuli Tate. Njikamutuma kuli yeni kutunda kuli Tate, co akendeka vukaleo vwange.

Yowano 16:13

Omo Munzinzime akaija, uje akasholola vushunga vwa Njambi, akamitwamenena mu vushunga vwoshe. Omwo kakendeka mu nzili yendi embwe, oloni akendeka vije aziva nakumileka vyuma vikaija kulutwe.

Yowano 6:40

Omwo eci cikeco cizango ca Tate ngeci voshe vaje vamona Mwana nakukulaela kuli ikeye vakale na mwonyo wa myaka yoshe. Co njikavasangwila ku mwonyo a litangwa lyakukotoka.”

1 Kolinte 14:15

Ngecivene, vatijo njilinga? Njilombela na munzinzime wange, oloni njilombela lalo na mana ange, njiimba na munzinzime wange, co njiimba lalo na mana ange.

1 Kolinte 2:14

Woshe uje kesi na Munzinzime kasa kutambula mavwana aje atunda kuli Munzinzime wa Njambi. Munu wangacije kasa kuwazivisisa, anapu angoco kuli ikeye, omwo seo yawo vanaiseteka na munzinzime.

1 Kolinte 3:16

Mwa vushunga mwazivuka ngeci munapu Njuvo ya Shukulu Kalunga na Munzinzime wa Njambi alinakuyoya muli yeni!

1 Kolinte 6:19

Indi kumuzivuka ngweni mivila yeni yapwa njuvo ya Munzinzime Wakujela uje wakala muli yeni, uje wamyanene Njambi ndi? Co kumwakundamene kuli yeni vavenya, oloni munakundama kuli Njambi,

2 Kolinte 13:5

Lyesekeni yeni vavenya nakuliilula nga munapu vaka-kukulaela. Kuma mwa vushunga mwazivuka ngeci Kilistu Yesu ali muli yeni ndi? Nga kesi ngacije, co munonwa vene.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Ngalatiya 4:6

Mukumwesa ngeci yeni munapu vana vendi, Njambi watumine Munzinzime wa Munendi mu vimbunge vyetu, Munzinzime uje muka-kutambeka ngwendi, “Tate, Tate.”

Efeso 2:22

Muli ikeye neni lalo valinakumitunga mumo na vakweni veka ngeci mupwe njuvo ya Njambi ali Munzinzime wendi.

Efeso 3:17

co njilomba ngwange Kilistu akale mu vimbunge vyeni akukulaela. Njilomba ngwange mushalave mizi na luvula lweni mu cizemo,

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

2 Timateo 1:14

Nyunga vyuma vyavivwa vije vivanakukundika a nzili ya Munzinzime Wakujela uje alinakuyoya muli yetu.

1 Yowano 2:27

Oloni ngeci mweni, Kilistu netila Munzinzime wendi ali yeni. Ngwe omo Munzinzime wendi ali muli yeni, kumushaka munu kumilongesa. Omwo Munzinzime wendi alinakumilongesa vyuma vyoshe, co vije alinakulongesa vinapu vya vushunga, kesi vya makuli embwe. Ngecivene, ononokeni vilongesa vya Munzinzime, co kaleni muli Kilistu.

1 Yowano 3:24

Voshe vaje vononoka mashiko a Njambi vayoya muli Njambi na Njambi ayoya muli vakevo. Co omwo ali Munzinzime uje natwana, co tunazivuka ngwetu Njambi ali nakuyoya muli yetu.

1 Yowano 4:4

Oloni yeni vana vange vavandondo, munakundama kuli Njambi, co munahyana vaka-kwimanena va makuli, omwo Munzinzime uje ali muli yeni ali manene na nzili kutuvakana munzinzime uje uli muli vaje vanakundama ku kaye.

1 Yowano 4:6

Oloni yetu tunakundama kuli Njambi. Woshe uje azivuka Njambi atolilila kuli yetu, woshe uje kakundamene kuli Njambi kasa kutolilila kuli yetu. Ngecivene, omu mukemwo twasa kwangula akati ka Munzinzime wa vushunga na munzinzime wa makuli.

1 Yowano 5:7

Co Munzinzime nasholola vukaleo ngwendi eci cinapu vushunga, omwo Munzinzime wapwa vushunga.

Kujombolola 2:17

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana maana yakushweka. Co lalo njikana umo na umo wavo limanya lyakutoka aje vanasoneka lizina lyaliha lije naumo wai alizivuka kuvanga uje vavenya alitambula.