Yowano 14:11 - Livulu lya Shukulu Kalunga

¹¹ Njikulaeleni omo njendeka ngwange njili muli Tate, co Tate ali muli yange. Nga kesi ngoco, kulaeleni omwo vyuma vije njilinakulinga.

Yowano 14:11 Iomraidhean Croise

Yowano 10:25

Yesu wakumbulwile ngwendi, “Njamilekele laja, oloni yeni kumwanjikulaelele. Vyuma evi vinjilinga mu lizina lya Tate vikevyo vimwesa vukaleo vwange,

Yowano 10:32

Yesu wendekele kuli vakevo ngwendi, “Njinamimwesa vipangi vyavingi vyavivwa vije vyanjanene Tate ngeci njivilinge, co a vyuma evi vili vimo vimunjashela mamanya?”

Yowano 10:38

Oloni nga njilinakuvilinga, nameme kumunjikulaela, oloni munapandele kukulaela vipangi vyange, co muzivuke ngweni Tate ali muli yange, co nange lalo njili muli Tate.”

Yowano 14:10

Kuma kuukulaela Filipi ngeci yange njili muli Tate, co Tate ali muli yange ndi?” Yesu wendekele kuli vandongisi vendi ngwendi, “Majwi awa njinendeka kuli yeni kuwapwile a mu mbunge yange embwe. Tate wakala muli yange akapanga vipangi vyendi.

Yowano 14:20

Omo litangwa lije likaija, mukazivuka ngeci yange njili muli Tate neni muli yange, ngwe omo yange njili muli yeni.

Yowano 5:36

Oloni yange njili na vukaleo vwakutuvakana vukaleo vuje vwambulwile Yowano, omwo evi vinjilinga, vinapu vipangi vije vyanjanene Tate ngeci njivilinge, evi vilinakwendeka ali yange mukumwesa ngeci Tate wanjitumine.

Vilinga vya Miluwa 2:22

“Tolilileni ku majwi awa, yeni vakwetu vaIsalele! Yesu wa ku Nazaleta wapwile munalume uje moko yendi ya vuNjambi yasholwele mwamuvwa kuli yeni vikomokeso na vizivukiso vije vyalingile Njambi muli ikeye. Yeni vavenya mwazivuka evi, omwo vyuma evi vyalingiwile akati keni.

VaHevelu 2:4

Co a simbu ije vene Njambi wawezeleleleko vukaleo vwendi ku vukaleo vwavo mukulinga vizivukiso na vikomoweso vyakuliseza-seza namukupangezela vwana vwa Munzinzime Wakujela ngwe ku cizango cendi.