Yowano 13:7 - Livulu lya Shukulu Kalunga

⁷ Yesu wamukumbulwile ngwendi, “Yove kuuzivisisa cuma eci cinjilinakulinga ololo, oloni kulutwe ukacizivisisa.”

Yowano 13:7 Iomraidhean Croise

Njelemiya 32:43

Vanu valinakwendeka ngwavo, lifuti eli likapwa ngwe mambo muje kumwesi vanu nambe tusitu, ngeci vakalyane kuli vaMbambilone. Oloni mahya vakaalanda lalo mu lifuti lino.

Ndanyele 12:12

Vanavezika vaje vanakulaela noo matangwa akupwa 1,335 anahu.

Ndanyele 12:8

Njazivile vije vyendekele, oloni kunjavizivisisile. Ngeci njehwile ngwange, “Mwane, vatijo vikahwa vyoshe?”

Yowano 12:16

Vandongisi vendi kuvazivisisile vyuma evi akulivanga, oloni omo Yesu wakovelele mu vumpau, asinoni vanukile ngeci visoneka vije vyendekele ali ikeye, co vyalingiwile kuli ikeye.

Yowano 13:36

Simoni Petulu wehwile Yesu ngwendi, “Mwene, uya kulijo?” Yesu wakumbulwile ngwendi, “Kuje kunjilinakuya kuwasa kunjikava, oloni ukanjikava kulutwe.”

Yowano 13:6

Yesu wezile kuli Simoni Petulu, co Petulu wendekele kuli ikeye ngwendi, “Mwene, kuma ujwelesa ku mendi ange ndi?”

Yowano 14:26

Oloni Mukwasi, ikeye Munzinzime Wakujela, uje yakatuma Tate mu lizina lyange, akamilongesa vyuma vyoshe nakumyanukisa vyuma vyoshe vije vinjinamileka.