Yowano 13:5 - Livulu lya Shukulu Kalunga

⁵ Asinoni wetilile mema mu lilonga, co washangumukile kujwelesa mendi a vandongisi vendi, co wasikumwineko na litwai lije lyakutile mu mbunda yendi.

Yowano 13:5 Iomraidhean Croise

Kushangumuka 18:4

Njiminenela mema akujwela ku mendi, munapande kuhwimako kamandondo mwisi ya muti ou.

Kushangumuka 19:2

Wendekele kuli vakevo ngwendi, “Vashukulu, tuyeni ku njuvo ya ngamba yeni, mukajwele ku mendi nakuhwimako vutsiki vuno vene. Asinoni mukaya ku vungenzi vweni mutondo-tondo.” Oloni vakevo vamukumbulwile ngwavo, “Embwe, vuno vutsiki tulala vene muno mu nganda mushandangala yangoco.”

Kushangumuka 43:24

Co uje ngamba watwalele vandolome va Yosefa ku njuvo. Wavanene mema ngeci vajwele ku mendi avo, co waanene vyakulya vimulu vyavo.

2 Vimyene 3:11

Co Mwene Njosefati wehwile ngwendi, “Kuno kukwesi muka-kwimanena wa Shukulu Kalunga ngeci atwihwile kuli Shukulu Kalunga ndi?” Co mwata umo wa mashwalale va Mwene Njolame wakumbulwile ngwendi, “Kwali kuno Elisha muna Shafete. Ikeye waatele kuli Elinja.”

Myaso 51:2

Njijwelese ku vuvi vwange, na ku kupenga-penga kwange!

Kutuuka 29:4

“Co nena Alone na vana vendi ku cikolo ca Mbalaka Mwakuliwanena, co vajwelese.

Isaya 1:16

Lijweleseni yeni vavenya ngeci mujele. Likeleni vuvi vwoshe ovu njilinakumona vumulinakulinga. Eyo, likeleni kulinga vuvi,

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

VaLevi 14:8

Co uje munu akakushe vuzalo vwendi, co akateule vin̄ambu vyendi vyoshe, co akajwele. Asinoni akapwa wakujela. Co akakovele mu cilombo, oloni napande kukala anja ya mbalaka yendi matangwa atanu na avali.

Zakaliya 13:1

Shukulu Kalunga Muka-nzili yoshe alinakwendeka ngwendi, “A litangwa lije, lisima lya kavwelu-vwelu likashokoloka mukujelesa vatekulwila va Ndaviti na vanu va mu Yelusalema ku vuvi vwavo na ku tumponya.

Luka 7:38

wemanene kunima ya Yesu, ku myanja yendi nakulila, nakujulisa myanja ya Yesu na misozi. Co wasikumwine myanja ya Yesu na vin̄ambu vyendi, waitsembele, co waivwavesele na mazi aje.

Luka 7:44

Co watengulukilile kuli uje munakazi, wendekele kuli Simoni ngwendi, “Unamono ou munakazi? Njinakovela muno mu njuvo yove, oloni kuwanjanene mema akujwela ku myanja yange, oloni ou nanjijwelesa ku myanja yange na misozi yendi, co nanjisikumuna na vin̄ambu vyendi.

Yowano 13:10

Yesu wakumbulwile ngwendi, “Woshe uje najwele kapandele kujwela lalo, kuvanga ku mendi endi lika. Yeni muvavoshe munajele, kuvanga umolika.” (

Yowano 13:6

Yesu wezile kuli Simoni Petulu, co Petulu wendekele kuli ikeye ngwendi, “Mwene, kuma ujwelesa ku mendi ange ndi?”

Yowano 13:8

Petulu wendekele na nzili ngwendi, “Kuujwelesa ku mendi ange embwe!” Yesu wakumbulwile ngwendi, “Nga kunjijwelesa ku mendi ove, kuwasa kupwa lalo ndongisi yange.”

Yowano 19:34

Umo wa vaje mashwalale, wativile Yesu likunga ku vimati, co aje vene maninga na mema vyetikile. (

Vilinga vya Miluwa 22:16

Co ololo, vikajo uvandamena? Katuka ngeci vakumbwitike, co vivi vyove vavikushe akulombela kuli ikeye.’

1 Kolinte 6:11

Vamo veni mwafwile ngacije. Oloni vanamijelesa ku vuvi, vanamikundika kuli Njambi, vanamipwisa vaka-vushunga ku mesho a Njambi ali Mwene Yesu Kilistu na ali Munzinzime wa Njambi yetu.

Efeso 5:26

Walingile eci mukukundika cikungulukilo kuli Njambi na lijwi lyendi, anima yakucijelesa akucijwelesa mu mema,

1 Timateo 5:10

co ali na lutsimo lwa vilinga vyavivwa, munakazi uje nalele vana vendi mwamuvwa, muka-kutambula vangenzi ku njuvo yendi, muka-kulinga vilinga vya kulikeesa kuli vakwavo vaka-Yesu, nakukwasa vaje vali mu tuyando nakulikundika ku vipangi vyavivwa.

VaHevelu 10:22

Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.

1 Yowano 5:6

Yesu Kilistu ikeye wezile na mema akumbwitika kwendi na maninga a kutsa kwendi. Kezile lika na mema, oloni wezile na vyoshe vivali mema na maninga.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.

Maako 19:21

Ngecivene, wavatwalele ku njuvo yendi, walisile vimulu vavo. Co vangenzi vendi vajwelele ku mendi avo nakutambula vyakulya nakunwa.

1 Samwele 25:41

Avingaile watsikamene a mavuli nakulemesa, co wendekele ngwendi, “Yange ngamba yendi, njinalivwaesela cimweja kujwelesa mendi a vangamba va shukulu yange.”