Yowano 13:4 - Livulu lya Shukulu Kalunga

⁴ Ngecivene, Yesu wakatukile ku mesa, washulwile cikoveyo cendi ca akamwa, co walikutile litwai mu mbunda yendi.

Yowano 13:4 Iomraidhean Croise

2 Vimyene 3:11

Co Mwene Njosefati wehwile ngwendi, “Kuno kukwesi muka-kwimanena wa Shukulu Kalunga ngeci atwihwile kuli Shukulu Kalunga ndi?” Co mwata umo wa mashwalale va Mwene Njolame wakumbulwile ngwendi, “Kwali kuno Elisha muna Shafete. Ikeye waatele kuli Elinja.”

Luka 12:37

Vanavezika vangamba vaje omo shukulu yavo aija avawana kuvesi mu tulo valinakumukengelela! Mwa vushunga njimileka ngwange, ikeye akalizitika mwiva mu mbunda, akavaleka ngeci vatumbame, co akavana vyakulya.

Luka 17:7

“ Nga umo weni ali na ngamba muka-kulima nambe kunyunga vimanga, co omo aija kutunda ku mahya, kuma mukendeka kuli ikeye ngweni, ‘Zambulako wakulye vilya vyove ndi?’

Luka 17:8

Mwa vushunga kumwesi kulinga ngacije! Oloni mukendeka ngweni, ‘Njivwaesele vyakulya, lizitike cikoveyo cove unjipangele noo njinali, njinanu, omo njinamanesa cooni nove ulye nakunwa!’

Luka 22:27

Iya wakama? Uje natumbama kukulya indi uje amwana vyakulya? Ngwetu uje natumbama kukulya ikeye wakama ndi? Oloni yange njili akati keni ngwe muka-kumipangela.

Yowano 13:12

Omo Yesu wamanesele kujwelesa ku mendi avo, co wazalele cikoveyo cendi ca akamwa, co watumbamene lalo ku mesa. Wavehwile ngwendi, “Mwazivisisa eci cinjinalingi kuli yeni ndi?

2 Kolinte 8:9

Omwo mwazivuka mema ku mbunge a Mwene yetu Yesu Kilistu, nambe wapwile muka-kufuka, oloni walilingisile kupwa muka-kuutwa vavenya omwo yeni, ngeci amipwise vaka-kufuka a vuutu vwendi.

1 Yowano 3:11

Omwo lijwi lije mwazivile akulivanga likelyo eli, tunapande kulizema umo na mukwavo.