Yowano 13:34 - Livulu lya Shukulu Kalunga

³⁴ Co njimyana lishiko lyaliha ngwange, lizemene umo na mukwavo. Ngwe yange munjinamizeme, ngecivene, munapande kulizema umo na mukwavo.

Yowano 13:34 Iomraidhean Croise

Myaso 119:63

Yange nji musamba wa vaje voshe vaka-kukukomoka, na musamba wa voshe vaje vononoka mashiko ove.

Myaso 16:3

Vanu va Shukulu Kalunga vaje vakujela vali ano asi, vanapu va vulemu, njilinakuvwaelela muli vakevo.

VaLevi 19:18

Kesi ukalinge shambandinga vuvi ku vuvi, nambe likiti-kiti lya kumuzinda, oloni zema mukweni ngwe muwalizema yove vavenya. Yange Kalunga.

VaLevi 19:34

Kaleni navo mwamuvwa ngwe mumuli nakukala na vakweni vaIsalele, vazemeni ngwe mumwalizema yeni vavenya. Anukeni ngweni neni lalo mwapwile vaka-kwija mu lifuti lya Ingito. Yange njapwa Kalunga Njambi yeni.

Mateo 5:44

Oloni yange njimileka ngwange, zemeni vitozi veni, co lombeleleni vaje valinakumiyandesa,

Yowano 15:17

Eli likelyo lishiko lyange, lizemeni umo na mukwavo.

Yowano 17:21

Njivalombelela ngeci voshe vapwe umo. Ove Tate! Vakale muli yetu, ngwe omo yove wakala muli yange nange muli yove. Vapwe umo, ngecivene, vaka-kaye vakakulaele ngwavo kuma yove wanjitumine.

Loma 12:10

Lizemeni umo na mukwavo ngwe vandolome na vandokazi, co litakameseni nakulisingimika umo na mukwavo.

Loma 13:10

Nga uzema mukweni, co kuukasa kumulinga mwamuvi embwe, ngecivene, kuzema, kukekwo kwononoka Lishiko lyoshe.

Loma 13:8

Kesi mukale na likongo kuli umo, likongo munapande kukala nalyo linapande kupwa lyakulizema lika umo na mukwavo. Woshe uje azema mukwavo nononoka Lishiko.

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Ngalatiya 6:10

Ngecivene, ngwe omo tuli na simbu, tunapande kulingila vuvwa kuli munu na munu, vunene vene kuli vaje vanakundama ku naanga yetu mukukulaela.

Ngalatiya 6:2

Likwaseni kulyambatela vitele umo na mukwavo, co mu ngila eyi mukononoka lishiko lya Kilistu.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Kolose 1:4

Omwo twazivi kukulaela kweni muli Kilistu Yesu, na cizemo ceni kuli vanu va Njambi voshe.

1 Tesalonika 3:12

Mwene akolese cizemo ceni kuli umo na mukwavo na kuli vanu voshe nakucipwisa cakama ngwe cizemo cetu kuli yeni.

2 Tesalonika 1:3

Vakwetu, tunapande kukandelela kuli Njambi simbu yoshe omwo yeni. Eci cinapu cacivwa kuli yetu kulinga ngacije, omwo kukulaela kweni kulinakukola manene na cizemo cije mulinaco kuli umo na mukwavo cilinakwama manene.

VaHevelu 13:1

Kakateyeni mukulizema umo na mukwavo ngwe vasamba muli Kilistu.

Yakomba 2:8

Mulinga cuma cacivwa nga mwononoka lishiko lya Vumwene, lije tuwana mu visoneka ngwavyo, “Zema mukweni ngwe muwalizema yove vavenya.”

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

2 Petulu 1:7

co ku vuNjambi vweni wezeleleniko cizemo ca vuka-Yesu, na ku cizemo ceni ca vuka-Yesu wezeleleniko cizemo.

1 Yowano 3:11

Omwo lijwi lije mwazivile akulivanga likelyo eli, tunapande kulizema umo na mukwavo.

1 Yowano 3:23

Eci cikeco canashiki ngeci tukulaele mu lizina lya Munendi Yesu Kilistu, co tulinakulizema umo na mukwavo, ngwe Kilistu watushikile.

1 Yowano 4:21

Co eli likelyo lishiko lyanatwana Kilistu, woshe uje azema Njambi napande kuzema vakwavo lalo.

2 Yowano 1:5

Co ololo njikulomba yove ndokazi wa cizemo ngwange, tulizemeni umo na mukwavo. Eli kesi lishiko lyaliha njimisonekela, eli likelyo lishiko tunakala nalyo tunde akulivanga.