Yowano 13:21 - Livulu lya Shukulu Kalunga

²¹ Omo Yesu wamanesele kwendeka evi, mbunge yendi yazeyele manene, co wendekele citona-mesho ngwendi, “Mwa vushunga njimileka ngwange, umo weni akanjenda vungungu.”

Yowano 13:21 Iomraidhean Croise

Mateo 26:21

Co omo vakele nakulya Yesu wendekele kuli vandongisi vendi ngwendi, “Mwa vushunga njimileka ngwange umo akati keni akanjenda vungungu.”

Mateo 26:38

Co ikeye wendekele navo ngwendi, “Mbunge yange inazeye na vusiwa vwakama manene vwakunjitwala ku kutsa vene. Njivandameneni kuno nakukengelela amo nange.”

Mako 14:18

Omo vakele nakulya ku mesa, Yesu wendekele ngwendi, “Mwa vushunga njimileka ngwange umo akati keni akanjenda vungungu, uje alinakulya amo nange.”

Mako 3:5

Co Yesu waluvalele omo wavakengele, oloni a simbu ije vene wazivile manene vusiwa omwo vakevo, omwo vakaluwisile vimbunge vyavo. Asinoni wendekele kuli uje munalume ngwendi, “Olola livoko lyove.” Wolwele livoko lyendi, co lyakangukile.

Yowano 11:33

Omo Yesu wamumwene alinakulila, co wamwene vanu vaje vezile amo nendi vakele lalo nakulila, co wakele manene na vusiwa mu mbunge yendi.

Yowano 11:35

Yesu walilile.

Yowano 11:38

Yesu wakele na vusiwa manene mu mbunge yendi, co waile ku mbumbo ije yapwile yakucokola mu limanya, co ku cikolo vaakeleko limanya.

Yowano 12:27

“Ololo mbunge yange ilinakuyanda, co njendeka vika? Njendeke ngwange, ‘Tate, njamene ku simbu eyi ndi’? Oloni evi vikevyo vinjezilile, ngeci njiite mu simbu eyi ya tuyando.

Yowano 13:18

“Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’

Yowano 13:2

Co Yesu na vandongisi vendi vakele kukulya kwa cingwezi. Omo Liyavola te naaka laja muli Yundasa, muna Simoni Isikalyote, viyongola vyakwenda Yesu vungungu.

Yowano 13:22

Vandongisi vendi valikengele-kengele umo na mukwavo, valikomokelele manene kuvazivukile uje yatumbwile.

Vilinga vya Miluwa 17:16

Omo Paulu wakele nakuvandamena Silasi na Timateo mu Atena, wakele na citanga cakama manene omo wamwene muje mu nganda munashulu tumponya.

1 Yowano 2:19

Mwa vushunga vene, vanu ava kuvakundamene ku mbunga yetu, omu mukemwo muvatundilile kuli yetu, nga vakevo vakundamene ku mbunga yetu, nga vali netu amo. Oloni vatusezele ngeci cipwe cakutungukwa ngeci naumo wai wavo wakundamene ku mbunga yetu.