Yowano 13:18 - Livulu lya Shukulu Kalunga

¹⁸ “Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’

Yowano 13:18 Iomraidhean Croise

Myaso 41:9

Nameme musamba wange vene wa a mbunge, uje njakulaelele manene, nanjitengulukila nakunjilwisa.

Njelemiya 41:2

Ishimela na vaje vanalume likumi vezile nendi, vashomwene mikwale yavo, co vatsiile Ngendaliya.

Mateo 10:36

co vitozi vakama va munu vapwa vavushoko va mu njuvo yendi vavenya.

Mateo 26:21

Co omo vakele nakulya Yesu wendekele kuli vandongisi vendi ngwendi, “Mwa vushunga njimileka ngwange umo akati keni akanjenda vungungu.”

Mateo 26:23

Yesu wavakumbulwile ngwendi, “Ou vene natanta amo nange mu lilonga omo tunakele nakulya, ikeye vene akanjenda vungungu.

Mako 14:17

Omo vetele ku cingwezi, Yesu wezile na vandongisi likumi na vavali.

Mako 14:18

Omo vakele nakulya ku mesa, Yesu wendekele ngwendi, “Mwa vushunga njimileka ngwange umo akati keni akanjenda vungungu, uje alinakulya amo nange.”

Mako 14:20

Yesu wavakumbulwile ngwendi, “Umo waakati keni likumi na vavali, uje vene natanta amo nange mu lilonga omo tunakele nakulya.

Luka 22:21

“Oloni kengeni, ou anjenda vungungu ali amo nange kuno ku mesa!

Yowano 13:21

Omo Yesu wamanesele kwendeka evi, mbunge yendi yazeyele manene, co wendekele citona-mesho ngwendi, “Mwa vushunga njimileka ngwange, umo weni akanjenda vungungu.”

Yowano 13:22

Vandongisi vendi valikengele-kengele umo na mukwavo, valikomokelele manene kuvazivukile uje yatumbwile.

Yowano 13:26

Yesu wakumbulwile ngwendi, “Uje injikana likende lije linjikatanta ikeye vene.” Ngecivene, wanonele likende, walitantele, co walyanene kuli Yundasa, muna Simoni Isikalyote.

Yowano 15:16

Kesi yeni mwanjangwile embwe, oloni yange njamyangwile nakumituma ngeci muye nakwima vushuka vwavungi, vushuka vuje vwa ku myaka yoshe. Ngecivene, cuma coshe mukalomba kuli Tate mu lizina lyange ikeye akamyanaco.

Yowano 15:19

Nga mwapwile vaka-kaye, asinoni nga vaka-kaye vamizema ngwe mu vavo. Oloni omwo njamyangwile akati ka vaka-kaye, co kumwakundamene ku vaka-kaye, ngecivene, mukemwo vaka-kaye vamizindi.

Yowano 15:25

Oloni evi vyapandele kulingiwa ngeci vije vivasonekele mu Lishiko vipwe vyavushunga ngwavo, ‘Vanjizindile ngoco, nakashwilo kai.’

Yowano 17:12

Simbu njakele navo, njavanyungile mu kwoloka na nzili ya lizina lyove, lizina lije liwanjanene. Njavanyungile mu kwoloka, naumo wai wavo wazimbalele, kuvanga lika munalume uje ivatumbwilile kunyonga, ngeci visoneka vipwe vya vushunga.

Yowano 18:32

(Eci calingiwile ngwe majwi aje endekele Yesu akutumbula kutsa kuje akatsa apwe a vushunga.)

Yowano 19:24

Mashwalale valyendekesele umo na mukwavo ngwavo, “Kesi tucitavule, oloni tuteni n̄ela tumone iya acambata.” Eci cilingiwe ngeci visoneka vipwe vya vushunga omo vyendekele ngwavyo, “Vanalipangezela vuzalo vwange akati kavo, co vatele n̄ela a cikoveyo cange cacilaja.” Co omu mukemwo muvalingile mashwalale.

Yowano 19:36

Omwo evi vyalingiwile ngeci visoneka vipwe vya vushunga omo vyendeka ngwavyo, “Vitsiya vyendi nacimo cai cikapokokako.”

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

Yowano 6:70

Yesu wakumbulwile ngwendi, “Kuma kunjamyangwile yeni likumi na vavali ndi? Oloni umo weni napu liyavola!”

Vilinga vya Miluwa 1:16

“Vakwetu, visoneka vinapande kupwa vya vushunga muje Munzinzime Wakujela wasesele Ndaviti kutumbula vya Yundasa, uje watwamenenene vaje vakwatele Yesu.

Vilinga vya Miluwa 1:2

nakweta a litangwa lije vamutwalele mwilu. Simbu kanda vamutwale mwilu, washikile na nzili ya Munzinzime Wakujela vanalume vaje vaangwile kupwa miluwa vendi.

2 Kolinte 4:5

Omwo kesi ngwe yetu tulyambulula yetu vavenya embwe, oloni tulinakwambulula Yesu Kilistu ikeye Mwene, co netu tunapu tu vangamba veni a lizina lya Yesu.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.