Yowano 13:14 - Livulu lya Shukulu Kalunga

¹⁴ Nga yange Mwene yeni na Mulongisi weni, njinamijwelesa ku mendi eni. Neni lalo munapande kulijwelesa ku mendi eni umo na mukwavo.

Yowano 13:14 Iomraidhean Croise

Yowano 11:2

(Ou Maliya ikeye uje wavwavesele mendi a Mwene na mazi akunika lwengo lwaluvwa, co wasikumwineko na vin̄ambu vyendi, ikeye vene wakele na ndolome yendi Lazalu uje wavinjile.)

Vilinga vya Miluwa 20:35

Njamimwesa mu vyuma vyoshe ngeci akupanga na nzili manene mu ngila eyi tunapande kukwasa vaka-kuzeya, kwanuka majwi aje Mwene Yesu vavenya wendekele ngwendi, ‘Muli kujolela kwakama manene mukwana kutuvakana mukutambula.’ ”

Loma 12:10

Lizemeni umo na mukwavo ngwe vandolome na vandokazi, co litakameseni nakulisingimika umo na mukwavo.

Loma 12:16

Yoyeni mulizivasano umo na mukwavo. Kesi mulyalese, oloni likeeseni mu vipangi. Kesi muliyongole yeni vavenya ngwe munapu vaka-kunyanyama.

1 Kolinte 12:3

Ngecivene, njishaka muzivuke ngweni naumo wai uje yatwamenena Munzinzime wa Njambi endeka ngwendi, “Yesu apwe wakusinga!” Co lalo naumo wai asa kulitavela ngwendi, “Yesu ikeye Mwene,” kuvanga Munzinzime Wakujela amutwamenene.

1 Kolinte 8:13

Ngecivene, nga vyakulya vilingisa mukwetu ngeci alinge vuvi, co kunjikali situ lalo, kutewa njilingisa mukwetu kuwila mu vuvi.

2 Kolinte 10:1

Yange, Paulu njimilambelela, yange uje ivalinakwendeka ngwavo, walikeesa na kulyononwesa omo njili amo neni, oloni nji wamukalu omo njili kulyala neni. Njilinakumilomba a kwoloka na kutetela kwa Kilistu ngeci

2 Kolinte 8:9

Omwo mwazivuka mema ku mbunge a Mwene yetu Yesu Kilistu, nambe wapwile muka-kufuka, oloni walilingisile kupwa muka-kuutwa vavenya omwo yeni, ngeci amipwise vaka-kufuka a vuutu vwendi.

Ngalatiya 5:13

Ngwe ali yeni, vakwetu, vamisanene mukupatuka. Oloni kesi mutave kupatuka oku kupwe lisesa lyakumyecelela ngeci mashungu eni a vunu amipangese. Oloni taveni cizemo cimipwisa vangamba va umo na mukwavo.

Filipu 2:11

co voshe vakambulula ngwavo Yesu Kilistu ikeye Mwene, ku vumpau vwa Njambi Tatetu.

1 Timateo 5:10

co ali na lutsimo lwa vilinga vyavivwa, munakazi uje nalele vana vendi mwamuvwa, muka-kutambula vangenzi ku njuvo yendi, muka-kulinga vilinga vya kulikeesa kuli vakwavo vaka-Yesu, nakukwasa vaje vali mu tuyando nakulikundika ku vipangi vyavivwa.

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.

1 Petulu 4:1

Ngecivene, ngwe omo Kilistu wayandele mu muvila, neni lalo munapande kulitakamesa yeni vavenya na viyongola vimo, omwo woshe uje ayanda ku muvila nalikela ku vuvi.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”