Yowano 13:10 - Livulu lya Shukulu Kalunga

¹⁰ Yesu wakumbulwile ngwendi, “Woshe uje najwele kapandele kujwela lalo, kuvanga ku mendi endi lika. Yeni muvavoshe munajele, kuvanga umolika.” (

Yowano 13:10 Iomraidhean Croise

Muka-kwambulula 7:20

Kukwesi umo ano asi muka-kulinga vya vushunga simbu yoshe uje kesi kulinga vuvi.

Myaso ya Solomoni 4:7

Uwamuvwa muka-cizemo cange, kumwesi kapenga muli yove!

Njelemiya 50:20

Omo simbu ije ikaija, vuvi navumo vwai vukakala mu Isalele, co kupenga-penga nakumo kwai kukakala mu Yunda, omwo njikasambesa vanu vaje vanjasezeo. Yange Kalunga, njinendekamo.”

VaLevi 16:26

Na uje akecela uje membe wa ciingo ca vuvi vwa vanu mu mambo napande kukusha vuzalo vwendi, co ajwele a muvila wendi omo kanda eluke mu cilombo.

VaLevi 16:28

Uje avyenyeka napande kukusha vuzalo vwendi, co akajwele a muvila wendi. Asinoni eluke mu cilombo.”

Mateo 6:12

tusambese ku milonga yetu, ngwe yetu lalo mutukasambesa vaka-kutuvulumwina.

Yowano 13:18

“Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’

Yowano 13:9

Simoni Petulu wakumbulwile ngwendi, “Mwene, kesi ujwelese lika ku mendi ange embwe! Oloni jwelesa ku mavoko ange na ku mutwe wange lalo!”

Yowano 15:3

Yeni munajele laja alijwi lije njendekele kuli yeni.

2 Kolinte 5:17

Ngecivene, woshe uje ali muli Kilistu, napu munu wamuha, vyuma vyalaja vineti, muli ikeye munaija vuhwa.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

1 Tesalonika 5:23

Njambi uje muka-kutwana kwoloka amipwise vaka-kujela mu vyoshe, co anyunge vunu vweni vwoshe, munzinzime, na mwonyo na muvila, kujeneka milonga yoshe akwija kwa Mwene yetu Yesu Kilistu.

VaHevelu 9:10

omwo vikevyo vinemanena lika ku vyakulya nakunwa, na vilika vyakuliseza-seza vyakulijelesa. Evi vyoshe vinapu mashiko a anja, evi vikalingiwa noo a simbu ije Njambi akatengulula vyuma vyoshe.

Yakomba 3:2

Omwo yetu voshe visimbu vyavingi tukaviisa. Oloni nga munu kesi kuviisa muvyendeka vyendi, co napu munu wakujela, co asa lalo kulinyunga ikeye vavenya.