Yowano 13:1 - Livulu lya Shukulu Kalunga

¹ Simbu litangwa lya Ciwano ca Pasovala kanda lyete, Yesu wazivukile ngeci simbu yendi inete yakutunda muno mu kaye nakuya kuli Ishe. Ikeye wazemene vaje vakele muno mu kaye vaje vapwile vendi, co wavazemene na akukotoka.

Yowano 13:1 Iomraidhean Croise

Visimo 8:31

njavwaelelele na kaye, co lalo njavwaelelele na vanu vamwo.

Njelemiya 31:3

njasholokele kuli vakevo alyala. Vanu va Isalele, simbu yoshe njamizema, ngecivene, simbu yoshe njikamwesa cizemo cange cije kucesi kutenguluka.

Mateo 26:45

Asinoni welukile kuli vandongisi vendi, wavehwile ngwendi, “Kuma anga munacilala nakuhwima ndi? Kengeni! Simbu inete laja, omwo Muna Munu valinakumwana ku nzili ya vaka-vuvi.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Luka 22:53

Njakele neni mu Njuvo ya Shukulu Kalunga a litangwa na litangwa, kumwesekele kunjikwata. Oloni eyi ikeyo simbu yeni yakupanga, omo nzili ya lisusulungu ilinakushwana.”

Luka 9:51

Omo matangwa ashwenyele kuyehi ngeci Yesu vamutwale mwilu, watengulwile viyongola vyendi, co waile ku Yelusalema.

Yowano 11:55

Simbu ya Ciwano ca Pasovala yakele muyehi, co vanu vavangi vatundile ku mitambela yavo valamatele kuya ku Yelusalema mukulijelesa omo simbu ya ciwano kanda yete.

Yowano 12:23

Co Yesu wavakumbulwile ngwendi, “Simbu inete omwo Muna Munu atambule vumpau.

Yowano 13:29

Omo Yundasa wapwile muka-kunyunga cipau ca vimbongo, vamo vandongisi vayongwele ngwavo Yesu namuleka ngeci aye nakulanda vije vashakele vya ku ciwano, nambe amo namuleka ngeci aane vyuma vimo kuli vaka-kuutwa.

Yowano 13:3

Yesu wazivukile ngeci Ishe namwana nzili yoshe, co wazivukile ngeci watunda kuli Njambi, co alinakuya kuli Njambi.

Yowano 13:34

Co njimyana lishiko lyaliha ngwange, lizemene umo na mukwavo. Ngwe yange munjinamizeme, ngecivene, munapande kulizema umo na mukwavo.

Yowano 14:28

Mwanjizivile munjendekele kuli yeni ngwange, ‘Njilinakumiseza, oloni njikaija kuli yeni.’ Nga mwanjizema, nga mwavwaelela omwo njilinakuya kuli Tate, omwo Tate wapwa wakama kutuvakana yange.

Yowano 14:31

oloni njilinakulinga ngwe mwanjishikile, ngecivene, vaka-kaye vazivuke ngeci yange njazema Tate. “Katukeni, tuyeni tutunde ku mutambela uno.

Yowano 16:28

Njatundile kuli Tate, co njezile ano a kaye, co ololo njilinakutunda ano a kaye njilinakuya kuli Tate.”

Yowano 17:1

Omo Yesu wamanesele kwendeka vyuma evi, wandwile mesho endi kwilu wendekele ngwendi, “Tate, simbu inete. Ana vumpau kuli Munove, ngeci Munove aane vumpau kuli yove.

Yowano 17:16

Ngwe omo yange kesi nji muka-kaye, vakevo kesi vaka-kaye.

Yowano 17:26

Njasholwele lizina lyove kuli vakevo, co anga njikalisholola, ngeci cizemo cije wanjizema naco cikale muli vakevo, co nange njikale muli vakevo.”

Yowano 17:5

Ove Tate! Njane vumpau ku mesho ove ololo, vumpau vuje njakele navwo amo nove simbu kanda utange kaye.

Yowano 18:4

OmoYesu wazivukile vyoshe vije vikalingiwa kuli ikeye, ngecivene, washwenyele kulutwe lwavo wavehwile ngwendi, “Iyajo mulinakushakezeka?”

Yowano 19:28

Omo Yesu wazivukile ngeci ololo vyuma vyoshe vinahu, co mukushulisa visoneka ngeci vipwe vya vushunga wendekele ngwendi, “Njili na lihwila.”

Yowano 2:13

Yapwile simbu ya Ciwano ca Pasovala, ngecivene, Yesu waile ku Yelusalema.

Yowano 6:4

Simbu ya Ciwano ca Pasovala yakele muyehi.

Yowano 7:30

Ngecivene, vashakele kumukwata, oloni naumo wai wakambekele livoko ali ikeye, omwo simbu yendi te kanda yete.

Yowano 7:6

Yesu wendekele kuli vakevo ngwendi, “Simbu yange kanda icete. Oloni kuli yeni simbu yoshe inapu yaivwa.

Yowano 8:20

Yesu wendekele vyoshe evi omo wakele nakulongesa mu Njuvo ya Shukulu Kalunga, mu mulili muje mwakele vikasa vyakulambwila milambu. Oloni naumo wai wamukwatele, omwo simbu yendi te kanda icete.

Loma 8:37

Embwe, mu vyuma vyoshe evi yetu tunahyana muli ikeye uje watuzemene!

1 Kolinte 1:8

Ikeye lalo akamikolesa mbe na ku shongo, ngeci kesi vakamiwane na mulonga a Litangwa lya Mwene yetu Yesu Kilistu.

VaHevelu 3:14

Omwo tunatambula kuli Kilistu nga tukakateya na ku shongo kusimpa kuje twakele nakwo akulivanga.

VaHevelu 3:6

Oloni Kilistu wapwile wa kulongwa ngwe Mwana ashika vya mu njuvo ya Njambi. Yetu tunapu njuvo yendi nga tukakateya nakusimpa nakutakamesa kwetu mu vije tuli navyo na cinyangavili.

VaHevelu 6:11

Sholovya yetu inapu yakama ngeci munu na munu akati keni acitwaleo na lukakateya noo na ashongo, ngeci vyuma vyoshe vimulinavyo na cinyangavili vikapwe vya vushunga.

1 Petulu 1:13

Ngecivene, livwaeseleni cimweja mu viyongola vyeni. Kengeleleni, co akeni cinyangavili ceni a vivezikiso vije vivakamyana omo Yesu Kilistu akasholoka.

1 Yowano 4:19

Tuzema omwo Njambi watuzemene akulivanga.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,