Yowano 12:50 - Livulu lya Shukulu Kalunga

⁵⁰ Co njazivuka ngeci lishiko lyendi linena mwonyo wa myaka yoshe. Ngecivene, evi vinjendeka, vikevyo vyanjilekele Tate ngeci njivyendeke.”

Yowano 12:50 Iomraidhean Croise

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Yowano 20:31

Oloni evi vanavisoneka ngeci mukulaele ngweni Yesu ikeye Wakuvwavesa, Muna Njambi, co akukulaela kuli ikeye mukale na mwonyo.

Yowano 5:19

Ngecivene, Yesu wavakumbulwile ngwendi, “Mwa vushunga njimileka ngwange, Mwana kasa kupanga cuma cimo endi lika, akalingi lika vije amona Ishe alinga. Omwo vije vyalinga Ishe, vikevyo lalo vyalinga Mwana.

Yowano 6:63

Munzinzme wa Wakujela wa Njambi ikeye akaana mwonyo, kesi nzili ya munu. Majwi awa njinendeka kuli yeni akewo a Munzinzime, co anena mwonyo.

Yowano 6:68

Simoni Petulu wamukumbulwile ngwendi, “Mwene, tuya kuli iyajo lalo? Yove uli na majwi aje aana mwonyo wa myaka yoshe.

Yowano 8:28

Ngecivene, Yesu wendekele kuli vakevo ngwendi, “Omo mukajundula Muna Munu, asinoni mukazivuka ngweni ‘Yange Ou Njapwa Munjapwa’, asinoni mukazivuka ngeci kunjasa kulinga cuma cimo na nzili yange vavenya, oloni njendeka lika vije vyanjilongesele Tate.

Kwituluka mu Mashiko 18:18

Njikavatumina muka-kwimanena wakufwa ngwe yove wakutunda akati kavo vene. Co njikamuleka evi akendeka, co ikeye akaleka vanu vyuma vyoshe vinjikamushika.

1 Timateo 1:16

Oloni Njambi wanjizivilileko mema ku mbunge ngeci Kilistu Yesu anjimwese kushula kwa lukakateya lwendi ali yange, muka-kulinga vuvi kutuvakana voshe vaka-vuvi, ngeci njipwe cimweso kuli voshe vaje vakamukulaela munima vakawane mwonyo wa myaka yoshe.

1 Yowano 2:25

Co eci cikeco watukulaesele Kilistu vavenya kutwanaco, cikeco mwonyo wa myaka yoshe.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.