Yowano 12:5 - Livulu lya Shukulu Kalunga

⁵ “Omwo vika kuvalandesele awa mazi na vimbongo vya siliva vyakupwa 300 nakuvipangezela kuli tuutu?”

Yowano 12:5 Iomraidhean Croise

Ezela 4:14

Ngecivene, ololo, omo tuli mwisi yove shukulu, kutushaka kumona evi vilingiwe, mukemwo tunayongola

Kutuuka 5:17

Co mwene wavakumbulwile ngwendi, “Yeni mu volwa kumushaka lika kupanga, ngeci mulinakunjilomba ngweni njimitave muye nakukombelela kuli Shukulu Kalunga.

Kutuuka 5:8

Oloni nameme ngoco kushakiwa vuje vene vungi vwa vindopi ngwe vuje vwalaja, kesi kutundisako ndopi imo embwe. Vali na vulwa kuvesi nakupanga vipangi vyakupwisamo ngeci valinakunjilomba simbu yoshe njivatave vaye nakukakombelela kuli Njambi yavo!

Amose 8:5

Co mulinakwendeka ngweni, “Matangwa akujela ahwe vwasi ngeci tulandese vimbuto vyetu. Litangwa Lyakuhwima lihwa simbu ikajo ngeci tulandese lalo vimbuto? Asinoni tukawezelele ku vindando vyetu, nakupangesa viseteko vya makuli, nakupangesa vipeseleso vyakunyanyamena vaka-kwija mukulanda kuli yetu.

Mateo 18:28

“Oloni ngamba uje vene omo watuukile, waliwanene na mukwavo uje wakele na likongo lyalindondo kuli ikeye. Wamukwatele, co washangumukile kumutikinya a mulivu nakumuleka ngwendi, ‘Fweta likongo lyove!’

Mateo 20:2

Ikeye walizivasanene navo kuvafweta fweto ya a litangwa mbongo ya siliva, co wavatumine ku lihya lyendi nakupanga.

Luka 12:33

Landeseni vyoshe mulinavyo, co aneni vimbongo kuli vaka-kuutwa. Litongeleni vinkombe vije kuvyesi kutuvika, co litulikileni vufuko mwilu, kuje kuvwasa kutepuluka, omwo mwizi kasa kukovelamo, nambe tunembulu kuvasa kuvuviisa.

Luka 18:22

Omo Yesu wazivile evi, wendekele kuli ikeye ngwendi, “Kunalitulu cuma cimo ciwunapande kulinga. Ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.”

Luka 6:41

“Omwo vikajo umona kacishoni kali a lisho lya mukweni, oloni kuuyongola mukambo uli mu lisho lyove?

Yowano 12:4

Oloni umo wa vandongisi va Yesu, Yundasa Isikalyote, uje akamwenda vungungu, wendekele ngwendi,

Yowano 12:6

Ikeye wendekele ngeci, kesi ngwe omwo wazemene tuutu embwe, oloni omwo wapwile mwizi. Ikeye wanyungile cipau ca vimbongo, co wakele nakwiva-iva vije vyakelemo.

Yowano 13:29

Omo Yundasa wapwile muka-kunyunga cipau ca vimbongo, vamo vandongisi vayongwele ngwavo Yesu namuleka ngeci aye nakulanda vije vashakele vya ku ciwano, nambe amo namuleka ngeci aane vyuma vimo kuli vaka-kuutwa.

Yowano 6:7

Filipu wamukumbulwile ngwendi, “Vimbongo vya siliva vyakupwa 200 kuvyasa kupwisamo kulanda makende ngeci munu na munu atambule nameme kalikende kakandondo.”