Yowano 12:48 - Livulu lya Shukulu Kalunga

⁴⁸ Woshe anjivyana, co katambula majwi ange, kwali umo uje akamusompa. Majwi aje njinendeka akewo akapwa lyaako lyendi a litangwa lyakukotoka!

Yowano 12:48 Iomraidhean Croise

Isaya 53:3

Twamuyengwile nakumuvyana, wayandele nakuziva kuvavala. Naumo wai wakengele kuli ikeye, twamuyeluwisile ngwe kesi na seo.

Mateo 10:15

Mwa vushunga njimileka ngwange, a Litangwa Lyakusompa Njambi akamwesa vaka-Sondoma na vaka-Ngomola mema ku mbunge kutuvakana nganda ije!

Mateo 21:42

Yesu wendekele kuli vakevo ngwendi, “Kumwalavele majwi awa mu visoneka ndi? ‘Limanya lije livavyanene vaka-kutunga ngwe kulyesi na seo, likelyo ololo linapu lya seo yakama kutuvakana mamanya oshe. Eci cikeco calingile Shukulu Kalunga, co cinapu cakukomokesa kuli yetu!’ ”

Mateo 25:31

“Omo Muna Munu akaija mu vumpau vwendi amo na tungelo twendi voshe, akatumbama a litanda lyendi lya vumwene.

Mako 12:10

Mwa vushunga kumwalavele majwi awa mu visoneka ndi? ‘Limanya lije livavyanene vaka-kutunga, likelyo ololo linapu lya seo kuli voshe.

Mako 16:16

Woshe uje akulaela nakumumbwitika akovoka, oloni woshe uje kakulaela vakamuhisa.

Mako 8:31

Asinoni Yesu washangumukile kulongesa vandongisi vendi ngwendi, “Muna Munu napande kuyanda manene, co vakulunu vakamuvyana, na vakulunu va vaka-kukombelela, na valongisi va majwi a Lishiko. Co vakamutwala ku kutsa, oloni omo kuneti matangwa atatu akasanguka.”

Luka 10:16

Yesu wendekele kuli vandongisi vendi ngwendi, “Woshe uje amitolilila, atolilila yange, woshe uje amivyana avyana yange, co woshe uje anjivyana, avyana uje wanjitumine.”

Luka 17:25

Oloni akulivanga napande kuyanda manene nakumuyengula kuli vanu va matangwa ano.

Luka 20:17

Yesu wavakengele nakuvehula ngwendi, “Visoneka vyanunguluka vati? ‘Limanya lije livavyanene vaka-kutunga ngwe kulyesi na seo, likelyo ololo linapu lya seo yakama kutuvakana mamanya oshe.’

Luka 7:30

Oloni vaFaliseo na valongisi va majwi a Lishiko vavyanene vutumbe vwa Njambi vwa ali vakevo, co vavyanene kuvambwitika kuli Yowano.

Luka 9:22

Co wendekele lalo kuli vakevo ngwendi, “Muna Munu napande kuyanda manene, co vakulunu vakamuvyana na vakulunu va vaka-kukombelela, na valongisi va majwi a Lishiko. Co vakamutwala ku kutsa, oloni munima ya matangwa atatu akasanguka.”

Luka 9:26

Nga munu anjizivila shwamwa na vilongesa vyange, co na Muna Munu lalo nendi akamuzivila shwamwa omo akaija mu vumpau vwendi na mu vumpau vwa Ishe na mu vumpau vwa tungelo vakujela.

Yowano 11:24

Mata wakumbulwile ngwendi, “Njazivuka ngwange akasanguka a litangwa lyakukotoka.”

Yowano 5:45

Kesi muyongole ngweni njikamivangeya kuli Tate embwe. Mosesa vene uje imunakulaela ikeye akamivangeya.

Yowano 6:39

Co cizango ca uje wanjitumine cinapu kunyunga voshe vaje vananjana ngeci voshe njikavasangwile ku mwonyo a litangwa lyakukotoka.

Yowano 8:47

Uje atunda kuli Njambi atolilila ku majwi a Njambi. Yeni kumwatundile kuli Njambi embwe, co mukemwo kumutolililako.”

Vilinga vya Miluwa 17:31

Omwo nemika litangwa lije akasompa kaye koshe mu vushunga ali munalume uje yanaangula. Co a cuma eci naana vukaleo kuli munu woshe akusangula munalume uje ku vatsi!”

Vilinga vya Miluwa 3:23

Co woshe kakononoka uje muka-kwimanena vakamwangununa kuli vanu va Njambi, co vakamunyongesa.’

Loma 2:16

Co ngwe ku Vin̄anda Vyavivwa vinjilinakwambulula, omu mukemwo mucikafwa a Litangwa lije omo Njambi akahisa viyongola vyakushweka vya vanu voshe ali Yesu Kilistu.

2 Kolinte 4:3

Oloni nga lijwi eli tulinakwambulula linapu lyakushweka, vanalishweka lika kuli vaje vanazimbala.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

VaHevelu 10:25

Kesi tulikele kulikungulula amolika, ngwe futisi ya vamo. Oloni tulikoleseni umo na mukwavo nakuhyana, omwo Litangwa lya Mwene lili muyehi.

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?

VaHevelu 2:3

Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.

VaHevelu 4:12

Lijwi lya Njambi lilinakuyoya nakupanga, lyavambuka kuhyana moko ya mukwale ya vuvela kuvali. Lishalava mwoshe muje mukaliwanena mwonyo na munzinzime, na muje mukaliwanena manunga na vusoso. Likelyo liilula viyongola na vizango vya vimbunge vya vanu.

1 Petulu 1:5

Vinapu vyeni, akukulaela vanaminyungilavyo mwamuvwa na nzili ya Njambi yakwovoka ije inalivwaesela kusholoka a simbu yakukotoka.

2 Petulu 3:3

Akulivanga, munapande kuzivisia cuma eci, ngweni a matangwa akukotoka kukasholoka vanu vaje vakayoya yoyesi yakwenda mu mashungu avo amavi. Vakamishendumuna,

2 Petulu 3:7

Oloni lilu na kaye evi viliko ololo vanavitulika a lishiko lya cifwa cimo lya Njambi, ngeci vakavinyongese na tuhya. Vikevyo vanavitulikila litangwa lije omo vanu vaka-vuvi vakavasompa nakuvanyongesa.

1 Samwele 10:19

Yange Njambi yeni, uje wamipatwile ku tuyando tweni twoshe nakukukaluwa kweni kwoshe, oloni ku litangwa lya lelo munanjivyana, co munanjilombo ngeci njimyane mwene. Mwamuvwa, ngecivene, likungululeni ku mesho a Shukulu Kalunga mu miyati yeni na mu vikota vyeni.’ ”

1 Samwele 8:7

co Shukulu Kalunga wendekele ngwendi, “Tolilila ku vyuma vyoshe vije vivendeka vanu kuli yove. Kesi yove ivanavyana embwe, oloni vanavyana yange kupwa mwene yavo.