Yowano 12:43 - Livulu lya Shukulu Kalunga

⁴³ Omwo vazemene kuvashangazala ku vanu, kutuvakana kushangazala kwakutunda kuli Njambi.

Yowano 12:43 Iomraidhean Croise

Myaso 22:29

Vaka-kulyalesa voshe vakalya nakumulemesa, na voshe vaje vashelumukila mu vukalo vwa vatsi vakamulemesa, co na woshe uje kasa kwamena mwonyo wendi ku kutsa akamulemesa.

Visimo 29:25

Kuzivila vanu lyova kunapu kulitela nganjo yove vavenya, oloni nga ukulaela kuli Shukulu Kalunga ukovoka.

Mateo 6:2

“Ngecivene, omo mwana cuma kuli muka-kujeneka, kesi mulimwese embwe, ngwe muvakalingi vaka-civembulu mu masinangonge na mu vingila, ngeci vanu vavashangazale. Mwa vushunga njimileka ngwange, vanatambula laja cikandelela cavo.

Luka 16:15

Yesu wendekele kuli vakevo ngwendi, “Yeni mukalimwesa kupwa muvaka-vushunga ku mesho a vanu, oloni Njambi azivuka vimbunge vyeni. Omwo vije vayongola vanu ngwavo vinapu vya seo, oloni ku mesho a Njambi vinapu vyangoco.

Luka 19:17

Co wendekele kuli ikeye ngwendi, ‘Unalingi mwamuvwa manene, u ngamba wamuvwa! Omwo walongwele mu vyuma vyavindondo, ngecivene, njikakupwisa muka-kutwamenena vinganda likumi.’

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Yowano 5:41

“Kunjishaka ngeci vanu vanjishangale embwe.

Yowano 5:44

Mwashaka ngeci vamishangazale, oloni kumushaka Njambi ngeci amishangazale, cooni mwasa kunjikulaela vatijo?

Yowano 7:18

Uje endeka na moko yendi vavenya ashaka kuwana kasingimiko kendi ikeye vavenya. Oloni uje ashaka kasingimiko ka uje wamutumine napu munu wa vushunga, co muli ikeye kumwesi makuli.

Yowano 8:54

Yesu wakumbulwile ngwendi, “Nga njilisingimika yange vavenya, kasingimiko kange kapwa kangoco. Uje anjisingimika ikeye Tate, uje imutumbula ngweni Njambi yeni.

Loma 2:29

Oloni kaYunda wa vushunga ikeye munu uje kaYunda wa mukati, uje mbunge yendi inatuuka, co eci cinapu cipangi ca Munzinzime wa Njambi, kesi ca Lishiko lyakusoneka embwe. Munu wa cifwa cangacije Njambi amushangazala, kesi vanu embwe.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

2 Kolinte 10:18

Omwo munu vanamwakako omo Mwene namuyongwela vyavivwa ali ikeye, kesi ngwe omwo vavenya naliyongwela ikeye vavenya ngeci napu wamuvwa embwe.

1 Tesalonika 2:6

Kutwashakele ngeci vatushangazale kuli munu umo embwe, nambe kuli yeni nambe kuli veka,

1 Petulu 3:4

Oloni vuvwa vweni vunapande kupwa vwa vushunga vwa mukati, vuvwa vuje kuvwesi kuvola vwa lyovwa-ovwa na kwoloka kwa munzinzime, eci cikeco ca seo yakama manene ku mesho a Njambi.

1 Samwele 15:30

Saulu wamukumbulwile ngwendi, “Njinalingi vuvi. Oloni njisingimikeko lika ku mesho a vantwama vange na kuli Isalele yoshe. Iluka amo nange ngeci njikalemese Shukulu Kalunga Njambi yove.”

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.