Yowano 12:41 - Livulu lya Shukulu Kalunga

⁴¹ Isaya wendekele vyuma evi omwo wamwene vumpau vwa Yesu nakumwambulula.

Yowano 12:41 Iomraidhean Croise

Luka 24:27

Co Yesu washangumukile kuvanungulwila mu Visoneka vyoshe vyuma vije vendekele vyakutumbula ikeye, kushangumuka na mavulu a Mosesa nakutwala ku visoneka vya vaka-kwimanena voshe.

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 14:9

Yesu wakumbulwile ngwendi, “Njinakala neni muvavoshe simbu yakama, oloni kuwanjizivukile, Filipu? Woshe uje nanjimono namono Tate. Omwo vikajo wendeka ngwove, ‘Tumwese Isho’?

Yowano 5:39

Mulinakulilongesa Visoneka, omwo muyongola ngweni mu vikevyo muwanamo mwonyo wa myaka yoshe. Co visoneka evi vyambulula vukaleo vwange!

Vilinga vya Miluwa 10:43

Kuli ikeye vaka-kwimanena voshe vendekele vyendi ngwavo munu woshe akulaela kuli ikeye vakamusambesa ku vivi vyendi a lizina lyendi lya nzili.”

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.

1 Petulu 1:11

Vesekele manene kuzivuka simbu mukajo vikalingiwa na vatijo vikaija. Eyi ikeyo simbu ije yemikile Munzinzime wa Kilistu uje wakele muli vakevo, mukwambulula vya n̄avava ije Kilistu akayanda na vumpau vuje vukakavako.

Kujombolola 19:10

Co njawililile ku myanja yendi ngeci njimulemese, oloni wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni lalo voshe vaje vakakateya ku vushunga vuje vwasholwele Yesu. Lemesa Njambi!” Omwo vushunga vuje vwasholwele Yesu vukapangesa vaka-kwimanena.