Yowano 12:40 - Livulu lya Shukulu Kalunga

⁴⁰ “Njambi nazivalesa mesho avo, co nakaluwisa vimbunge vyavo, ngeci mesho avo kesi amone, Co kesi vazivisise, kutewa vatengulukila kuli yange, co yange njikavakangwisa.”

Yowano 12:40 Iomraidhean Croise

1 Vimyene 22:20

Shukulu Kalunga wehwile ngwendi, ‘Iyajo akakwisa Ahave ngeci akaye ku Lamote vakamutsiileko?’ Tungelo vamo vendekele mweka, co vakwavo lalo vendekele mweka,

Myaso 147:3

Akangwisa vaka-kuzeya mu vimbunge, nakusaka vimbandu vyavo.

Myaso 41:4

Njendekele ngwange, “Njizivileko mema ku mbunge yove Shukulu Kalunga, njikangwise omo njinavulumuna kuli yove!”

Myaso 6:2

Yove Shukulu Kalunga, njizivileko mema ku mbunge, co kangwisa muvila wange wakuzeya, vitsiya vyange vilinakujaja na lyova.

Kutuuka 10:1

Asinoni Shukulu Kalunga wendekele kuli Mosesa ngwendi, “Ya ukaliwane na mwene, omwo njinakaluwisa mbunge yendi na vimbunge vya vamyata vendi, ngeci njilinge vikomokeso evi mukati kavo,

Kutuuka 11:10

Mosesa na Alone valingile vikomokeso vyoshe evi ku mesho a mwene, oloni Shukulu Kalunga wakaluwisile manene mbunge ya mwene, co katavele kweca vaIsalele vatunde mu lifuti lyendi.

Kutuuka 14:17

Njikakaluwisa vimbunge vya vaka-Ingito ngeci vakavakave munima, co njikawana kasingimiko akuhyana kwange ali mwene, na mashwalale vendi, na makalu endi, na vaka-kuwendesa vendi.

Kutuuka 14:4

Ngecivene, njikakaluwisa mbunge ya mwene, akamikava oloni njikamuhyana na nzita yendi, co eci cikanjinenela kasingimiko. Asinoni vaka-Ingito vakanjizivuka ngwavo kuma yange njapwa Kalunga.” Co vaIsalele valingile ngwe muvavalekele.

Kutuuka 14:8

Co Shukulu Kalunga wakaluwisile mbunge ya mwene, co ikeye wakavele vaIsalele, vaje vatuukile nakulisamba.

Kutuuka 4:21

Shukulu Kalunga wendekele lalo kuli Mosesa ngwendi, “Omo ukeluka ku Ingito, anuka kulinga vikomokeso vyoshe evi njinakwanavyo kuvilinga ku mesho a mwene. Oloni njikakaluwisa mbunge ya mwene, co ikeye kakatava vanu ngeci vaye.

Kutuuka 7:13

Nameme ngoco, mwene wakaluwisile mbunge yendi, ngwe vene muje mwendekele Shukulu Kalunga, mwene katavele kutolilila kuli Mosesa na Alone.

Kutuuka 7:3

Oloni yange njikakaluwisa mbunge ya mwene, co kakatava kukutolilila, nameme njikatumisa vizivukiso na vikomokeso vyakufwa vati mu Ingito.

Kutuuka 9:12

Oloni Shukulu Kalunga wakaluwisile mbunge ya mwene, ngwe vene muje mwendekele Shukulu Kalunga, mwene katolililile kuli Mosesa na Alone.

Isaya 26:11

Vitozi vove kuvazivuka ngeci ukavahisa. Shukulu Kalunga, vazivise shwamwa, mwesa cizemo cove kuli yetu, co vombile mu tuhya tuje tuwavwaeselele vitozi vove.

Isaya 29:10

Shukulu Kalunga namilalesa manene mu tulo. Vaka-kwimanena vakevo mesho a vanu, oloni Njambi nazivalesa mesho avo.

Isaya 53:5

Oloni vamutwile vimbandu omwo vuvi vwetu, vamupupile omwo kuvulumuna kwetu. Yetu tunakanguka omwo ikeye wambatele cihiso cetu, yetu vanatupwisa tuvamutunu, omwo ya vimbandu vije vamutwile.

Isaya 6:10

Asinoni wendekele kuli yange ngwendi, “Tengulula mana ava vanu ngeci apwe akuzeya, vapwe tusinda-matwi, vapwe tupuputwa, ngeci kesi vase kumona nambe kuziva nambe kuzivisisa. Nga vapwa vavavwa, co vakatengulukila kuli yange mukuvakangwisa.”

Isaya 6:9

Ngecivene, wanjilekele kuya nakuleka vanu lijwi eli, “Kuziva mukaziva, oloni kumukazivisisa. Yeni kumona mukamona, oloni kumukamonesesa.”

Njelemiya 3:22

Ilukeni, yeni voshe munatundu kuli Shukulu Kalunga, co ikeye akamikangwisa nakumipwisa vanu vaka-kulongwa. Mulinakwendeka ngweni, “Eyo, twiluka kuli Shukulu Kalunga, omwo wapwa Njambi yetu.

Njelemiya 5:21

‘Tolilileni yeni vanu vakujeneka mana, muli na mesho, oloni kumona kwai, co muli na matwi, oloni kuziva kwai.

Ezekiyele 12:2

“Muna munu, yove uli akati ka vanu vaka-kutengulukila. Vali na mesho, oloni nacimo cai vamona, vali na matwi, oloni nacimo cai vaziva, omwo vapwa vanu vaka-kutengulukila.

Ezekiyele 14:9

“Nga muka-kwimanena akumbulula vya makuli, yange Kalunga njinamulingisa ngeci akumbulule vya makuli. Co njikamutundisa ku vanu va Isalele.

Hoziya 14:4

Shukulu Kalunga alinakwendeka ngwendi, “Njikelwisa lalo vanu vange kuli yange vavenya. Njikavazema na mbunge yange yoshe, vukalu vwange ali vakevo vunahu.

Hoziya 6:1

Vanu vendeka ngwavo, “Ijeni twiluke kuli Shukulu Kalunga. Nameme natusanyozola vipuka-vipuka, oloni akatukangwisa lalo, nameme natutu vimbandu, oloni akatuzengao vinanga.

Mateo 15:14

Veceleni, kesi mulinyenge ali vakevo! Vakevo vanapu vantwama va tupuputwa vatwamenena tupuputwa vakwavo. Co nga kapuputwa atwamenena kapuputwa mukwavo, voshe vavali vakawila mu mbulu.”

Mako 4:12

ngecivene, ‘Kumona vamona, oloni kuvakamonesesa, co kuziva vaziva, oloni kuvazivisisa. Omwo nga valingamo, vakatengulukila kuli Njambi, co akavasambesa!’ ”

Mako 6:52

omwo kuvazivisisile mukwanungulukilile kulisa vanu vakupwa 5,000 mana avo kuwazivukile vije vyalingiwile.

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,

Luka 8:10

co Yesu wavakumbulwile ngwendi, “Yeni vanamyana kuzivuka vyuma vya Vumwene vwa Njambi, oloni kuli veka, kuvanga na visimo, ngeci vamone, oloni kuvamonesesa mwamuvwa, co vazive, oloni kuvazivisisa mwamuvwa.

Yowano 12:39

Ngecivene, kuvasele kukulaela, omwo Isaya wendekele lalo ngwendi,

Yowano 9:39

Yesu wendekele ngwendi, “Omwo njinaija ano a kaye mukusompa, ngecivene, tupuputwa vase kumona, co vaje valinakumona vapwe tupuputwa.”

Vilinga vya Miluwa 15:3

Ngecivene, cikungulukilo cavatumine, co omo vetile mu Fonisiya na mu Samaliya, co vambulwile vati vaje kesi vaYunda vatengulukilile kuli Njambi, co muzimbu ou wanenele kuvwaelela kwakama kuli vaka-kukulaela voshe.

Vilinga vya Miluwa 28:26

Omwo wendekele ngwendi, ‘Ya ukendeke kuli vanu ava ngwove, kutolilila mukatolilila, oloni kumukazivisisa, kumona mukamona, oloni kumukamonesesa.

Vilinga vya Miluwa 3:19

Tengulukeni, asinoni ilukeni kuli Njambi, ngeci amisambese ku vivi vyeni. Nga mulingamo,

Loma 9:18

Ngecivene, Njambi wakala na mema ku mbunge kuli woshe uje yashaka, co akaluwisa mbunge ya woshe uje yashaka.

Kwituluka mu Mashiko 29:4

Oloni kweta ku litangwa lya lelo, Shukulu Kalunga kamyanene mbunge yakuzivuka, nambe mesho akumona, nambe matwi akuziva.

Yoshwa 11:20

omwo Shukulu Kalunga wakaluwisile vimbunge vyavo vyakulwisa vaIsalele, ngeci vavanyongese nakuvahisa na cihiso cakama nakujeneka kuvazivilako mema ku mbunge, ngwe muje mwashikile Shukulu Kalunga kuli Mosesa.