Yowano 12:36 - Livulu lya Shukulu Kalunga

³⁶ Omo muli na ceke kulaeleni mu ceke, ngeci mupwe vanu va ceke.” Omo Yesu wamanesele kwendeka evi, waile wavandele kwendi lika.

Yowano 12:36 Iomraidhean Croise

Isaya 60:1

Induka, Yelusalema, vyazima ngwe litangwa, omwo ceke cove cinaija, na vumpau vwa Shukulu Kalunga vulinakuvyazima ali yove!

Mateo 21:17

Co Yesu wavasezele, watundile mu nganda waile ku Mbeteniya, co wakalalele kuje.

Mateo 5:14

“Yeni munapu ngwe ceke ca vaka-kaye. Nganda yakutungila a munkinda kuyasa kuvanda embwe.

Luka 16:8

Co shukulu yendi washangalele uje katumwa wakujeneka kulongwa, omwo walingile cuma ca mana, omwo vanu va ano a kaye vali na mana ku vyuma vyavo kutuvakana vanu vaje vali mu ceke.”

Yowano 1:7

ikeye wezile nakuleka vanu a vyuma vya ceke, ngeci voshe vazive lijwi nakukulaela.

Yowano 11:54

Ngecivene, Yesu kendele citona-mesho mu Yunda, oloni watundileko waile ku mutambela weka kuyehi na mambo, ku nganda vatumbwile ngwavo Efalime. Co wakele kuje amo na vandongisi vendi.

Yowano 12:37

Nameme walingile vizivukiso vyavingi ku mesho avo, oloni kuvakulaelele kuli ikeye,

Yowano 12:46

Yange njinaija ano a kaye kupwa ceke, ngeci woshe akulaela kuli yange kesi akale mu lisusulungu.

Yowano 3:21

Oloni woshe uje muka-kulinga vushunga aija ku ceke ngeci ceke cisholole vipangi vyendi vyanalingi mukwononoka kuli Njambi.

Yowano 8:12

Yesu wendekele lalo kuli vaFaliseo ngwendi, “Yange ceke ca vaka-kaye. Woshe anjikava akakala na ceke ca mwonyo, co kakende lalo mu lisusulungu.”

Yowano 8:59

Ngecivene, vanonele mamanya ngeci vamwashe, oloni Yesu walavukile, co watundile mu Njuvo ya Shukulu Kalunga.

Efeso 5:8

Laja mwakele mu lisusulungu, oloni omo munapu mu vanu va Mwene, ololo muli mu ceke. Ngecivene, munapande kuyoya ngwe vanu vali mu ceke,

1 Tesalonika 5:5

Yeni voshe mwapwa vanu vaje vanakundama ku ceke, vaje vanakundama ku mutanya. Yetu kutwakundamene ku vutsiki nambe ku lisusulungu embwe.

1 Tesalonika 5:8

Oloni yetu twakundama ku mutanya, co tunapande kulikongomeka. Tunapande kuzala kukulaela na cizemo ngwe ntelo ya a nulo, nakuzala cinyangavili cakwovoka kwetu ngwe tepa.