Yowano 12:34 - Livulu lya Shukulu Kalunga

³⁴ Ije mbunga vakumbulwile ngwavo, “Lishiko lyetu lituleka ngeci Wakuvwavesa akayoya myaka yoshe. Vatijo yove wendeka ngwove Muna Munu vanapande kumujundula? Iyajo ou Muna Munu?”

Yowano 12:34 Iomraidhean Croise

2 Samwele 7:13

Ikeye akanjitungila njuvo, co njikakolesa litanda lya vumwene vwendi.

Myaso 110:4

Shukulu Kalunga wakulaesele, co kakatengulula viyongola vyendi lalo, “Yove ukapwa muka-kukombelela ku myaka yoshe, ngwe vuka-kukombelela vwa Melekizendeki.”

Myaso 72:7

Mwene alinge vushunga na vanu voshe, kukale kwoloka simbu yoshe noo ngonde inatsi.

Isaya 53:8

Vamukutile nakumusompesa, co vamutwalele nakumutsiya, naumo wai walinyengele a tuyando twendi. Vamutsiile omwo vuvi vwa vanu vetu.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Ndanyele 7:27

Nzili na vukama vwa vumwene vwoshe vwa ano asi vakavwana kuli vanu va Njambi wa Akamwa ya Akamwa. Co nzili ya vumwene vwavo kuyikahu, vaka-kushwana voshe va ano asi vakamwononoka nakumupangela.”

Mika 4:7

Njikatengulula vaje vilema kupwa vanu vakukulaela. Oloni njikashangumuka mwamuha na vaje vanasalao, co vakapwa muyati wakama. Co njikavashika a Munkinda wa Siyone tunde aje na ku myaka yoshe.”

Mateo 16:13

Omo Yesu waile ku lifuti lya kuyehi na nganda ya Sesaliya Filipu wehwile vandongisi vendi ngwendi, “Vanu valinakutumbula Muna Munu ngwavo ikeye iya?”

Mateo 21:10

Omo Yesu wakovelele mu Yelusalema, co voshe vakele mu nganda valijujukilile ngwavo, “Iyajo ou?”

Mateo 8:20

Yesu wamukumbulwile ngwendi, “Vimbanje vali na mena, co lalo tuzila vali na mashwa, oloni Muna Munu kesi naa akusatela mutwe wendi.”

Yowano 10:34

Yesu wakumbulwile ngwendi, “Mu Lishiko lyeni vanasoneka ngwavo Njambi wendekele ngwendi, ‘Munapu mu vinjambi.’

Yowano 12:32

Co omo vakanjijundula kunjitundisa ano asi, njikakokela vanu voshe kuli yange.”

Yowano 15:25

Oloni evi vyapandele kulingiwa ngeci vije vivasonekele mu Lishiko vipwe vyavushunga ngwavo, ‘Vanjizindile ngoco, nakashwilo kai.’

Yowano 8:28

Ngecivene, Yesu wendekele kuli vakevo ngwendi, “Omo mukajundula Muna Munu, asinoni mukazivuka ngweni ‘Yange Ou Njapwa Munjapwa’, asinoni mukazivuka ngeci kunjasa kulinga cuma cimo na nzili yange vavenya, oloni njendeka lika vije vyanjilongesele Tate.

Loma 3:19

Ololo tunazivuka ngeci vyuma vyoshe mu Lishiko vyakundama kuli vaje vali ku Lishiko, mukuvindika kulisambesa kwoshe kwa vanu nakunena kaye koshe kukusompa kwa Njambi.

Loma 5:18

Ngecivene, ngwe a vuvi vumo vanu voshe vanavahisa, mu ngila eyi vene cipangi cimolika ca vushunga cinapatula vanu voshe nakuvana mwonyo.

VaHevelu 7:24

Oloni Yesu wakala myaka yoshe, co vipangi vyendi vyakupwa muka-kukombelela kuvikasa kuya kuli munu weka lalo embwe.