Yowano 12:26 - Livulu lya Shukulu Kalunga

²⁶ Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Yowano 12:26 Iomraidhean Croise

Myaso 17:15

Oloni yange njikamona cihanga cove mu vushunga, co omo njikakasumuka mu tulo, njikajolela akumona cifwa cove.

Myaso 91:15

Omo vatambeka kuli yange, co njivakumbulula omo vali mu tuyando, co njikakala amo navo. Njikavamena nakuvasingimika.

Visimo 27:18

Uje avwaesa muti wa mukuyu, akalya vushuka vwawo, na munu lalo uje ononoka Shukulu Kalunga kendi, vakamusingimika.

Kulava 14:24

kuvanga ngamba yange Kalembi omwo ikeye ali na viyongola vyeka, co ikeye wapwa wa kulongwa. Njikamutwala mu lifuti lije lyakanengele, co vatekulwila vendi vakashwana lifuti lije mu vyana vyalyo mwakala vaAmaleke na vaKanana.

Kulava 32:11

‘Mwa vushunga, omwo vanu ava kuvanjononokele na vimbunge vyavo vyoshe, naumo wai wa ali vakevo, uje ali na myaka makumi avali nambe kutuvakana, vaje vatundile mu Ingito, akakovele mu lifuti lije linjakulaesele Avilahama, na Isake, na Yakomba.

Mateo 16:24

Asinoni Yesu wendekele kuli vandongisi vendi ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Mateo 25:21

Shukulu yendi wamukumbulwile ngwendi, ‘Unalingi mwamuvwa manene, u ngamba wamuvwa wa kulongwa! Walongwele ku vyuma vyavindondo, ngecivene, njikakupwisa muka-kunyunga vimbongo vyavingi. Kovela mukuvwaelela kwa shukulu yove!’

Mako 8:34

Asinoni Yesu wasanene ije mbunga na vandongisi vendi vaije kuli ikeye, co wendekele ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Luka 12:37

Vanavezika vangamba vaje omo shukulu yavo aija avawana kuvesi mu tulo valinakumukengelela! Mwa vushunga njimileka ngwange, ikeye akalizitika mwiva mu mbunda, akavaleka ngeci vatumbame, co akavana vyakulya.

Luka 6:46

“Omwo vika munjitumbula ngweni, ‘Mwene, Mwene,’ oloni kumulingi vinjimileka?

Luka 9:23

Co wendekele kuli vakevo lalo ngwendi, “Nga munu ashaka kunjikava, napande kulivyana ikeye vavenya, ambate cilindakano cendi a litangwa na litangwa, co anjikavangeye.

Yowano 10:27

Vimanga vange vaziva lijwi lyange, co nange njivazivuka, co vanjikava.

Yowano 13:16

Mwa vushunga njimileka ngwange, ndungo naumo wai natuvakana shukulu yendi, nameme muluwa naumo wai natuvakana uje wamutumine.

Yowano 14:15

“Nga munjizema, mukononoka mashiko ange.

Yowano 14:3

Co omo njinayi nakumivwaesela kwakukala, njikeluka lalo nakumizila ngecivene, mukakale kuje kunjikakala yange.

Yowano 15:20

Anukeni muje njamilekele ngwange, ‘Ngamba naumo wai natuvakana shukulu yendi.’ Nga yange vanjiyandesa, neni lalo vakamiyandesa, nga vononoka vilongesa vyange, co vakononoka vilongesa vyeni lalo.

Yowano 17:24

“Ove Tate! Unavana kuli yange, co njishaka vakale nange kuje kunjili, ngeci vakamone vumpau vwange, vumpau vuje vuwanjanene, omwo wanjizemene simbu kanda vatange kaye.

Yowano 21:22

Yesu wamukumbulwile ngwendi, “Nga njishaka ngwange ayoye noo njikaija, eci cinapu vatijo kuli yove? Yove njikave lika!”

Loma 1:1

Yange Paulu, ngamba ya Kilistu Yesu na muluwa uje yaangwile nakumusana kuli Njambi mukwambulula Vin̄anda vyendi Vyavivwa.

Loma 14:18

Co woshe uje apangela Kilistu mu ngila eyi vene, avwaelelesa Njambi, co na vanu vamutava lalo.

2 Kolinte 4:5

Omwo kesi ngwe yetu tulyambulula yetu vavenya embwe, oloni tulinakwambulula Yesu Kilistu ikeye Mwene, co netu tunapu tu vangamba veni a lizina lya Yesu.

2 Kolinte 5:8

Tunasimpi manene ngeci tucili nakushaka manene kutunda mu njuvo ya muvila uno, ngeci tukatumbame na Mwene.

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.

Filipu 1:23

Vananjikokela mu mitambela yoshe eyi ivali. Njishaka manene kuseza mwonyo ou njikakale amo na Kilistu, eci cikeco cinahyana manene,

Kolose 3:24

Anukeni ngweni Mwene akamyana vushwana kupwa cikandelela ca vije vyanatulikila vanu vendi. Omwo Kilistu ikeye vene Shukulu wa vushunga uje imulinakupangela.

Kolose 4:12

Viindu vyeni kuli Epafalase, mukweni umo wakundama ku munga yeni uje napu ngamba ya Kilistu Yesu. Ikeye simbu yoshe akamyanuka mu malombelo endi, nakulomba Njambi ngeci amikolese nakwimana mbe, ngwe vaka-Yesu vanakolo mu vu Yesu, na na mukwononoka kwoshe ku cizango ca Njambi.

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

1 Yowano 5:3

Omwo cizemo cetu kuli Njambi cilumbunuka ngeci twononoke mashiko endi. Co mashiko endi kesi amakalu kuli yetu embwe,

Yunda 1:1

Mukanda wakutunda kuli Yunda, ngamba ya Yesu Kilistu, ikeye lalo ndolome ya Yakomba. Kuli vaje vavanasana kuli Njambi, vaje vayoya mu cizemo ca Njambi Tate namukunyunga kwa Yesu Kilistu.

Kujombolola 14:4

Vanapu vanalume vaje vanalinyungu vakevo vavenya kujeneka kulijwalesa na vanakazi, vapwile vaje kanda valimone na vanakazi. Vakakavangeya Muna Manga kwoshe kuje aya. Vanavakulu kutunda akati ka miyati ya vanu voshe, co vanapu vakulivanga kuvana kuli Njambi na kuli Muna Manga.

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.