Yowano 12:17 - Livulu lya Shukulu Kalunga

¹⁷ Vanu vaje vakele na Yesu omo wasanene Lazalu kutunda mu mbumbo nakumusangula ku vatsi vambulwile vukaleo.

Yowano 12:17 Iomraidhean Croise

Yowano 1:19

Co vaka-kushwana va vaYunda mu Yelusalema vatumine vamo vaka-kukombelela na vaLevi kuli Yowano ngeci vakamwihule ngwavo, “Yove iyajo?”

Yowano 1:32

Co Yowano wambulwile vukaleo ovu ngwendi, “Njamwene Munzinzime Wakujela washulukile mwilu ngwe katela, co wakele ali ikeye.

Yowano 1:34

Co Yowano wendekele ngwendi, ‘Yange njamumwene, co njimileka ngwange ou ikeye Muna Njambi.’ ”

Yowano 11:31

Omo vanu vaje vakele amo na Maliya mu njuvo nakumuzembeleka vamukavele omo vamumwene akatuka vwasi nakutuuka anja. Vayongwele ngwavo amo alinakuya ku mbumbo nakulililako.

Yowano 11:42

Njinazivuka ngwange simbu yoshe ukanjizivi, oloni njendeka eci omwo mbunga eyi inemana kuno, vakulaele ngeci yove wanjitumine.”

Yowano 12:9

Omo vanu vavangi vazivile ngeci Yesu ali mu Mbetaniya, ngecivene, vaileko, kesi ngwe omwo ali Yesu lika embwe oloni vakamone Lazalu lalo, uje yasangwile Yesu ku vatsi.

Yowano 19:35

Uje wamwene evi muvyalingiwile wavyambulwile, ngecivene, neni lalo mukulaele. Vije vyendekele vinapu vya vushunga, co nazivuka ngeci endeka vushunga.)

Yowano 21:24

Ikeye vene ndongisi uje wambulwile vyuma evi, uje lalo wasonekele evi, co tunazivuka ngwetu vije vyendekele vinapu vya vushunga.

Vilinga vya Miluwa 1:22

kushangumuka ku simbu ije Yowano wambulwile muzimbu wendi wakumbwitika nakweta ku litangwa lije vatundisile Mwene Yesu kuli yetu nakuya mwilu.”

Vilinga vya Miluwa 5:32

Tuvakaleo va vyuma evi, yetu amo na Munzinzime Wakujela, ikeye wapwa vwana vwa Njambi kuli vaje vamwononoka.”

Kujombolola 1:2

co Yowano nambulula vyoshe vije vyamwene. Ovu vukevwo vukaleo vwendi kupwisa ku muzimbu watundile kuli Njambi na vushunga vuje vwajombolwele ali Yesu Kilistu.