Yowano 11:55 - Livulu lya Shukulu Kalunga

⁵⁵ Simbu ya Ciwano ca Pasovala yakele muyehi, co vanu vavangi vatundile ku mitambela yavo valamatele kuya ku Yelusalema mukulijelesa omo simbu ya ciwano kanda yete.

Yowano 11:55 Iomraidhean Croise

Kushangumuka 35:2

Ngecivene, Yakomba wendekele ku naanga yendi na kuli voshe vaje wakele navo amo ngwendi, “Tundiseni vinjambi veka vaje vali akati keni. Lijeleseni nakuzala vuzalo vwakujela.

Yombi 1:5

Ku mutondo omo ciwano cinahu, Yombi wakele nakwinduka mutondo-tondo nakukombelela vin̄ombelo vya kwenyeka kupwisa ku umo na umo wa vana vendi mukuvajelesa. Ikeye wakele nakulinga eci simbu yoshe omwo wayongwele ngeci amo umo wa vana vendi nalingi vuvi nakushaula Njambi kwakujeneka kucizivuka.

Myaso 26:6

Shukulu Kalunga, njijwela ku mavoko ange kumwesa ngeci kunjesi na mulonga, co njiya nakulemesa ku mutula wove.

Kutuuka 19:10

co Shukulu Kalunga wendekele kuli ikeye ngwendi, “Ya kuli vanu ukavaleke ngeci valivwaese lelo na imene. Vanapande kulijelesa nakulemesa. Co vanapande kukusha vuzalo vwavo

Kulava 9:10

“Leka vanu va Isalele ngwove, oloni nga umo weni nambe mutekulwila weni kajelele akukwata a civimbi, nambe ali mu vungenzi vwa kulyala, anga napande kunyunga Ciwano ca Pasovala.

Kulava 9:6

Oloni kwakele vanu vamo kuvajelele ngwe ku mashiko a Mosesa omwo vakwatele a civimbi, co kuvasele kunyunga litangwa lya Ciwano ca Pasovala. Vezile kuli Mosesa na Alone a litangwa lije vene

Mateo 26:1

Omo Yesu wamanesele kulongesa vyuma vyoshe evi, wendekele kuli vandongisi vendi ngwendi,

Mateo 26:2

“Mwazivuka ngeci omo kwita matangwa avali lika, kukakala Ciwano ca Pasovala, co Muna Munu vakamwana ngeci vamushukike a cilindakano.”

Mako 14:1

Kwasalele matangwa avali ngeci kukale Ciwano ca Pasovala na Ciwano ca Makende Akujeneka Musima. Co vakulunu va vaka-kukombelela na valongisi va majwi a Lishiko vakele nakusetela ngila yakukwata Yesu mu vushweke, co vamutsiye,

Luka 22:1

Ciwano cakulya Makende Akujeneka Musima cakele muyehi, cije vatumbula ngwavo Ciwano ca Pasovala.

Yowano 12:1

Kwalitulile matangwa atanu na limo simbu kanda Ciwano ca Pasovala cete, Yesu waile ku Mbetaniya, kwimbo lya Lazalu, me uje yasangwile Yesu ku vatsi.

Yowano 13:1

Simbu litangwa lya Ciwano ca Pasovala kanda lyete, Yesu wazivukile ngeci simbu yendi inete yakutunda muno mu kaye nakuya kuli Ishe. Ikeye wazemene vaje vakele muno mu kaye vaje vapwile vendi, co wavazemene na akukotoka.

Yowano 18:28

Mutondo-tondo vatundisile Yesu ku njuvo ya Kayafase vamutwalele ku lipela lya nguvulu. Vamyata va vaYunda kuvakovelele mukati ka lipela, omwo kuvashakele kulijwalesa, ngeci vakase kulya Ciwano ca Pasovala.

Yowano 2:13

Yapwile simbu ya Ciwano ca Pasovala, ngecivene, Yesu waile ku Yelusalema.

Yowano 2:6

VaYunda vakele na mashiko a vilongesa vyavo vya a kujwela, co a cuma eci kuje kwakele vinjava vya mamanya vyakutekwila mema vitanu na imo, vyoshe vyapwile vyakama imo na imo yasele kukala na mema akweta ku malita 100.

Yowano 5:1

Munima yevi, Yesu waile ku Yelusalema ku ciwano cikwavo ca vaYunda.

Yowano 6:4

Simbu ya Ciwano ca Pasovala yakele muyehi.

Vilinga vya Miluwa 21:24

Ya amo navo ukalikumbasane navo mu cilika cakulijelesa, co fweta ndando yavo, ngecivene, vakateule ku mitwe yavo. Mu ngila eyi vene munu woshe akazivuka ngeci vyoshe vije vanakala nakwendeka ali yove kesi vya vushunga, oloni yove kuma ulinakuyoya mukwononoka Lishiko lya Mosesa.

Vilinga vya Miluwa 21:26

Asinoni alikaki Paulu waile na vaje vanalume, co walijelesele navo amo. Asinoni wakovelele mu Njuvo ya Shukulu Kalunga nakwana canukiso cakuhwa kwa matangwa akulijelesa, omo vakakombelela n̄ombelo ali umo na umo wavo.

Vilinga vya Miluwa 24:18

Omo yapwile simbu ije njakele nakulinga eci vanjiwanene mu Njuvo ya Shukulu Kalunga omo njinamanesa kulijelesa. Kunjakele na mbunga ya vanu yai, nambe kulinga muyoyo.

1 Kolinte 11:28

Ngecivene, munu na munu aliilule ikeye vavenya akulivanga, asinoni alye likende nakunwa ku nganja.

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!

1 Samwele 16:5

Ikeye wavakumbulwile ngwendi, “Eyo, njinaija mu kwoloka, njinaija nakukombelela kuli Shukulu Kalunga. Lijeleseni ngeci tuye amo nange nakukombelela.” Walekele lalo Njesi na vana vendi ngeci valijelese, co wavalanyele kukukombelela.