Yowano 11:45 - Livulu lya Shukulu Kalunga

⁴⁵ Vanu vavangi vaje vezile kuli Maliya vamwene vije vyalingile Yesu, co vakulaelele kuli ikeye.

Yowano 11:45 Iomraidhean Croise

Kutuuka 14:31

Omo vaIsalele vamwene nzili yakama ya Shukulu Kalunga yahyanene nayo vaka-Ingito, vakomokele Shukulu Kalunga nakukulaela kuli ikeye nakukulaela lalo muli ngamba yendi Mosesa.

Yowano 10:41

Co vanu vavangi vezile kuli ikeye, co vendekele ngwavo, “Yowano kalingile vizivukiso, oloni vyuma vyoshe vyendekele ali munu ou vinapu vya vushunga.”

Yowano 11:19

co vaYunda vavangi vezile nakumona Mata na Maliya nakuvazembeleka a kutsa kwa ndolome yavo.

Yowano 11:31

Omo vanu vaje vakele amo na Maliya mu njuvo nakumuzembeleka vamukavele omo vamumwene akatuka vwasi nakutuuka anja. Vayongwele ngwavo amo alinakuya ku mbumbo nakulililako.

Yowano 12:42

Nameme ngoco, vaka-kushwana vavangi va vaYunda vakulaelele kuli Yesu, oloni omwo lyova lya vaFaliseo, kuvasele kuvyendeka citona-mesho, ngecivene, kutewa vavasheka mu sinangonge.

Yowano 2:23

Omo Yesu wakele mu Yelusalema a simbu ya Ciwano ca Pasovala, vavangi vakulaelele kuli ikeye akumona vizivukiso vije vyalingile.

Yowano 7:31

Oloni vanu vavangi vamuje mu mbunga vamukulaelele, vendekele ngwavo, “Omo Wakuvwavesa akaija, kuma akalinga vizivukiso vyavingi kutuvakana evi vyalinakulinga ou munalume ndi?”