Yowano 11:3 - Livulu lya Shukulu Kalunga

³ Ngecivene, vandokazi va Lazalu vatumine lijwi kuli Yesu ngwavo, “Mwene, uje musamba wove iwazema alinakuvinja.”

Yowano 11:3 Iomraidhean Croise

Kushangumuka 22:2

Njambi walekele Avilahama ngwendi, “Ambata munove Isake, ou munove umolika iwazema manene. Ya ku lifuti lya Moliya, ukamukombelele kupwa n̄ombelo ya kwenyeka ku munkinda uje unjikakuleka.”

Myaso 16:3

Vanu va Shukulu Kalunga vaje vakujela vali ano asi, vanapu va vulemu, njilinakuvwaelela muli vakevo.

Luka 7:13

Omo Mwene wamumwene, co wamuzivilileko mema ku mbunge, co wendekele kuli ikeye ngwendi, “Kesi ulile.”

Yowano 11:1

Kwakele munalume umo lizina lyendi Lazalu, wa ku Mbetaniya, wakele nakuvinja. Mbetaniya yapwile nganda muje mwakele Maliya na ndokazi yendi Mata.

Yowano 11:11

Yesu wendekele evi, co lalo wavalekele ngwendi,“Musamba wetu Lazalu nalala tulo, oloni njilinakuyako ngeci njikamwindule.”

Yowano 11:2

(Ou Maliya ikeye uje wavwavesele mendi a Mwene na mazi akunika lwengo lwaluvwa, co wasikumwineko na vin̄ambu vyendi, ikeye vene wakele na ndolome yendi Lazalu uje wavinjile.)

Yowano 11:21

Mata wendekele kuli Yesu ngwendi, “Mwene, nga unakele kuno, ndolome yange nga katsile!

Yowano 11:36

Vanu vendekele ngwavo, “Kengeni muje mwamuzemene!”

Yowano 11:5

Yesu wazemene Mata na ndokazi yendi Maliya na Lazalu.

Yowano 13:13

Munjitumbula ngweni Mulongisi na Mwene, co mucinapande vene kunjitumbula ngacije, omwo omu mukemwo vene munjapwa.

Yowano 13:23

Umo wa vandongisi vendi, uje yazemene Yesu, watumbamene ku nyonga ya Yesu.

2 Timateo 4:20

Elasitase wasalele ku Kolinte, co njasezele Tolofimase mu Miletase, omwo ikeye wavinjile.

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.