Yowano 11:27 - Livulu lya Shukulu Kalunga

²⁷ Wakumbulwile ngwendi, “Eyo Mwene, njinakulaela ngeci yove u Wakuvwavesa, Muna Njambi, uje akaija ano a kaye.”

Yowano 11:27 Iomraidhean Croise

Malakiya 3:1

Shukulu Kalunga Muka-nzili yoshe nendeka ngwendi, “Kengeni njikatuma muluwa wange uje akavwaesa ngila kulutwe lwange. Asinoni Shukulu Kalunga uje imulinakukengelela akaija vwasi-vwasi ku Njuvo yendi. Muluwa uje imukakengelela akaija nakwambulula cikumiiyo cange.”

Mateo 11:3

nakumwihula ngwavo, “Tuleke, yove vene uje yatumbwile Yowano ngwendi akaija, nambe tucivandamene weka lalo?”

Mateo 16:16

Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”

Mateo 16:20

Asinoni Yesu wasin̄ikile vandongisi vendi ngwendi kesi valekeko munu umo ngwavo ikeye Kilistu Wakuvwavesa.

Luka 2:11

Vutsiki vuno vene mu nganda ya Ndaviti munasemuka Muyoyesi weni, ikeye Kilistu Mwene!

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

Yowano 4:42

co valekele uje munakazi ngwavo, “Ololo tunakulaela, kesi omwo lijwi lyove, oloni omwo twalizivila yetu vavenya, co twazivuka ngwetu mwa vushunga ikeye Muyoyesi wa vaka-kaye.”

Yowano 6:14

Omo vanu vakele kuje vamwene cikomokeso eci calingile Yesu, vendekele ngwavo, “Mwa vushunga ou ikeye Muka-kwimanena uje naija ano a kaye!”

Yowano 6:69

Co tunakulaela nakuzivuka ngwetu yove Wakujela uje watunda kuli Njambi.”

Vilinga vya Miluwa 8:36

Co omo vakele nakushelumuka mu ngila, co vetele ku mutambela umo kuje kwakele mema, co uje mukulunu wendekele ngwendi, “Kenga, mema awa. Vika lalo vyasa kunjivindika kunjimbwitika?”

Vilinga vya Miluwa 8:37

Filipu wamukumbulwile ngwendi, “Citava kukumbwitika nga unakulaela na mbunge yove yoshe.” Ikeye wamukumbulwile ngwendi, “Mwa vushunga vene njinakulaela, njinakulaela ngeci Yesu Kilistu ikeye Muna Njambi.”

1 Yowano 5:1

Woshe uje akulaela ngeci Yesu ikeye Wakuvwavesa, napu muna Njambi, co woshe uje azema cisemi azema lalo munendi.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.