Yowano 11:25 - Livulu lya Shukulu Kalunga

²⁵ Yesu wendekele kuli ikeye ngwendi, “Yange cisangukilo na mwonyo. Woshe akulaela kuli yange nambe natsi, oloni akayoya,

Yowano 11:25 Iomraidhean Croise

Myaso 36:9

Yove ukaana mwonyo ku vyuma vyoshe. Omo a ceke cove twasa kumona ceke.

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Isaya 38:16

Shukulu Kalunga, njikayoyela ali yove, njiyoyela ali yove lika. Njikangwise, co njitave ngeci njiyoye.

Luka 23:43

Yesu wamulekele ngwendi, “Mwa vushunga njikuleka ngwange, lelo vene ukakala nange mu Citungu ca Njambi.”

Yowano 1:4

Lijwi likelyo lyapwile nsina ya mwonyo, co mwonyo ou ukewo wanenele ceke kuli vanu.

Yowano 14:19

Oloni mu kasimbu kakandondo lika, co vaka-kaye kuvakanjimono, oloni yeni mukanjimona, omwo njilinakuyoya, neni lalo mukayoya.

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Yowano 3:36

Woshe akulaela kuli Mwana ali na mwonyo wa myaka yoshe, woshe avyana Mwana kakala na mwonyo, oloni vukalu vukala ali ikeye.

Yowano 5:21

Ngwe omo Ishe akasangula vatsi nakuvana mwonyo, ngecivene, mu ngila eyi lalo Mwana akana mwonyo kuli vaje ashaka.

Yowano 5:26

Omwo ngwe Tate wapwa nsina ya mwonyo, ngecivene, mu ngila eyi vene napwisa lalo Mwana nsina ya mwonyo.

Yowano 6:35

Yesu wavalekele ngwendi, “Yange likende lya mwonyo. Uje aija kuli yange kakakala lalo na njala, co uje akulaela kuli yange kakazivi lalo lihwila.

Yowano 6:44

Naumo wai aija kuli yange kuvanga Tate uje wanjitumine amunene kuli yange, co njikamusangwila ku mwonyo a litangwa lyakukotoka.

Vilinga vya Miluwa 3:15

Co mwatsiile uje ikeye vavenya mwonyo, oloni Njambi wamusangwile ku vatsi, co yetu tunapu tu vakaleo va cuma eci.

Loma 4:17

Ngwe muvyendeka visoneka ngwavyo, “Njinakupwisa cisemi ca miyati yaingi.” Ngecivene, cikulaeso cinapu cacivwa ku mesho a Njambi, uje yakulaelele Avilahama, Njambi uje muka-kusangula vatsi, uje akushika kwendi anena vyuma vije kuvyesiko ngeci vikaleko.

Loma 8:2

Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

1 Kolinte 15:18

Co lalo cinalumbunuka ngeci vaka-kukulaela kuli Kilistu vaje vanatsi navo vanazimbala.

1 Kolinte 15:29

Ngecivene, vikajo vanu valinakuvambwitika ali vavushoko vwavo vaje vatsa laja? Vakevo vanayongola ngwavo vawanao vimo ndi? Nga eci cinapu ca vushunga, ngwe muvali nakwendeka vamo ngwavo vatsi kuvakavasangwila ku mwonyo, omwo vikajo vanu ava valinakuvambwitika ali vavushoko vwavo vaje vatsa laja?

2 Kolinte 4:14

Omwo twazivuka ngeci Njambi uje wasangwile Mwene Yesu ku vatsi, ikeye akatusangula lalo amo na Yesu nakutusholola amo neni, ku mesho endi.

Filipu 1:23

Vananjikokela mu mitambela yoshe eyi ivali. Njishaka manene kuseza mwonyo ou njikakale amo na Kilistu, eci cikeco cinahyana manene,

Filipu 3:10

Cuma cinjishaka a vyoshe evi cinapu kuzivuka Kilistu nakumona nzili ya cisangukilo cendi, kulipangela tuyando twendi nakupwa ngwe ikeye mu kutsa kwendi,

1 Tesalonika 4:14

Omwo tunakulaela ngwetu Yesu watsile, co wasangukile lalo, co tunakulaela ngwetu Njambi akanena amo na Yesu vaje vatsile mukukulaela kuli ikeye.

Kujombolola 1:18

Yange muka-kuyoya! Njatsile, oloni kenga, njilinakuyoya ku myaka yoshe. Njili na moko yakutuvakana kutsa na vukalo vwa vatsi.

Kujombolola 20:5

(Oloni vatsi vaje vasaleleo kuvasangukile noo myaka 1,000 ineti.) Oku kukekwo kusanguka kwa vatsi kwakulivanga.

Kujombolola 21:4

Akasikumuna misozi yoshe ku mesho avo. Co kukukakala kutsa nambe vusiwa nambe kulila nambe kukemanga. Omwo vyuma vyalaja vineti.”

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.