Yowano 11:11 - Livulu lya Shukulu Kalunga

¹¹ Yesu wendekele evi, co lalo wavalekele ngwendi,“Musamba wetu Lazalu nalala tulo, oloni njilinakuyako ngeci njikamwindule.”

Yowano 11:11 Iomraidhean Croise

2 Vimyene 4:31

Ngehazi watwamene kulutwe, co wakakambekele mulamu wa Elisha ali mwanike, oloni kukwakele lijwi nambe cimweso cimo ca mwonyo. Ngecivene, welukile nakuliwana na Elisha, co wamulekele ngwendi, “Mwanike kakasumukile.”

2 Mizimbu 20:7

Yove Njambi yetu, washekele vavenya lifuti lino kulutwe lwa vanu vove va Isalele nakulyana kuli vatekulwila va Avilahama musamba wove, ngeci vakalemo ku myaka yoshe.

Kutuuka 33:11

Co Shukulu Kalunga wakele nakwendeka na Mosesa mesho na mesho, ngwe munu alinakwendeka na musamba wendi. Asinoni Mosesa welukile ku cilombo. Oloni uje mukwenje mukwasi wendi Yoshwa muna Nune, ikeye kakele nakutundamo muje mu Mbalaka.

Isaya 41:8

“Oloni yove, Isalele ngamba yange, yeni mwapwa muyati uje unjaangwile, vatekulwila va musamba wange Avilahama.

Ndanyele 12:2

Co vungi vwa vaje vatsile laja vakakala lalo na mwonyo. Vamo akati kavo vakakala na mwonyo ku myaka yoshe, co vakwavo vakakala na shwamwa yakama ku myaka yoshe.

Mateo 27:52

vimbumbo lalo vyashokolokele, co vaka-kujela vavangi vaje valalele muje vasangukile.

Mateo 9:24

wendekele ngwendi, “Tuukeni, muvavoshe! Ou mwanike katsile embwe, oloni nalala lika tulo.” Co voshe vamujolele, nakumushendumuna.

Mako 5:39

Co omo wakovelele mu njuvo, wendekele kuli vakevo ngwendi, “Omwo vikajo mulingila muyoyo ngeci? Omwo vika mulinakulilila ngeci? Ou mwanike katsile embwe, oloni nalala lika tulo!”

Yowano 11:10

Oloni nga enda vutsiki, atanuka, omwo kesi na ceke.”

Yowano 11:12

Vandongisi vendi vakumbulwile ngwavo, “Mwene nga nalala tulo, enduka.”

Yowano 11:13

Yesu watumbwile tulo twa kutsa, oloni vakevo vayongwele ngwe natumbula tulo twakulala.

Yowano 11:3

Ngecivene, vandokazi va Lazalu vatumine lijwi kuli Yesu ngwavo, “Mwene, uje musamba wove iwazema alinakuvinja.”

Yowano 3:29

Uje ali na shombolwa ikeye vavenya vulo, oloni musamba wa vavenya vulo, uje nemana nakumutolilila, avwaelela omo aziva lijwi lya vavenya vulo. Ngecivene, mukemwo mukunapu kuvwaelela kwange.

Vilinga vya Miluwa 7:60

Co watsikamene a mavuli watambekele na lijwi lyakama ngwendi, “Mwene! Kesi wanuke vuvi vwavo ovu vuvanalingi!” Co omo wendekele majwi awa, watsile.

1 Kolinte 15:18

Co lalo cinalumbunuka ngeci vaka-kukulaela kuli Kilistu vaje vanatsi navo vanazimbala.

1 Kolinte 15:34

Ilukeni ku vushunga vwa mana eni, co eceleni vingila vyeni vya vuvi. Njendeka evi mukumizivisa shwamwa ngwange vamo veni kuvazivuka Njambi.

1 Kolinte 15:51

Tolilileni vushunga ovu vwakushwekesa, kutukatsi tuvavoshe, oloni yetu voshe tukemuka,

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

1 Tesalonika 5:10

uje watutsililile ngeci tukayoye amolika nendi, nambe tuyoya nambe tutsa omo akaija.

Yakomba 2:23

Co Visoneka vyapwile vya vushunga vije vyendekele ngwavyo, “Avilahama wakulaelele Njambi, co omwo akukulaela kwendi Njambi wamulaveleleco kupwa vushunga.” Co Avilahama vamutumbwile musamba wa Njambi.