Yowano 10:4 - Livulu lya Shukulu Kalunga

⁴ Omo navatuula anja, atwama kulutwe lwavo, co vimanga vamukava munima, omwo vazivuka lijwi lyendi.

Yowano 10:4 Iomraidhean Croise

Myaso ya Solomoni 2:8

Njinazivi lijwi lya muka-cizemo cange. Alinakwija nakushatuka a minkinda, alinakushatuka nakujombozoka a malundu aija kuli yange.

Myaso ya Solomoni 5:2

Yange njalalele, oloni njakele nakutona. Njalotele muka-cizemo cange alinakutota ku lipito ngwendi, “Njishokolweleko mwoni wange, wa cikongo cange ca mbunge, liyembe lyange. Mutwe wange unajulu na lime, na vin̄ambu vyange vinajulu na mbundu.”

Mateo 16:24

Asinoni Yesu wendekele kuli vandongisi vendi ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Yowano 10:16

Co kuvali lalo vimanga veka vaje vanapu vange vakevo kesi va mu limba lino. Njinapande kuvanena lalo, vakaziva lijwi lyange, ngecivene, vakapwa vutanga vumo na kanyungi lalo umo.

Yowano 10:27

Vimanga vange vaziva lijwi lyange, co nange njivazivuka, co vanjikava.

Yowano 10:3

Muka-kunyunga ku cikolo amushokolwela, co vimanga vaziva lijwi lyendi omo avasana mazina avo, co avatwamenena anja.

Yowano 10:5

Kuvakavangeya munu weka embwe, oloni vakamutewa, omwo kuvazivuka lijwi lyendi.”

Yowano 10:8

Voshe veka vaje valivangele kulutwe lwange vapwa vezi na mapwepwe, oloni vimanga kuvavatolililile.

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Yowano 13:15

Omwo njinamimwesa cimweso ngeci neni mulinge ngwe munjinalingi yange kuli yeni.

Yowano 18:37

Pilato wamwihwile ngwendi, “Ngecivene, kuma yove unapu u mwene ndi?” Yesu wakumbulwile ngwendi, “Omo vene muunendeka ngwove nji mwene. A cuma eci vene njasemukile nakwija ano a kaye kwambulula vushunga. Woshe nakundama ku vushunga atolilila majwi ange.”

Yowano 3:29

Uje ali na shombolwa ikeye vavenya vulo, oloni musamba wa vavenya vulo, uje nemana nakumutolilila, avwaelela omo aziva lijwi lya vavenya vulo. Ngecivene, mukemwo mukunapu kuvwaelela kwange.

1 Kolinte 11:1

Njitembunwineni, ngwe yange lalo njitembunwina Kilistu.

Efeso 5:1

Ngecivene, ngwe omo mwapwa vana va Njambi vamuya ku mbunge, munapande kulifwa nendi.

Kwituluka mu Mashiko 1:30

Shukulu Kalunga Njambi yeni uje atwama kulutwe lweni, ikeye akamilwilako, ngwe muje mwalingile mu Ingito,

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.

VaHevelu 6:20

kuje Yesu natutwamenako, co nakovelamo napu laja Muka-kukombelela Wakama wa ku myaka yoshe ngwe ku cifwa ca Melekizendeki.

1 Petulu 2:21

Omwo eci cikeco camisanenene Njambi, omwo Kilistu vavenya wamiyandelele, co namisezela cimweso, ngeci mukavangeye mu myanja yendi.

1 Petulu 4:1

Ngecivene, ngwe omo Kilistu wayandele mu muvila, neni lalo munapande kulitakamesa yeni vavenya na viyongola vimo, omwo woshe uje ayanda ku muvila nalikela ku vuvi.

1 Petulu 5:3

Kesi mweseke kushwana vaje vavanamyana ngeci muvanyunge, oloni pweni cimweso ku vutanga.