Yowano 10:25 - Livulu lya Shukulu Kalunga

²⁵ Yesu wakumbulwile ngwendi, “Njamilekele laja, oloni yeni kumwanjikulaelele. Vyuma evi vinjilinga mu lizina lya Tate vikevyo vimwesa vukaleo vwange,

Yowano 10:25 Iomraidhean Croise

Yowano 10:32

Yesu wendekele kuli vakevo ngwendi, “Njinamimwesa vipangi vyavingi vyavivwa vije vyanjanene Tate ngeci njivilinge, co a vyuma evi vili vimo vimunjashela mamanya?”

Yowano 10:37

Kesi munjikulaele nga kunjesi nakulinga vipangi vya Tate.

Yowano 10:38

Oloni nga njilinakuvilinga, nameme kumunjikulaela, oloni munapandele kukulaela vipangi vyange, co muzivuke ngweni Tate ali muli yange, co nange lalo njili muli Tate.”

Yowano 11:47

Ngecivene, vaFaliseo na vakulunu va vaka-kukombelela valiwanene na vaka-Munga, co vendekele ngwavo, “Tulinga vati? Omwo kengeni vizivukiso vyoshe vyalinakulinga ou munalume!

Yowano 12:37

Nameme walingile vizivukiso vyavingi ku mesho avo, oloni kuvakulaelele kuli ikeye,

Yowano 14:11

Njikulaeleni omo njendeka ngwange njili muli Tate, co Tate ali muli yange. Nga kesi ngoco, kulaeleni omwo vyuma vije njilinakulinga.

Yowano 20:30

Yesu walingile vizivukiso vyavingi vyeka na vyeka ku mesho a vandongisi vendi vije kuvasonekele mu livulu eli.

Yowano 3:2

Munalume ou waile kuli Yesu vutsiki, co wendekele kuli ikeye ngwendi, “Mulongisi, twazivuka ngwetu yove u mulongisi wakutunda kuli Njambi. Omwo naumo wai asa kulinga vizivukiso viwulinakulinga kuvanga Njambi akale amo nendi.”

Yowano 7:31

Oloni vanu vavangi vamuje mu mbunga vamukulaelele, vendekele ngwavo, “Omo Wakuvwavesa akaija, kuma akalinga vizivukiso vyavingi kutuvakana evi vyalinakulinga ou munalume ndi?”

Yowano 8:12

Yesu wendekele lalo kuli vaFaliseo ngwendi, “Yange ceke ca vaka-kaye. Woshe anjikava akakala na ceke ca mwonyo, co kakende lalo mu lisusulungu.”

Yowano 8:24

Mukemwo njamilekele ngwange mukatsa mu vivi vyeni. Omwo mukatsa mu vivi vyeni nga kumukulaela ngweni ‘Yange Ou Njapwa Munjapwa.’ ”

Yowano 8:56

Ishweni Avilahama wajolelele ngeci amone litangwa lyakwija kwange, walimwene, co wajolelele.”

Yowano 8:58

Yesu wakumbulwile ngwendi, “Mwa vushunga njimileka ngwange, simbu kanda Avilahama asemuke, ‘Yange Ou.’ ”

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

Vilinga vya Miluwa 2:22

“Tolilileni ku majwi awa, yeni vakwetu vaIsalele! Yesu wa ku Nazaleta wapwile munalume uje moko yendi ya vuNjambi yasholwele mwamuvwa kuli yeni vikomokeso na vizivukiso vije vyalingile Njambi muli ikeye. Yeni vavenya mwazivuka evi, omwo vyuma evi vyalingiwile akati keni.

VaHevelu 2:3

Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.