Yowano 1:4 - Livulu lya Shukulu Kalunga

⁴ Lijwi likelyo lyapwile nsina ya mwonyo, co mwonyo ou ukewo wanenele ceke kuli vanu.

Yowano 1:4 Iomraidhean Croise

Myaso 49:6

vaka-vuvi vaje vanakulaela vufuko vwavo, vali na kulyalesa a vufuko vwavo vwavungi.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Isaya 42:16

“Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Mateo 4:16

Vanu vaje vakele mu lisusulungu vanamono ceke. Vaje vakele mu lifuti lya lisusulungu lya kutsa, ceke cinavatwila.”

Luka 2:32

ceke cakujombolola cizango cove kuli ava kesi vaYunda, nakunena vumpau kuli vanu vove va Isalele.”

Yowano 11:25

Yesu wendekele kuli ikeye ngwendi, “Yange cisangukilo na mwonyo. Woshe akulaela kuli yange nambe natsi, oloni akayoya,

Yowano 12:35

Yesu wakumbulwile ngwendi, “Ceke cikakala akati keni kasimbu lika kakandondo. Endeni omo muli na ceke, ngeci lisusulungu kesi likamifwike, omwo uje enda mu lisusulungu kazivuka kuje alinakuya.

Yowano 12:46

Yange njinaija ano a kaye kupwa ceke, ngeci woshe akulaela kuli yange kesi akale mu lisusulungu.

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 3:19

Co omu mukemwo mucikapanga cihiso, ceke cinaija ano a kaye, oloni vanu vazema lisusulungu kutuvakana ceke, omwo vilinga vyavo vyapwa vyavivi.

Yowano 5:21

Ngwe omo Ishe akasangula vatsi nakuvana mwonyo, ngecivene, mu ngila eyi lalo Mwana akana mwonyo kuli vaje ashaka.

Yowano 5:26

Omwo ngwe Tate wapwa nsina ya mwonyo, ngecivene, mu ngila eyi vene napwisa lalo Mwana nsina ya mwonyo.

Yowano 8:12

Yesu wendekele lalo kuli vaFaliseo ngwendi, “Yange ceke ca vaka-kaye. Woshe anjikava akakala na ceke ca mwonyo, co kakende lalo mu lisusulungu.”

Yowano 9:5

Omo njili ano a kaye njinapu ceke ca vaka-kaye.”

Vilinga vya Miluwa 26:23

ngwavo Wakuvwavesa napande kuyanda nakupwa umo wakulivanga kusanguka ku vatsi nakwambulula ceke cakwovoka kuli vaYunda na kuli vaje kesi vaYunda.”

1 Kolinte 15:45

Omwo visoneka vyendeka ngwavyo, “Munu wakulivanga Andama, vamutangele munu wakuyoya”, oloni Andama wakukotokela ikeye mukakwana mwonyo wa Munzinzime.

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

Kolose 3:4

Co mwonyo weni mwa vushunga unapu Kilistu, co omo ikeye akasholola, asinoni neni lalo mukasholoka amo nendi mu vumpau!

1 Yowano 1:1

Tulinakusoneka kuli yeni a Lijwi lya mwonyo, lije lyakeleko tunde kukushangumuka. Tunalizivi, co tunalimono na mesho etu, eyo, tunalimono, co tunalikwata na mavoko etu.

1 Yowano 1:2

Omo mwonyo ou washolokele, twaumwene, ngecivene, tulinakuwendeka nakumileka vya mwonyo wa myaka yoshe uje wakele amo na Tate, co vatushololwelewo.

1 Yowano 5:11

Ngecivene, ovu vukevwo vukaleo, Njambi natwana mwonyo wa myaka yoshe, co mwonyo ou uli muli Munendi.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 22:16

“Yange Yesu, njinatumu kangelo kange nakwambulula vyuma evi kuli yeni mu vikungulukilo. Yange njatunda ku naanga ya Ndaviti, yange litota lyakuvyazima lya mutondo.”